一家人睇樓弟弟女友同行仲好熱情成交後因說一句話令全家超愕然！

Digital Editor

與同居者一同睇樓好重要，但同一家人睇樓時，有人帶埋交往期好短嘅伴侶一齊睇可能會中伏。台灣一名網民到討論區表示，自己計劃同家人夾份買樓，弟弟仲帶同拍拖僅三個月嘅女友加入「睇樓團」，成交後，弟弟女友更因講咗一句話而令氣氛超尷尬。

Photo from TVB

一台灣家庭睇新屋，弟弟女友都跟埋嚟

近日，一名台灣網民（下稱樓主）到Dcard討論區發文指，一家人原本居住嘅房屋因為無電梯，會影響行動不便嘅父母，所以一家人決定夾份買樓。費用方面，當中五成由父母負擔，三成樓主畀，弟弟則支付兩成。由於樓主爸爸要子女靠自己買樓，所以新屋仍然會係爸爸名下。

Photo from TVB

弟弟有一名拍拖三個月嘅女友，該女友堅持同樓主一家一齊睇樓，期間仲會向中介問好多睇樓要注意嘅事項。即使在家時，樓主弟弟都會收到女友來電，聽女友大講佢媽媽分享嘅睇樓事項。

Photo from TVB

雖然弟弟女友表示只係幫手睇屋，但樓主心裡不是味兒，於是佢同弟弟反映意見，但弟弟都認為女友只係單純對睇樓感興趣，所以認為樓主不必擔心。而且，弟弟與女友剛從爭吵中和好，所以唔想咁快再有爭執。

Photo from TVB

確定成交後，弟弟女友主動提出同樓主一家食飯慶祝，弟弟更係直接話女友已經訂好餐廳。此時，樓主心裡有點詫異，心諗現時疫情下點解唔留家用餐，仲要連弟弟都唔考慮呢點。最後樓主以父母行動不便，加上疫情為由，成功改為在家吃飯。

Photo from TVB

用膳期間大家都有正常交談，直至食完飯，弟弟女友突然拿出一支酒，表示要慶祝，說道：「我們買了一間房子」，樓主疑惑咁向佢確認剛說嘅話，弟弟女友仲興奮話「對喔！」，然後大談佢想點樣佈置自己嘅房間，其他人對此都感到愕然，心想：「弟弟應與女友共享一房，點解女友講到自己擁有一間獨立房間？」

Photo from TVB

弟弟聽罷立即尷尬地拉女友入房，更傳來一陣爭吵聲。女友之後走出房間，粒聲唔出攞起支酒便大力關上鐵門離開。弟弟事後解釋，佢早已向女友表明間屋屬於一家人，但女友在睇樓時完全忘記，女友其後有親自道歉，樓主父母亦已接受。

Photo from TVB

對此，不少網民都直言弟弟女友好有「投資眼光」，「蠻會投資，一起看個房子就有一間房間，巴菲特都沒她厲害」、「可能交往三個月已經在腦補這個是新房，氣噗噗的情況下還記得帶走酒，真是會持家」，亦有網民問道，樓主弟弟係咪要考慮分手，「這個嫁去你家真的會不得了。」

Photo from Dcard

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel