林夏薇首度回應奪視后惹爭議！落淚回憶出道辛酸，由臨時演員做起
林夏薇首奪視后惹網民不滿
林夏薇擊敗大熱鍾嘉欣，「爆冷」奪得視后大出網友預料，佢主演嘅《七公主》更拎埋「最佳劇集」，引起網民關注，更直言：「係咪課咗金？」
之後高層曾志偉公開表示佢視后心水並非林夏薇，而係黃智雯，最近有指TVB「首席創意官」王祖藍因鍾嘉欣未能奪視后感無癮，更拉隊北上發展。
出道從臨時演員做起，獲內地資深演員陳道明讚賞
林夏薇一直未有回應事件，佢忙於拍攝新劇《法言人》，繼新晉視帝譚俊彥後林夏薇亦上娛樂新聞台《Star Talk》做訪問，大談當日攞視后嘅心情。
出道超過10年，林夏薇回憶起自己喺中央戲劇學院畢業後曾經拍過內地劇《手機》，當年佢只係臨時演員，同內地資深演員陳道明有對白，佢表示自己喺台上，陳道明喺台下，當鏡頭影住陳道明時，台上其他人都走晒，淨返林夏薇一人。
雖然鏡頭無影住佢，但台上嘅林夏薇仍然有繼續講對白、畀反應，獲陳道明大讚好專業：「你咁細個，都識得要留喺度畀對白。」，之後更加咗戲畀林夏薇，又教佢做反應，令佢受寵若驚。
落淚談演員初心
林夏薇表示由嗰日起佢更加堅持演員呢個夢想：「無論係幾細嘅角色，努力係會畀人睇到㗎！」，佢指明白到就算鏡頭唔係拍緊佢都同樣要咁專注。期間佢仲忍唔住落淚，睇嚟勾起佢唔少回憶。
回應奪視后心路歷程
提到奪視后引起爭議，林夏薇亦有回應，佢稱攞獎後收到好多人嘅鼓勵，令佢十分感動。林夏薇表示當日未有留意視后爭議，反而有朋友好擔心佢：「我因為咁先留意到原來有人咁覺得，因為嗰一刻真係太多嘢要處理。」
佢又指會永遠記得得獎一刻嘅感覺，林夏薇表示當時眼前浮現出佢整個職業生涯：由無對白，淨係行行企企拍下手嘅臨時演員、再由無對白到同主角有一、兩句對白嘅角色、再由配角去到主角，佢話上台致謝辭時想表達畀媽咪聽，好彩自己嗰時無放棄到。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
馬國明揚言黃智雯無視后即解約TVB！曾志偉透露林夏薇並非心水視后人選！
5 Jan 2022
《萬千星輝頒獎典禮2021》鍾嘉欣失落視后引起外界關注，原來仲有黃智雯都獲唔少人睇好，馬國明甚至表示佢無獎就同TVB解約！總經理曾志偉接受訪問時大爆林夏薇攞到視后嘅原因。
Photo from 鍾嘉欣 IG
網友不滿《萬千星輝頒獎典禮2021》視后人選
《萬千星輝頒獎典禮2021》所有獎項都塵埃落定，視后今年鍾嘉欣呼聲超高，佢更專程由加拿大回港出席頒獎禮，但最後竟大熱倒灶，不敵林夏薇失落獎項掀起網民討論。
Photo from TVB
Photo from TVB
唔少人都替嘉欣不值，認為視后就算唔係鍾嘉欣都應該要畀李佳芯，原來除咗嘉欣、Ali之外仲有遺珠！
Photo from TVB
馬國明唔撐同劇鍾嘉欣，反支持黃智雯攞視后
喺視帝視后公佈最後五強時《東張西望》有訪問候選人之一嘅黃智雯，佢今年憑《把關者們》再度競逐視后，同黃智雯好friend嘅馬國明亦有同佢一齊接受訪問。
Photo from TVB
馬國明指佢今年都係力撐智雯攞視后，被問到點解唔支持同劇嘅鍾嘉欣時，馬明表示佢每年都會撐同劇嘅演員但今次仍然支持智雯，原因係佢同智雯合作過好多次，知道佢一直以嚟都表現好好。
Photo from TVB
Photo from TVB
Photo from TVB
馬國明揚言黃智雯無獎即與TVB解約
馬明又稱：「公司欠佢一個視后。」更拋下一句：「佢（黃智雯）攞唔到獎，我解約！」之後就頭也不回咁離開，黃智雯佢哋嚇到O晒嘴，不禁表示：「玩到咁大？！」
Photo from TVB
Photo from TVB
Photo from TVB
曾志偉讚黃智雯演技，透露林夏薇爆冷成視后原因
睇好黃智雯嘅唔止馬明，連TVB總經理曾志偉都大讚佢演技出色，仲話佢本來嘅視后心水係黃智雯，提到好多人戥鍾嘉欣唔抵，曾志偉表示今年嘅選舉制度已盡量做到「公道」。
Photo from 黃智雯 IG
Photo from TVB
佢指好多獎項都係由觀眾加埋TVB台前幕後投票，大部分都係「眾望所歸」，提到佢嘅心水既唔係鍾嘉欣亦唔係林夏薇，而係黃智雯，但最終由林夏薇「爆冷」首奪視后，曾志偉稱：「始終幾個人開會，各個人心水都唔同。」
Photo from TVB
Photo from TVB
黃智雯連續7年提名「最佳女主角」，次次都陪跑
黃智雯由2015年起獲提名「最佳女主角」，但連續7年都「陪跑」，由2007年參選港姐入行以嚟喺萬千星輝頒獎禮佢只係於2012年拎過「飛躍進步女藝員」，之後雖然年年有獎項提名，但年年「食白果」。
Photo from TVB
2018年佢曾憑《三個女人一個「因」》喺台慶當日（非頒獎禮）獲「馬來西亞最喜愛TVB女主角」及「新加坡最喜愛TVB女主角」，但最終不敵《BB來了》嘅李佳芯，未能再下一城攞「最佳女主角」。
Photo from TVB
Photo from TVB
Photo from 李佳芯 IG
不論係「最佳女配角」、「最受歡迎電視女角色」，定係視后都同佢擦身而過。雖然無鍾嘉欣「陪跑」咁多次，但佢哋兩人同樣除咗「馬來西亞最喜愛TVB女主角」等外地觀眾票選嘅獎項同「飛躍進步女藝員」外未能再進一步，唔少網友都覺得好可惜。
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
