TVB新男團「Super Tiger」10位成員大起底！平均年齡約28歲！男團妝容更顯疲態？
Photo from 《東張西望》
# TVB推限定10人男團！
TVB限定推出嘅新男團「Super Tiger」出道作就喺大年初一於賀歲節目登場，演唱內地節目《青春有你》主題曲以及賀年歌《喜氣洋洋》。不過「出道」冇耐就被網民發現成個表演都「咪嘴」，但實際上成員們都為表演苦練幾日，仲話所有人都係經嚴格選拔㗎！
Photo from 《東張西望》
Photo from 《東張西望》
1. 羅天宇
現年35歲嘅羅天宇係團中「C位」備受力捧，亦係團中比較為人熟悉嘅成員。佢2008年參選《香港先生選舉》獲得少年組冠軍，曾參與多部電視劇拍攝，包括《愛回家》、《十月初五的月光》等，擁有豐富嘅演戲經驗。
Photo from TVB
Photo from TVB
羅天宇接受訪問時直言「入行前已經想組男團」，相隔14年居然令佢夢想成真！同時，佢嘅感情經歷亦非常豐富，曾被指與苟芸慧、林芊妤（Coffee）、湯洛雯等交往，獲網民封為「女神收割機」！
Photo from Coffee IG
Photo from TVB
2. 許俊豪（Lincoln）
現年30歲嘅許俊豪（Lincoln）曾經係唱跳組合BOP天堂鳥嘅成員，可以話係新男團中嘅前輩！2021年，天堂鳥組合正式解散，同年佢就加入咗邵氏兄弟同無綫電視，參演《愛上我的衰神》獲網民大讚好演技～
Photo from Youtube @創富文化
Photo from TVB
3. 丘梓謙
現時28歲嘅丘梓謙其實係童星出身，就連哥哥丘竣霆細個嘅時候都有出演電視劇。自細就好有表演慾嘅佢一直都夢想成為演員，所以畢業後就加入TVB，其中佢最為人熟悉嘅角色就係《愛回家之開心速遞》「蔥頭」一角！
Photo from 《東張西望》
Photo from TVB
而女友就係麥皓兒，二人至今已經交往8年，感情十分穩定！
Photo from 丘梓謙IG
Photo from 丘梓謙IG
4. 鄒兆霆
現時25歲嘅鄒兆霆2018年正式加入TVB，參與嘅電視劇戲份都並唔算多，直到出演《愛回家之開心速遞》富家子「賈明昇」一角！上年就被爆出同《東張西望》主持潘梓鋒因為「爭女」而發生爭執。
Photo from TVB
Photo from 鄒兆霆IG
成為男團成員後，佢就染咗藍髮，應該係想望落更加新潮，但有網民就認為反而更加老土！
Photo from 《東張西望》
5. 曾展望（GM）
24歲嘅曾展望（GM）係《#後生仔傾吓偈》嘅成員之一，大多出演綜藝節目以及於電視劇客串。男團訪問時，佢就解釋GM嘅意思係「Good man」，簡單又直接！
Photo from TVB
有網民就認為曾展望本身其實並唔差，但一成為男團成員之後反而好似顯得比較老，覺得係因為妝感太厚而引致嘅！
Photo from 曾展望IG
6. 林俊其
25歲嘅林俊其2016年加入TVB，並曾以模特兒身分拍攝廣告同微電影。因為外型同聲線極似王浩信，而三度飾演王浩信喺劇中嘅年輕版同替身，可以話係「王浩信專業替身」！佢仲喺男團訪問時向鏡頭大放電，對自己嘅外型非常有自信～
Photo from 林俊其IG
Photo from TVB
未知係咪因為連續幾日排舞所影響，林俊其嘅樣貌睇落好似好疲倦，黑眼圈非常明顯！
Photo from 《東張西望》
7. 魏柏豪
現年31歲嘅魏柏豪任職機槍服務員長達7年時間，2020年參加由TVB舉辦嘅《衝上雲霄大選》，隨後加入TVB成為藝人！
Photo from TVB
Photo from 魏柏豪IG
然而加入男團後，佢就染咗一頭藍髮，並穿上窩釘黑色外套，同佢嘅形象格格不入！
Photo from 《東張西望》
8. 劉展霆（Eden）
25歲嘅劉展霆（Eden）係霹靂舞dancer，喺2021年參加真人騷《盛舞者》入行，並拍攝首部電視劇《青春本我》。而受訪當日，佢嘅面容有啲蒼白，未知係咪因為受妝容影響？！
Photo from 《東張西望》
Photo from 劉展霆IG
9. 李紹堅
李紹堅喺IG稱自己係港泰混血兒，擁有健康膚色，相當有異國風情～喺2019年加入TVB，並於2021年參加《盛舞者》，屬於王君馨隊伍「HOT FLAVAZ」嘅成員；亦有出演過《愛回家之開心速遞》同埋《青春本我》。
Photo from 《東張西望》
Photo from 李紹堅IG
10. 宋懿芳
宋懿芳係應屆藝員訓練班嘅學員，可以話係演藝事業剛剛起步～喺接受訪問時，佢自爆小時候係逾300磅嘅肥仔，但減磅後隨即成為身高1米8嘅韓國oppa！
Photo from 《東張西望》
Photo from 《東張西望》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【青春本我】TVB將推跳唱男團「兄弟幫」？！5位聲夢學員+TVB藝人組成
4 Feb , 2022
《聲夢傳奇》女團「After Class」率先出道
《聲夢傳奇》有話題度，TVB乘勝追擊開拍《青春本我》，以《聲夢傳奇》班底做主演，當中仲有另一個舞蹈真人騷節目《盛·舞者》嘅參賽者出演。
《聲夢傳奇》三甲都係女生，TVB亦為佢哋度身定做歌曲。ViuTV嘅當家男團MIRROR成績驕人，《聲夢》學員炎明熹（Gigi）、姚焯菲（Chantel）、鍾柔美（Yumi）、詹天文（Windy）組成女團「After Class」搶頭啖湯出道。
TVB將推出跳唱男團力撼MIRROR？！
有咗女團，網民關心之後會唔會都有男團推出？！早前曾有傳TVB有意力捧「千禧五虎」，成員分別為余德丞、丁子朗、羅天宇、周嘉洛同朱敏瀚，不過周嘉洛就否認有啲咁嘅事：「點可能贏到姜濤？！」
不過最近有網友搵返《青春本我》插曲MV，指TVB早有準備推出跳唱男團！MV入邊5位成員又唱又跳，大顯功架！佢哋又打籃球展現青春活力一面。
《青春本我》5人男團「兄弟幫」成員公開
下面都有唔少留言力撐「兄弟幫」男團：「兄弟幫男團多元化，唱得Rap得跳得有戲有感情」、「香港最佳男團」、「有實力的男團終於出現」
「兄弟幫」由聲夢學員冼靖峰（Archie）、張馳豪（Aska）、何晉樂（Rock）以及《盛·舞者》參賽者劉展霆（Eden）、李紹堅（Markii）5位組成，歌曲更有冼靖峰（Archie）、張馳豪（Aska）等參與製作。
網友直言：「天堂鳥、FAITH都好過佢哋！」
雖然只係電視劇插曲，但5位兄弟幫成員都有份快閃唱live，更獲fans大讚跳唱實力強！不過連登討論區亦有網民直言：「新版十兄弟選角咁就搞掂5個」、「好似泰國cosplay f4流星雨啲fd」
兄弟幫表現評價兩極，討論區網友稱好kam：「天堂鳥、FAITH都好過佢地喇」，天堂鳥、FAITH當年因為「浮誇、騎呢」嘅造型同舞姿被封為香港MK-POP嘅始祖，兩個組合嘅代表作《登陸太陽》、《Ma Ma Easy（媽媽今天不必擔心我）》仍然流傳至今。
雖然兩隊男團都已經解散，但有網友睇完兄弟幫MV就表示其實天堂鳥、FAITH「當年走得太前」，又指兄弟幫幾位成員啲pose非常奇怪，令人難以理解。
即睇《兄弟幫》MV：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
