新娘婚禮前要求男方俾7萬禮金先肯落車！場面超尷尬！網民怒斥：叫佢原車折返

結婚嘅時候「俾禮金」係其中一個傳統，雙方家庭多數都會談妥好並得出結論。最近，內地有位新娘居然喺搭車到男方家門前準備進行婚禮時，要求男方付禮金，令男方家人當堂手足無措非常狼狽，引起熱議！

Photo from TVB

# 禮金問題係唔少新人嘅煩惱？！

喺結婚前夕，一對新人都有好多嘢要準備，其中禮金就係最常見嘅問題之一喇！其實「俾禮金」係一種結婚嘅傳統，由男方俾錢女方家人，以感謝女方父母養育女兒之恩。然而，有一對新人卻居然因為禮金，而導致婚禮當天非常尷尬？！

Photo from TVB

# 內地新娘迎親時，唔願意落車！

日前，內地河南省開封市村莊就舉辦一場盛大嘅婚禮，正準備進行迎親儀式。根據當地習俗，新娘會乘坐禮車到新郎屋企進入家門才算完成，但呢位新娘卻遲遲都唔願意落車！

Photo from 微博

Photo from 微博

# 要求男方家人俾7萬禮金，令對方超慌張？！

從影片中所見，新娘已經搭乘黑色私家車抵達新郎屋企門口，但同行嘅幾位伴娘突然大喊「不給6萬6（約7萬3千港幣）下車禮，新娘就不下車，一分也不能少」態度非常決絕！而男方嘅父母非常驚愕，引來大批鄰居圍觀；另一方面男方家人心急到忍唔住落淚，並且立刻打俾朋友借錢，先成功籌錢令婚禮儀式得以完成！

Photo from 微博

Photo from 微博

# 男方父母已經支付大量結婚費用！

根據內地媒體報導，男方父母已經支付咗一對新人嘅新房、新車費用，連訂婚嘅25萬（約港幣30萬港幣）都係佢哋俾。加上新娘當日上車嘅時候，其實就已經支付咗14萬8千（約港幣18萬）嘅「上車費」，所以男方家人真係非常驚嚇！

Photo from TVB

# 網民批評女方行為惡劣！

呢件事隨即引起內地網民嘅熱議，認為女方嘅行為實在太過分，「不停加價」、「不是已經談妥好了嗎？」等留言，認為簡直就係「搶錢」！

Photo from 微博

# 原來內地婚禮仲包含下車費？！

據悉，「下車費」的確係當地婚禮習俗嘅其中一環，不過就並唔係必要嘅，視乎雙方家人而定，但一般出價並唔會咁高！加上男方已經出錢購買唔少禮物俾新人，所以下車費嘅金額就更加唔合理！

Photo from TVB

相關文章：新郎婚禮上背老婆偷牽女生手被斷正！偷食疑雲瘋傳！網民: 小心玩大咗

相關文章：新人擺40圍婚宴後走數 原因極牽強！網民：冇錢就唔好結婚！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

新娘熱情獻舞卻慘遭悔婚？2大原因令新郎突然暴怒大喊：不娶了！

17 Jan , 2022

辦結婚典禮係人生大事之一，當然唔少得有載歌載舞嘅表演啦～最近，有位新娘喺婚禮嘅時候熱情咁向新郎跳舞，但卻竟然激嬲男方，而對方仲激動到決定悔婚同賠償聘金？！

Photo from 微博

# 新娘跳舞卻成為男方悔婚理由？

唔少新娘都會喺結婚典禮嘅大日子盛裝打扮，而內地嘅婚禮最近就非常流行以跳舞去炒熱現場氣氛！然而，有位新娘卻竟然因爲跳舞而導致結唔成婚？！

Photo from TVB

# 女方熱情表演性感舞蹈

根據媒體報導，江蘇一位新娘滿心歡喜咁喺提親嘅時候，為丈夫準備舞蹈表演，令現場氣氛瞬間變得十分熱鬧！從影片中所見，新娘身穿傳統紅色婚禮旗袍超級熱情咁向男方展現自信嘅舞蹈～

Photo from 微博

Photo from 微博

# 新郎突然暴怒！

只見，新娘將雙手擺喺新郎嘅肩膀上，並且扭腰搖擺，又不時深情咁同對方「放電」，令喺一旁嘅來賓都忍唔住熱烈歡呼！不過，面對另一半嘅熱情攻勢，新郎嘅面色就變得越來越僵硬，後來仲突然發嬲一把推開女方，大叫「不娶了」！

Photo from 微博

Photo from 微博

# 男方懷疑對方曾在夜店工作？

在場嘅親朋戚友都感到非常錯愕，紛紛勸喻新郎。而佢就憤怒咁話「她跳得這麼純熟，我就知道她以前做什麼了！真的太丟臉了！」認為女方過往應該喺夜店工作過，迎娶對方會影響佢嘅形象，佢仲立刻要求對方「將38萬（約港幣46萬）嘅聘金還給我」！

Photo from TVB

# 網民反應兩極！

事件隨即引起網民熱議，而佢哋嘅反應亦各有不同！有網民就認為新郎嘅情商好低，就算對女方嘅過去有懷疑都唔應該突然喺眾目睽睽之下推倒別人，認為佢性格衝動；另外有網民就嘲諷男方自己應該都有去夜店玩，先會用呢個原因懷疑另一半！

Photo from TVB

# 網民認為新娘應自重

但有網民就覺得新娘應該好好檢討自己嘅行為，覺得佢婚前有意向男方隱瞞過去，「立刻暴露職業！」、「在婚禮上這樣也太不得體了吧！」等留言。

Photo from TVB

相關文章：新人擺40圍婚宴後走數 原因極牽強！網民：冇錢就唔好結婚！

相關文章：印尼夫婦舉辦Hello Kitty主題婚禮！婚紗激似睡衣！新娘面無表情成焦點

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）