打工仔大呻WFH5大缺點！24小時工作/效率低「生活好壓迫」!
由於Omicron確診個案日益上升，唔少公司都推行WFH（Work from home）政策以保障員工健康。不過最近就有網民喺討論區大呻WFH嘅生活比想象中辛苦，反而認為返office返工更加好！而家就等我哋一齊盤點下網民認為WFH嘅5大缺點啦～
Photo from TVB
# 網民細數WFH壞處多！
現時唔少公司都推行咗WFH（Work from home）政策，員工大部分時間都會喺屋企遙距工作，減低大家離開屋企嘅必要。唔少打工仔初時都覺得WFH令時間變得非常好用，但隨住時間變得越來越長，唔少網民都開始認為WFH嘅生活其實異常辛苦，並以「wfh 既生活真係好地獄」為題開post大吐苦水！
Photo from TVB
1. 生活壓力好大
樓主就表示宜家一起身就立刻開電腦返工，除咗瞓覺、食嘢之外，日日如是，覺得好大壓力！有網民亦補充WFH令放工界線變得模糊，即使過咗放工時間，都可能會因為未完成工作而需要OT，好似「冇咗儀式感咁」、「人生好似得返工」！
Photo from 連登討論區
Photo from TVB
2. 身體出現警號？！
喺屋企工作，電腦就成為咗最重要嘅工具！網民大呻日日望著電腦同埋長期坐喺度，令佢眼睛超乾、腰又好痛「好似老咗10年咁」！
Photo from 連登討論區
Photo from TVB
3. 工作效率大降
部分網民覺得喺公司電腦設備都比較厲害，又有齊晒所有電腦軟件，方便工作；但屋企網絡又慢，書枱狹窄，而且經常容易分心，導致工作效率急速下降！有網民仲話因為屋企冇書枱，所以要坐喺床攬住電腦做嘢「好似窮困小朋友做功課咁」！
Photo from 連登討論區
Photo from TVB
4. 全部人都喺屋企
疫情嚴重，唔少學校、公司等都推行遙距政策，所以宜家唔少人都會留喺屋企～然而，香港住屋環境一向都比較擠迫，當大家都同時困喺屋企嘅時候就好容易受到彼此影響！有網民就話「啊媽以為屋企做嘢就唔洗做，係咁叫我幫手做家務」，令一眾網民都表示好有共鳴！
Photo from 連登討論區
Photo from 連登討論區
Photo from TVB
相信有小朋友嘅家庭就有更加深嘅體會喇！小朋友喺屋企睇電視大聲玩等，都容易令佢哋分心，集中唔到精神。另外，有網民就自爆同女友一齊WFH，但女友工作比較hea，而且經常都會一邊煲劇一邊大叫，「我開會嘅時候佢突然大叫」，搞到佢非常尷尬！
Photo from 連登討論區
Photo from TVB
5. 返工好孤獨
平時返工可以偶爾同周圍嘅同事傾計，大部分網民都話宜家返工好悶，「發現冇得同同事吹水真係好悶」、「自己一個冇人同我講嘢」等留言，大呻失去返工嘅樂趣！
Photo from 連登討論區
Photo from TVB
# 有網民愛上WFH？！
相反，有部份網民就已經適應咗WFH嘅生活，仲覺得好處超級多，包括：節省車費1以及通勤時間、準時收工、擁有更多私人時間、工作量變得輕鬆等，直言完全唔理解以上網民所講嘅壞處！
Photo from 連登討論區
Photo from TVB
# 突破盲點講出諗法唔同嘅原因？！
有網民突破盲點認為WFH只係適合「冗員」，隨即引起熱議！有人就補充覺得WFH對於工作量唔算好多嘅工種係好事，而且亦極度考驗員工嘅自律性，否則就好大機會有反效果！
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
WFH點派散水餅掀熱議！網友提議：開Zoom表演食蛋糕、派西餅emoji
18 Feb , 2022
Photo from TVB
公司安排在家工作，離職點派散水餅？
last day派散水餅畀同事算係辦公室一項不成文規矩，所以離職時買咩散水餅係唔少打工仔嘅煩惱。不過近日本港疫情相當嚴重，政府更帶頭安排公務員在家工作，好多公司都跟隨。
Photo from TVB
Photo from HolidaySmart
咁work from home嘅情形下離職，last day要點先可以派到散水餅呢？有網民就喺連登討論區發文問網友意見，引起熱議。
Photo from TVB
網友提議「用zoom派」
有網民表示可以「用Zoom派」，疫情下學校、公司都會以Zoom上堂、開會，zoom已成為唔少學生、打工仔常用App。既然返工都用zoom見同事，派散水餅咁大件事當然都係用zoom派啦！
Photo from TVB
Photo from TVB
有網友寫得更具體，佢建議樓主買一盒散水餅返屋企，然後開Zoom喺同事面前食晒佢，每食一舊，就叫一位同事個名，咁就等於派咗畀嗰位同事。
Photo from TVB
Photo from lihkg
派西餅emoji，經濟又方便
另外有網友稱：「派西餅emoji得啦」，wfh同同事聯絡多數都係以WhatsApp等通訊工具，喺WhatsApp send個蛋糕emoji畀同事當小小心意。
Photo from TVB
Photo from lihkg
呢個提議同「用zoom派」有異曲同工之妙，仲唔使花錢就可以派到源源不絕嘅散水餅，經濟實惠又方便快捷，派足幾打都濕濕碎！
Photo from TVB
以電子coupon代替
有網民就表示可以派餅卡、coupon。其實依家流行電子支付，派利是都有得用手機派，唔少店舖都有推出電子coupon，送呢啲同派散水餅都係一樣～
Photo from TVB
send email通知同事已足夠，唔使另外派散水餅
亦有人指根本唔使派咩散水餅，Send返封email就算。網友指wfh派嚟都無意思，加上同事都無時間可以同佢farewell，無謂特登買散水餅派。
Photo from lihkg
Photo from lihkg
Photo from 未生
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
