內地女生不理父母反對嫁黑人婚後發現老公哥哥竟然係奧巴馬！

生活熱話

By Cheryl on 18 Feb 2022

Digital Editor

談異國戀嘅情侶們，有無諗過另一半嘅真實身份可能好顯赫？內地一名獨生女與一個黑人男生墮入愛河，卻遭父母反對戀情，幸好經努力說服後二人終成婚，其後女方隨對方到美國探親時，竟發現丈夫竟然係前美國總統「奧巴馬」嘅弟弟！

Photo from 微博

內地女與黑人展開戀情

綜合內媒報導，內地一名河南女生劉雪華出生書香世家，係家中嘅獨生女。佢在2002年結識了因金融危機而到內地教書嘅馬克（Mark Okoth Obama Ndesandjo）。雖然馬克當時嘅中文麻麻地，但仍主動向雪華搭訕同「抄牌」。

Photo from 微博

馬克稱自己好鐘意《紅樓夢》和唐詩，但中文能力不足令佢理解困難，當佢知道雪華父母係老師後，就好希望對方可以教佢學習中文嘅訣竅。劉雪華並無冷落呢名陌生外國人，更積極教佢中文。二人多次交流下互生情愫，之後正式展開異國戀。

Photo from 微博

父母反對獨生女嫁到外國，男方承諾婚後定居中國

雪華與馬克深愛對方，並打算拉埋天窗。但當雪華將馬克帶回老家時，雪華父母非常反對女兒嫁畀一個外國人。亦因為雪華係獨生女，兩老擔心唯一嘅女兒要到外國生活會離家太遠。不過，馬克向對方父母表示自己婚後會定居在中國，又保證會好好照顧佢哋嘅寶貝女。

Photo from 微博

丈夫哥哥原來係奧巴馬！

最終二人在2008年結婚，但因為馬克家人都在肯亞，而在美國嘅哥哥又因為太忙而無法過來，所以只有幾個大學好友出席婚禮。到了結婚一周年，馬克帶妻子到美國探望同父異母嘅哥哥。此時，雪華才發現丈夫哥哥原來就係前美國總統奧巴馬（Barack Obama）！

Photo from 微博

而奧巴馬同佢太太，兼前總統夫人蜜雪兒（Michelle Obama）更不斷向雪華二人道歉，並解釋之前因正值總統大選才無法出席婚禮，雪華驚訝之餘亦感受到奧巴馬和藹可親一面。雪華之前從不知道丈夫哥哥就係奧巴馬，而馬克則表示，奧巴馬雖然係同父異母嘅哥哥，二人無一起長大，但當佢讀高中時見到哥哥，感覺就好似識咗十幾年一樣，兩人感情至今仍非常好。