《愛回家》「豹叔」黎彼得入院「通波仔」！康復後都冇工開！多次致電TVB都被無視？！
Photo from TVB
# 著名TVB綠葉黎彼得
現年71歲嘅綠葉演員黎彼得（Peter）有份出演TVB處境劇《愛回家之開心速遞》，飾演尋寶圖職員「豹叔」，仲喺劇中同「根叔」劉丹等人一齊組成男團「大四喜」，獲得觀眾嘅好評！
Photo from TVB
# 入院進行「通波仔」手術！
但「豹叔」一角最近就甚少出現於劇中！日前，黎彼得就向傳媒透露自己3個月前因為眼腫而睇醫生，但卻意外發現心臟2條血管閉塞，需要進行「通波仔」手術，因此佢亦向劇組請假休養，宜家已經完全康復。
Photo from TVB
# 遲遲未獲安排復工？！
黎彼得手術後曾經復工10日，不過再次被公司要求休息，佢曾經聯絡TVB，但至今都未獲公司安排回劇組！佢向傳媒透露仲聯絡咗TVB高層曾勵珍（珍姐）以及藝員部門都遭推諉搪塞，而高層秘書僅僅回答珍姐已經知道，停工似乎無了期。
Photo from TVB
Photo from TVB
# 《愛回家》演員主動關心！
好彩《愛回家》嘅演員們都好關心黎彼得，大讚劇組好有人情味～監製亦有致電關心佢，表示希望能成功安排佢下個月開始工作，但一切都需要聽天由命，由高層落決定！
Photo from TVB
# 契仔Bosco好心資助手術費用！
由於黎彼得宜家已經停工3個月，導致「手停口停」，經濟狀況出現困難。據悉，佢喺私家醫院檢查嘅費用就已經要10萬，加上手術嘅20萬費用，令佢感到十分吃力。幸好獲得契仔黃宗澤（Bosco）經濟上資助手術費，患難見真情！
Photo from 黃宗澤IG
# 二人拍戲結緣
黎彼得同Bosco喺2004年拍攝電視劇《我的野蠻奶奶》而結緣，當時對方主動認佢做契爺，雖然並冇正式上契嘅儀式，但多年來都對佢非常照顧，大讚Bosco念舊同重情！
Photo from TVB
# 過往係知名填詞人！
其實黎彼得除咗係一位演員之外，喺7、80年代嘅著名作詞人，曾經為許冠傑、羅文、梅豔芳等人填詞，有份參與逾200首歌曲製作，仲喺2008年香港作曲家及作詞家協會(CASH)「音樂成就大獎」才華備受肯定！
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
張景淳即將暫別《愛回家》劇組？！因遲到引起高層不滿？龔水戀出現危機
31 Dec ， 2021
TVB處境喜劇《愛·回家之開心速遞》裡面嘅「龔水戀」一直都非常受歡迎。不過，張景淳最近開IG直播時大爆「龔燁」將會暫時離開劇組，令唔少網民都表示非常震驚，有網民就推測可能係因為張景淳經常遲到而引起高層不滿？！
Photo from TVB
# 「龔水戀」修成正果！
喺《愛·回家之開心速遞》裡面，由呂慧儀同張景淳所飾演嘅熊若水、龔燁人氣非常高，二人喺劇中經歷咗唔少感情波折，但「龔水戀」最終都修成正果，劇組仲專登邀請咗喔60位粉絲現場見證佢哋嘅婚禮！
Photo from TVB
Photo from 呂慧儀IG
# 「龔水黨」花費50至60萬進行應援！
而粉絲們（「龔水黨」）為咗慶祝「龔水」大婚以及喺《萬千星輝頒獎典禮》中角逐「最受歡迎電視拍檔」而進行拉票，舉辦一連串嘅應援活動，包括有戶外大型廣告、巴士燈箱、車身廣告等，花費約50至60萬元！而呂慧儀同張景淳都有到場打卡答謝粉絲嘅支持。
Photo from 呂慧儀IG
Photo from 呂慧儀IG
# 張景淳大爆將會暫時離開劇組？！
現時劇情已剛剛播出咗「龔水」結婚嘅情節，令唔少「龔水黨」都非常期待接下來嘅劇情。日前，張景淳喺IG直播時就被粉絲問到「故事會唔會發展到生BB」時，佢就沈默咗幾秒後回應「Probably not （應該唔會）。龔燁遲啲會休息一陣」，並表示3月嘅時候應該唔會出現喺《愛回家》！
Photo from 張景淳IG
# 安慰粉絲會盡快解決問題，重返劇組！
唔少粉絲聽到後都表達傷感之情，而張景淳亦立刻以安慰粉絲「希望事情可以得到解決，快啲返嚟同大家見面」，但就冇表明暫時離開嘅原因，亦回答唔到大概幾時會返到劇組，顯得非常無奈！
Photo from TVB
# 網民猜測可能同遲到有關？
有網民就推測張景淳突然被暫時「停工」嘅原因，好大機會同之前嘅傳聞有關！據悉，高層曾勵珍一直都唔滿意演員們經常遲到，而佢親自巡查期間就咁啱斷正「龔燁」遲到向對方訓話。
Photo from 張景淳IG
# 張景淳解釋係誤會！
不過，張景淳後來就有向媒體表示只係一場誤會，表示自己並唔係離開劇組！由於佢現時只係收到2月份嘅劇本，未知道之後嘅主線劇情發展，所以先會話要休息一陣。
Photo from 張景淳IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
