蔣家旻同同劇演員多次傳緋聞！驚傳與敖嘉年有「婚外情」?男方自爆已經離婚3年
Photo from TVB
# 入行多年，以「排骨仔」一角爆紅！
現年45歲嘅敖嘉年憑劇集《巾幗梟雄之義海豪情》「排骨仔」一角為人熟悉，曾經獲得「飛躍進步男藝員」，係劇中飾演男配角居多。後來，敖嘉年就轉往內地發展，並於2020年初宣佈離巢，宜家以自由身返TVB拍戲。
Photo from TVB
Photo from 敖嘉年IG
# 2016年與圈外女友結婚！
而敖嘉年感情事一直都非常低調，喺2016年就同經歷愛情長跑嘅圈外女友於加拿大結婚，仲表示非常感激女友於低潮時期嘅陪伴，十分恩愛！
Photo from 敖嘉年IG
# 被拍到與蔣家旻交往中？！
日前，敖嘉年卻被傳媒拍到與曾經合作嘅女主角蔣家旻疑似發展曖昧關係，而女方仲前往佢住所共度春宵！據悉，二人係因為拍攝《欺詐劇團》而變得熟悉，蔣家旻曾經公開大讚男方幽默嘅性格，佢哋亦因此而成為好友，經常互傳訊息。
Photo from TVB
Photo from TVB
# 自爆已經離婚3年多！
而敖嘉年喺接受傳媒採訪時就自爆已經離婚3年，雙方和平分手。佢身邊唔少朋友都知情，並透露同前妻依然保持友好關係「一齊太耐，已經變到好似屋企人咁！」
Photo from 敖嘉年IG
# 坦承欣賞蔣家旻，宜家依然單身！
對於被指蔣家旻經常到訪佢屋企，敖嘉年就話成日都邀請朋友去屋企玩，而女方去佢屋企嘅時候都係一大班人。而佢就強調自己宜家單身，坦承非常欣賞對方，對未來感情發展一切隨緣！
Photo from 敖嘉年IG
Photo from 蔣家旻IG
# 蔣家旻入行以來緋聞多！
另一方面，蔣家旻入行15年異性緣一直都非常唔錯，曾多次同劇中合作嘅藝人傳出緋聞，喺2011年，有傳羅子溢（前名羅仲謙）拍攝《飛虎》期間熱烈追求佢，但佢就否認傳聞；亦於《愛回家》飾演哥哥嘅羅天宇傳出戀情！
Photo from 羅子溢IG
Photo from 蔣家旻IG
# 只公開承認過一位前任！
2013年，蔣家旻意外被傳媒拍到同朱敏瀚喺街頭拖手，戀情只係維持咗一年多，亦係佢暫時唯一一段對外承認嘅戀情。但二人上年一齊合作拍攝《換命真相》，但佢哋都表示唔會尷尬，再見亦是朋友！
Photo from 朱敏瀚IG
Photo from TVB
# 同湯怡姐妹情不再？！
2014年，蔣家旻被拍到同電台DJ Martin（林路寶）約會，但戀情只係維持大約2年時間。2019年，蔣家旻被指同麥秋成以練舞為由經常見面，仲邀請佢做微電影女主角，直到同湯怡爆出奉子成婚先被大家當成媒人！但網民就發現佢同湯怡似乎感情生變，甚少有互動，令網民們都有唔同猜測。
Photo from 林路寶IG
Photo from 蔣家旻IG
Photo from 蔣家旻IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
王嘉爾戀情曝光？對象係韓女團中國成員！女方被拍深夜上門過夜
22 Feb , 2022
王嘉爾（Jackson）以韓國男團GOT7成員身份出道多年，但組合未有同經理人公司成功續約，之後佢就主力喺內地發展。近日內地傳媒影到有女性深夜到王嘉爾家中過夜，疑戀情曝光，女方更係韓國女團中國籍成員，兩人曾合作。
Photo from GOT7 Facebook
王嘉爾與JYP完約後主力內地發展
王嘉爾（Jackson）喺香港長大，雖然於韓國出道但近年喺內地發展，上唔少綜藝節目。早前GOT7宣佈全員不續約，並各自開展solo活動。
Photo from 王嘉爾 微博
喺內地有工作室嘅Jackson回復自由身後工作由自己開設嘅公司TEAM WANG負責，不過佢亦有與韓國事務所簽訂合約，似乎仍未放棄發展韓國方面嘅娛樂事業。
Photo from 王嘉爾 微博
傳媒影到有女生上Jackson家過夜，疑戀情曝光
Jackson事業發展順利，感情方面則一直空白，出道8年幾乎零緋聞嘅佢近日被內地傳媒影到有女性去佢家，疑戀情曝光！
Photo from 王嘉爾 微博
從影片中可見Jackson嘅司機喺酒店接咗女方去Jackson屋企，第二日司機再去酒店接女方嘅助理，之後載助理去Jackson家中一齊車女方返酒店，女方落車時更拎住3枝玫瑰花，相信係Jackson所送，十分浪漫。
Photo from 王嘉爾 微博
女方為韓國女團(G)I-DLE中國籍成員宋雨琦
爆料稱女方同Jackson一樣都係韓團出道，正係女團(G)I-DLE嘅中國籍成員宋雨琦，佢係「全球百大最美臉孔2021」排第22位。宋雨琦飛去韓國時都有帶住嗰3枝玫瑰花，睇嚟兩人感情好好。
Photo from 宋雨琦 微博
Photo from TC Candler
Photo from 宋雨琦 微博
曾合作《奔跑吧》第五季，Jackson貼心照顧宋雨琦
兩人年齡相差5歲，曾經合作過《奔跑吧》第五季，宋雨琦係固定出演成員，而Jackson則以嘉賓身份出演，第十集兩人係同一組，Jackson仲勁紳士將任務袋畀著裙嘅宋雨琦遮腳。
Photo from 《奔跑吧》第五季
Photo from 《奔跑吧》第五季
Photo from 《奔跑吧》第五季
Jackson公司TEAM WANG為宋雨琦製作個人單曲
同年宋雨琦推出單曲專輯《A Page》，當時Jackson有幫手宣傳，又指歌曲係由其公司TEAM WANG製作：「支持專輯！同時也希望你喜歡TEAM WANG production. Let's do great things together 感恩這次合作」
Photo from 宋雨琦 微博
Photo from 王嘉爾 微博
Lucas黃旭熙早透露兩人戀情？
雙方暫未回應戀情，但有網友發現同為《奔跑吧》固定MC嘅Lucas黃旭熙之前被fans爆料指欺騙感情，當時fans稱要追另一位香港男藝人，Lucas則表示：「沒關係呀，他女朋友是我朋友，我們之前錄了節目還一起采耳了。」疑早透露王嘉爾同宋雨琦戀情？！
Photo from 黃旭熙 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
