曾寶儀感性發文賀49歲生日與初戀拍拖17年傳男友曾不滿寶儀同爸爸曾志偉太親密？

By Cheryl on 24 Feb 2022

Digital Editor

曾志偉女兒曾寶儀近日迎來49歲生日，但因傳統關係所以提早慶祝50歲生日，並在社交網發文笑言「驚覺已活了快半個世紀」，又分享一路走來嘅心路歷程。未婚嘅寶儀與男友低調拍拖17年，感情非常穩定，但亦曾有傳男友因難忍對方與爸爸曾志偉關係過親而一度分手。

Photo from 曾寶儀 FB

曾寶儀預早慶50歲生日

曾寶儀出道超過20年，主力在台灣發展，係知名主持人、歌手兼作家。佢日前在社交平台發文慶生，表示自己終於到了接近半百嘅年紀，感歎：「這一路走來一點都不容易」，又細數慢慢學會接受自己年紀嘅點滴，同時分享戴著老花眼鏡嘅自拍照，並坦言一開始好不願意配老花，但笑言當佢睇到有跟寵物小精靈聯乘嘅眼鏡時，就開心咁將佢買走，「原來，我還是可以用自己喜歡的方式成為老嫗的！」

Photo from 曾寶儀 FB

曾寶儀出道初期因星二代身份備受關注，但佢憑著出色口才，開朗樂觀嘅態度成為一位人氣主持，仲曾經獲得金鐘獎綜合節目主持人獎。

Photo from ATV

曾與黃子佼、小S起三角戀風波

不過，在2000年5月時，曾寶儀被指介入黃子佼與小S（徐熙娣）之間關係，同年小S與對方分手後更曾在《娛樂百分百》上說：「雖然分開了，我還是很祝福你，不管你有沒有跟阿寶交往，我真的不介意，而且我也很祝福你。」雖然曾寶儀當時極力否認自己係第三者，但佢同黃子佼於2001年5月被傳媒拍到在機場上有親密舉動，最終在同年9月公開「佼寶戀」戀情。

Photo from 《康熙來了》

Photo from 《娛樂百分百》

終與初戀情人復合

之後，曾寶儀與黃子佼因和小S發生嘅三角戀風波形象受挫，影響事業。但三人終於2015年第50屆金鐘獎頒獎典禮台上上演大和解一幕。如今，小S與許雅鈞結婚後成了3個小孩嘅媽媽，而黃子佼也升格為人夫，而曾寶儀到內地工作後重遇初戀情人林明謙，二人於2005年舊情復燃，至今穩定交往17年。

Photo from 【中視 CTV】官方頻道

曾傳男方介意曾寶儀同曾志偉關係太親密

林明謙係曾寶儀嘅大學學長，二人於大學時期曾交往，但有傳男方一次與女友視像通話期間，突然見到曾寶儀身後有人裸體從洗手間行出來，寶儀解釋只係爸爸曾志偉嘅習慣，不過林明謙無法接受對方同爸爸如此親密嘅相處模式，隨後提出分手。曾寶儀曾和爸爸一起出演內地綜藝《極速前進》第二季，當中兩父女接受了互相搓背任務，關係好好。