網紅「幣少爺」黃鉦傑2層豪宅大公開！解釋消失2年原因！當初靠比特幣賺大錢？

時事熱話生活熱話

By Stephanie on 25 Feb 2022

Digital Content Writer

網紅「幣少爺」黃鉦傑2018年於深水埗天台「掟錢」，成為網民熱話。不過呢2年佢近乎消失匿跡，亦搬離過往居住嘅西貢獨立屋。最近，「幣少爺」就接受電視台嘅訪問，仲大晒豪宅！

Photo from BSY IG

# 「幣少爺」過往事跡！

自稱「幣少爺」嘅黃鉦傑於2018年喺深水埗派錢及「掟錢」而為人熟悉，當年嘅佢只係得24歲，非常年輕。隨後佢又透露自己居住於西貢獨立大屋、駕駛林寶堅尼跑車等，大晒豪華生活，令唔少網民都對佢嘅背景感到好奇！

Photo from BSY @YouTube

Photo from BSY IG

# 近年卻不見蹤影？！

不過，近呢2年「幣少爺」一反常態，冇再高調咁分享生活，仲被發現已經搬離西貢嘅大屋！原來宜家佢已經成為咗一位Rapper，仲開始YouTube頻道分享投資心得～

Photo from BSY IG

# 接受電視台訪問，大晒豪宅！

日前，「幣少爺」罕有地接受電視台嘅訪問，仲大晒現時居住緊嘅九肚山豪宅，2層高連天台，形容屋企係佢辦公同創作嘅地方！佢率先介紹工作室，只見裡面有非常多嘅設備，包括：mic、電腦等，而佢平時亦喺該房間內進行直播。

Photo from 香港開電視

# 天台氣氛超悠閒～

「幣少爺」表示成日都會同朋友喺天台上BBQ、賞月等，非常識得享受生活！仲話自己現時愛上咗衝浪，坦承自己現時嘅滑浪實力唔錯～

Photo from 香港開電視

# 飼養3隻兔仔！

非常有愛心嘅「幣少爺」仲飼養緊3隻兔仔，覺得養兔子相對上比較乾淨！而客廳嘅空間亦好大，分別拜訪咗3個黃色同黑色嘅小沙發，而中間就擺咗個茶几。

Photo from 香港開電視

# 堅拒做樓奴！

「幣少爺」坦承呢棟豪宅並非自置物業，唔希望成為樓奴！記者表示租住該區嘅租金應該都非常昂貴，而佢就非常有自信咁話「絕對冇問題！簡單事」，強調最著重嘅係屋企嘅配套以及舒適度。

Photo from 香港開電視

# 解釋消失2年原因！

對於短暫消失嘅原因，「幣少爺」就話2019年嘅時候受情緒病困擾，容易受大眾評論所影響，所以唔想露面！慶幸現時身邊依然有一班fans以及同道中人，令佢知道自己並唔孤單。

Photo from 香港開電視

# 過往工作經歷！

「幣少爺」16歲嘅時候就開始喺麥當勞打工，中學畢業後就做救生員。儲錢儲到30萬後，就開始投資比特幣，坦承風險的確高，但依然決定孤注一擲！

Photo from 香港開電視

相關文章：莊鍶敏跳舞片曝光歐式豪宅特大泳池+落地玻璃睡房大到可跳舞！

相關文章：謝天華4千萬複式豪宅曝光！北上密密賺人民幣，享受「天王」級待遇

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

周揚青超豪複式豪宅曝光！健身房大到分區網民讚歎設備超Hi-tech！

21 Feb , 2022

內地網紅兼羅志祥舊愛周揚青（Grace）出身富裕，佢曾表示前年生日獲爸爸送贈一間別墅豪宅，近日佢應粉絲要求曝光內部環境，入面嘅健身房更豪華得令網民讚歎「貧窮限制了我的想像！」

Photo from 周揚青 IG

周揚青公開豪宅內Gym room

周揚青愛在社交網上跟粉絲們互動，近日佢應粉絲要求，在小紅書上載了一條Roomtour片，公開其豪宅內嘅健身房環境，亦事先表明當中所有設備都係佢屋企真金白銀購買，絕無廣告。佢帶大家進入超大嘅gym room，並首先介紹當中嘅「瑜伽區」。

Photo from 周揚青小紅書

擁High-tech健身設備

瑜伽區放有一面全身鏡，佢並非一般鏡子，而係「高科技健身鏡」，鏡裡設有電子跳舞老師，只要用手觸控面板選擇課程，用家就可以跟住電子老師一齊跳。

Photo from 周揚青小紅書

旁邊亦放有數個周揚青媽媽買嘅「小枕頭」，作用係健身後用嚟拉筋，防止小腿變粗，真係非常講究。

Photo from 周揚青小紅書

邊做gym邊望樓下大廳

周揚青之後介紹一部橢圓儀，佢表示初頭想要一部跑步機，但佢媽媽直言跑步機對膝蓋唔好，所以堅持買橢圓儀。而且，佢嘅橢圓儀正對著大玻璃，可以一邊運動，一邊觀望整個家嘅環境。

Photo from 周揚青小紅書

周揚青最愛按摩椅

介紹完健身設備，周揚青把鏡頭轉向一部白色鋼琴，和一張梳化，再影向兩張豪華太空艙按摩椅，佢直言深紅色嗰張就係佢最愛嘅按摩椅。周揚青指，平時佢健身或工作後好累，就會躺在上面享受按摩，按摩椅可以讓人躺平180度作深度按摩，又有支架畀人放上手機睇片，楊青表示佢有時舒服到喺上面瞓著咗，難怪呢個「按摩椅區」係佢整個健身房內最愛嘅地點。