有得食有得玩！銅鑼灣diy自製章魚小丸子～芝士任加！

大家食章魚小丸子就食得多啦，但係diy自製小丸子又試過未呢？銅鑼灣呢間新開既日式餐廳，可以自製小丸子，可以食到份量夠大既章魚丸之外，仲可以一邊食一邊玩，同朋友或者情人吹下水！

職員會為你預備好材料：有芝士、洋蔥、蘿蔔、章魚仲有麵粉漿～

首先落油，之後再放麵粉漿，再等一陣就可以放材料啦，可以根據個人口味調教材料既份量！

鍾意食芝士既朋友可以落多d芝士～

過程大概十幾至二十分鐘，需要用叉反下章魚丸，直至成型。

除左章魚丸之外，小店既芝麻雞翼、一口熊本牛肉粒同埋宮崎辛麵都好受歡迎～

宮崎辛麵辣度適中，麵好彈牙～！