家族榮耀︱4位女角豪宅逐間睇！全擁無敵靚景 熊黛林家值過億！

劇集《家族榮耀》雲集多位港星，多位女主演楊茜堯（原名楊怡）、熊黛林、李彩華、陳曼娜在劇中生活豪華、打扮富貴，並為各種利益互相鬥爭。現實中，佢哋嘅居住環境都唔惹少，同樣有大露台和開揚景觀，以下一於睇下各人嘅豪宅，唔知你又最鐘意邊間呢？

Photo from 《家族榮耀》

#熊黛林

41歲熊黛林在劇中飾演大少奶，現實中嘅佢在2016年與身家上億嘅郭可頌結婚，二人育有一對女兒，一家四口住在東半山過億豪宅。家居環境以白色為主，風格簡潔，屋內有大露台，熊黛林曾上載於露台健身嘅照片，可以望住靚景做運動真係心曠神怡。

Photo from 熊黛林 IG

Photo from 熊黛林 IG

去年中秋，熊黛林一家更一起佈置家居慶節，溫馨又有氣氛。

Photo from 熊黛林 IG

Photo from 熊黛林 IG

#楊茜堯

42歲楊茜堯（原名楊怡）2016年與羅子溢（原名羅仲謙）拉埋天窗後育有一子一女，一家人住在比華利山別墅湖景道一間近2000呎豪宅，早前兩夫婦為女兒悉心佈置屋企，開派對慶祝愛女誕生100日。

Photo from 楊茜堯 IG

楊茜堯不時在社交網大曬家庭照，佢曾分享一張照片，係愛女「小珍珠」坐在BB椅上，面對大露台睇無敵靚海景，連馬國明都留言話「呢啲咪豪宅囉」。比華利山別墅環境清幽宜人，私隱度高，所以吸引了不少名人，例如張繼聰與謝安琪、黃浩與徐淑敏等居住。

Photo from 楊茜堯 IG

#李彩華

38歲李彩華係圈中小富婆，佢早前透露曾被內地富二代力追，即使對方開價一億都無法打動彩華。努力搵錢嘅佢至今手持12個物業，遍佈香港、澳洲、英國等地，有傳佢身家已達兩億。李彩華現時定居上海，以月租10萬居住黃金地段嘅千呎豪宅單位。

Photo from 李彩華 微博

早前佢分享過一張露台照，可見嗰度相當闊落，放置枱凳和數個盆栽後仍有充足空間，李彩華坐到將腳放上枱顯得好舒適。

Photo from 李彩華 微博

#陳曼娜

除咗三位女主角，在劇中演奶奶嘅陳曼娜在現實中都唔弱，佢投資眼光獨到，早年襯沙士、金融風暴時入貨再作長線投資，近年就因為嫌香港樓價貴，而轉向投資海外物業，據聞佢身家早已過億。

Photo from 陳曼娜 FB

陳曼娜現時獨居於紅磡嘅2,500呎豪宅，樓底高空間大，內擁雲石地板、高身玻璃置物櫃、紅酒櫃等，仲有270度無敵維港全海景。屋企咁靚，難怪佢不時邀請圈中好友到家聚會。

Photo from 陳曼娜 FB

Photo from 陳曼娜 FB

Photo from 陳曼娜 FB

Photo from 陳曼娜 FB

相關文章：莊鍶敏跳舞片曝光歐式豪宅 特大泳池+落地玻璃 睡房大到可跳舞！

相關文章：周揚青超豪複式豪宅曝光！健身房大到分區 網民讚歎設備超Hi-tech！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）