網紅崩潰踢爆未婚夫偷食！對象居然係已婚男網紅！一個原因決定復合
感情不忠係戀愛關係中嘅大忌，大部分人都唔能夠接受另一半出軌！最近，內地網紅左越越指控未婚夫疑似偷食，而對象居然係坐擁800萬粉絲已婚嘅男網紅，令佢十分震驚！劇情峰迴路轉，佢卻因為呢個原因選擇原諒未婚夫。
Photo from 左越越微博
# 踢爆未婚夫出軌！
唔少人都希望尋覓到能夠彼此度過餘生嘅另一半～日前，內地網紅「左越越」喺微博崩潰發文表示發現未婚夫「D三一」出軌，令佢十分失望！佢公布與未婚夫「D三一」嘅婚訊，並上載唯美結婚照片。然而佢發現未婚夫居然有玩交友app，仲發現佢同其他人嘅曖昧短訊！
Photo from 左越越微博
Photo from 左越越微博
# 男友出軌對象係男生？！
左越越後來仲撞破未婚夫同出軌對象於酒吧夜會，證實男友出軌嘅事實，令佢喺微博向大眾大踢爆！最令人驚訝嘅就係出軌對象居然係「杭州某八百多萬情侶博主的男主」，令網民大跌眼鏡！
Photo from 左越越微博
# 暗示男友曾多次出軌？
據悉，左越越同男友交往1年，期間有網民就曾向佢告密表示目擊佢男友出軌，但佢都依然選擇相信另一半。而佢亦失望咁話「這段感情讓我卑微直至迷失自我 」、「數得清因此跟我道過多少次歉嗎」等，希望對方可以公開還原真相並道歉，睇嚟已經唔係第一次發現男友出軌喇！
Photo from 左越越微博
# 決定原諒另一半，並向大眾解釋原因！
正當大家都以為左越越會果斷放棄呢段感情時，佢日前卻突然宣佈決定原諒未婚夫嘅所作所為，堅稱成件事並非炒作！隨後，佢解釋「主要原因是不想讓孩子沒有父親，不想孩子沒有一個相對完整的家庭」，希望網民們能夠淡忘今次嘅事「不想孩子長大了被同學嘲笑自己的父親是通吃」！
Photo from 左越越微博
Photo from 左越越微博
# 網民反應大不同！
不過大部分網民都唔太支持左越越嘅決定，認為「一次不忠百次不容」心裡面難免會有根刺，勉強無幸福！另一方面，有網民依然覺得佢滿口謊言，唔願意相信佢「又有新劇本了嗎？」等留言。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
25歲女花10萬整容嫁富二代！ 最終離婚收場! 成為網紅獨力撫養女兒
1 Dec , 2021
現今唔少女士都會因為唔滿意自己嘅外表而決定整容，增加自信心。最近，越南一位媽媽就表示自己4年前花約10萬港幣整容，成功結識富二代並結婚生子。可惜，兩人好快就離婚，令佢大受打擊！然而，而家嘅佢已經再次組織新家庭，仲令佢明白咗「樣貌並非一切」嘅道理。
Photo from FB@Quách Phượng
# 越南女子整容後有所感悟！
隨住醫學美容嘅技術變得越來越先進，唔少對於自己外表有不滿嘅人都會選擇整容，解決佢哋一直以來嘅心結。喺越南，有位單親媽媽就有相似嘅經歷，不過佢反而喺整容後先明白「樣貌並唔係最重要」呢個道理！
Photo from FB@Quách Phượng
# 自細就因為外表而缺乏自信！
根據外國媒體報導，25歲嘅越南女子郭金鳳（Quách Kim Phuong）出生於平凡嘅家庭，不過佢自細就因為厚嘴唇、哨牙等外表問題，而遭到同學嘲笑；長大後喺職場亦處處遇到困難，令佢一直都對自己嘅外表非常冇自信！
Photo from FB@Quách Phượng
Photo from FB@Quách Phượng
# 父母多次安排相親都失敗！
而郭金鳳多年來一直都缺乏異性緣，所以父母就為佢安排相親，仲表示如果兩人合眼緣，可以直接結婚，男方仲唔需要支付禮金。然而，相親嘅過程都令佢屢受挫敗，唔少男士一見到佢嘅外貌就評頭品足，成為心中嘅傷痕！
Photo from FB@Quách Phượng
# 決定豪花10萬整容！
直到2017年，郭金鳳忍無可忍向父母借取3億越南盾（約$10萬港幣），一共經歷3次嘅手術：矯正牙齒、修正下顎及鼻子等部位，手術後嘅佢就好似脫胎換骨一樣！
Photo from FB@Quách Phượng
Photo from FB@Quách Phượng
# 變靚後立刻認識富二代！
外表上嘅「升級」亦成功令郭金鳳透過相親認識到一位富二代，兩人好快就情投意合，交往半年就奉子成婚。可惜好景不常，佢發現丈夫婚後多次出軌，二人喺佢誕下女兒後就正式離婚，婚姻僅僅維持咗5個月！
Photo from FB@Quách Phượng
# 但慘遭丈夫拋棄！
離婚後，郭金鳳傷心欲絕放棄自己，並暴飲暴食至60公斤。好彩，佢好快就成功走出離婚嘅陰影，並努力運動減至約50公斤，仲透過FB向大家分享減肥心得。佢強大嘅意志以及波折重重嘅人生成功吸引唔少網民關注，獲得好大迴響，而家嘅佢仲成為咗一位網紅！
Photo from FB@Quách Phượng
Photo from FB@Quách Phượng
# 現在成為網紅，獨自照顧女兒！
郭金鳳成為單親媽媽後，非常努力工作獨自照顧女兒。佢亦憑著自己嘅努力獲得唔少廣告代言，仲喺接受訪問時坦承「現時賺到嘅錢已經足以令當時整容嘅費用回本」，成為一位女強人兼好媽媽！
Photo from FB@Quách Phượng
Photo from FB@Quách Phượng
# 去年宣佈再婚！
去年，郭金鳳就於FB上宣布再婚嘅消息，表示兩人透過交友網站認識，不過就冇公開丈夫嘅容貌。佢仲話丈夫完全介意佢過往嘅外貌以及婚姻，對佢照顧有加，並且愛屋及烏疼愛佢女兒，令佢十分感動！今年7月，佢就為丈夫誕下兒子，一家四口非常幸福～
Photo from FB@Quách Phượng
Photo from FB@Quách Phượng
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
