港男呻同老婆一齊WFH好難頂！聽老公開視像會 事後加口評論工事
Photo from TVB
同老婆一起WFH中伏？
最近，一名港男（下稱樓主）到香港討論區發文，表示佢同老婆因疫情而在家工作。工作區方面，樓主和老婆分別在飯廳和書房做嘢。樓主本以為有一棟門，和十多呎之差嘅距離下，雙方可以河水不犯井水，平靜地處理自己事務。
Photo from TVB
與同事開會，老婆一齊聽
不過，事情總不似預期發展。樓主指，佢不時要跟同事開視像會議，當眾人正商討解決方案時，在書房嘅老婆都會聽到討論過程，事後老婆竟然會批評樓主與同事確立嘅方案，例如會直批方案不切實際，更直言如果佢下屬咁蠢，就會一早炒佢哋。
Photo from TVB
老婆太煩，寧願返公司做嘢？！
樓主又稱，自己有時會口花花在視像會中撩女同事，老婆聽到會呷醋，又言：「女同事咁好，不如同我離婚去娶女同事」，樓主大呻：「一有空就拿出來煩我，令我不勝其煩，真想回公司上班。」
Photo from TVB
網民建議事先約法三章
對此，不少網民認為樓主應該同老婆好好商量，約法三章，等大家唔好踩到對方界線；亦有人建議樓主開視像時記得戴耳筒，說話時也可細聲一點；或者選擇出街開會，會議完結才返屋企。但樓主就認為最後建議只係斬腳趾避沙蟲，倒不如回公司上班更好，亦唔想有機會被客人撞到佢「企街」。
Photo from TVB
網民：樓主撩女同事都有唔啱
有網友就認為兩公婆一起在家工作，就等於同老婆在同一家公司共事般「實出事」，而樓主都表示希望疫情快點完結，大家可以恢復回公司上班。另有網民則認為錯在樓主身上，「我覺得倒返轉，個導火線係你撩女同事，所以好多嘢佢都睇唔順眼喎。」不過，樓主卻認為老婆小題大做，更直言自己平時去滾老婆都無反應，相當囂張。
Photo from 香港討論區
Photo from 香港討論區
Photo from TVB
應互相體諒，河水不犯井水
有人則認為大家應該各有各做，唔好隨便對非自己工作嘅事情指指點點，「唔知頭唔知路，最好唔好俾意見！」其他人都同意，指現時很多人都必須WFH，難免產生更多爭執，但各人應互相體諒，盡量以討論方式尋求共識。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
