download HolidaySmart 假期日常 app
新冠疫情掀超市搶購潮清空貨架！「盲搶炎」下乳酪飲品放滿雪櫃

新冠疫情掀超市搶購潮清空貨架！「盲搶炎」下乳酪飲品放滿雪櫃

時事熱話
By Jennifer on 04 Mar 2022
Digital Editor
今晚食乜餸：小二，嚟一碟花生！

香港政府日前宣佈將推行「全民檢測」，市民憂屆時將有「禁足令」，紛紛出動搜羅日用品、食材，「盲搶炎」令超市貨架幾乎清空，唯獨幾款即食麵口味仍有存貨，有網友發現有超市將空空如也嘅雪櫃以一款乳酪飲品填滿。

香港政府日前宣佈將推行「全民檢測」，市民憂屆時將有「禁足令」，紛紛出動搜羅日用品、食材Photo from TVB

全民檢測或推「禁足令」，市民超市搶購日用品

新冠肺炎確診人數急增，政府表示將推「全民檢測」，並會有限制市民出行嘅措拖。消息一出即令市民「盲搶炎」發作，連日嚟到各大超市搶購日用品同食材，唔少地方嘅超級市場都出現缺貨情況。

市民「盲搶炎」發作，連日嚟到各大超市搶購日用品同食材，唔少地方嘅超級市場都出現缺貨情況。Photo from TVB

即食麵部分口味仍有存貨

不過唔係每樣貨品都受到市民青睞，喺搶購熱潮下，即食麵部分口味仍然有大量存貨，更引起網民熱議，指憑呢樣嘢已經反映咗隻味好唔好食。

喺搶購熱潮下，即食麵部分口味仍然有大量存貨，更引起網民熱議Photo from TVB

早前森美都有喺Facebook出post：「香港人定啲！冇事嘅！不過做即食麵嘅公司，如果發現貨架上面，你兩個口味仲有貨！要諗諗點解！！！」，佢影咗超市嘅杯麵貨架，可見有部分韓國杯麵無人買。

森美都有喺Facebook出postPhoto from 森美 Facebook

森美影咗超市嘅杯麵貨架，可見有部分韓國杯麵無人買。Photo from 森美 Facebook

網友熱議出前一丁、合味道最不受歡迎口味？

喺連登討論區亦有網友表示超市竟有兩款出前一丁即食麵無人問津，分別係咖哩味同海鮮味，不過其他網民就指海鮮味明明好好食，反而柚子胡椒豬骨湯味同雞蓉味竟然大出所料無晒貨。

連登討論區亦有網友表示超市竟有兩款出前一丁即食麵無人問津，分別係咖哩味同海鮮味Photo from 日清

其他網民就指海鮮味明明好好食Photo from LIHKG

反而柚子胡椒豬骨湯味竟然大出所料無晒貨。Photo from 日清

除咗出前一丁外，網友又指唔識欣賞合味道辣番茄味杯麵，表示同日版差好遠，大彈無番茄味。有網友笑言依家搶購潮睇貨架就知有咩食物、飲品係「無人吼」，減少中伏機會。

網友又指唔識欣賞合味道辣番茄味杯麵Photo from 日清

網民表示同日版差好遠，大彈無番茄味Photo from LIHKG

有網友笑言依家搶購潮睇貨架就知有咩食物、飲品係「無人呃」，減少中伏機會。Photo from TVB

超市雪櫃放滿乳酪飲品，無人問津似嘉年華攤位遊戲

近日喺Facebook群組「爆笑貼圖區」有網民分享超市雪櫃照片，成個雪櫃似乎都已經被「一掃而光」，但理貨員就將一款乳酪飲品排晒上去，十分整齊，網友指：「係咪賣廣告所以咁排，定係執貨嘅人發脾氣？」

Facebook群組「爆笑貼圖區」有網民分享超市雪櫃照片，成個雪櫃似乎都已經被「一掃而光」Photo from Facebook群組「爆笑貼圖區」

網友指：「係咪賣廣告所以咁排，定係執貨嘅人發脾氣？」Photo from TVB

有網友表示好似嘉年華啲攤位遊戲咁，亦有人指係另類宣傳手法。但有心水清網友則稱：「特登唔好比個貨架空空如也」、「正常賣晒野都要隊d野做facing嘅」

其實貨架存貨有可能係因地區而異，畢竟每區嘅貨物供應量都有所不同。

有網友表示好似嘉年華啲攤位遊戲咁，亦有人指係另類宣傳手法Photo from Facebook群組「爆笑貼圖區」

有心水清網友則稱：「特登唔好比個貨架空空如也」Photo from Facebook群組「爆笑貼圖區」

搶購潮有唔少市民「補充」日用品Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大埔街市菜檔售「切碎蔬菜」！30元一包，或因呢個原因？

2 Mar 2022

新冠肺炎疫情持續，確診人數急升，唔少市民都減少出門，盡量留喺屋企。近日有網民出門去街市買餸時發現有菜檔將蔬菜切碎一包包出售，售價為$30～50港元，掀起熱議。

新冠肺炎疫情持續，確診人數急升Photo from 東張西望

市民搶購食材、消毒用品

新冠疫情嚴峻，政府日前宣佈將推行全民強檢，而且考慮喺強檢期間實施「禁足」措施，有市民擔心屆時將未能出門，加上好多連鎖店、食肆等都停業，超市食材、消毒用品都被搶購一空。

政府日前宣佈將實行全民強檢，而且考慮喺強檢期間實施「禁足」措施Photo from 東張西望

有市民擔心屆時將未能出門，加上好多連鎖店、食肆等都停業，超市食材、消毒用品都被搶購一空。Photo from 東張西望

大埔街市有菜檔出售「切碎蔬菜」

Facebook群組「大埔 TAI PO」有網民分享兩張相：「有冇見菜檔咁賣菜？ #碎上」，相中可見有街市菜販將部分蔬菜如：西芹、紅蘿蔔、粟米、南瓜、茄子等切塊裝成一袋袋出售。

Facebook群組「大埔 TAI PO」有網民分享相片，有街市菜販將部分蔬菜如：西芹、紅蘿蔔、南瓜、茄子、粟米等切塊裝成一袋袋出售。Photo from Facebook群組「大埔 TAI PO」

網民大讚夠方便「有生意頭腦」

根據價錢牌，切碎嘅蔬菜一包售價為$30、$50元，帖文隨即引起網民熱議，有網民大讚蔬菜切碎出售即使貴少少但慳水慳力值得考慮：「其實都係商機呀，有生意頭腦」

切碎嘅蔬菜一包售價為$30、$50元，帖文隨即引起網民熱議Photo from Facebook群組「大埔 TAI PO」

唔止可以慳返啲切菜時間更方便，而且有啲蔬菜切咗未洗又包得乾淨企理其實都放到幾日甚至一星期，所以都吸引唔少網友想買，不過亦有網民提出：「如果啲西芹未刨走啲纖維，真係唔該曬.......」

有網民大讚切碎出售即使貴少少但慳水慳力值得考慮Photo from Facebook群組「大埔 TAI PO」

有啲蔬菜切咗未洗水又包得乾淨企理其實都放到幾日甚至一星期，所以都吸引唔少網友想買Photo from TVB（劇照）

本身係賣畀餐廳或酒樓嘅食材？

亦有人表示呢種「切碎蔬菜」平時多數係超市先會咁包裝，依家街市咁樣賣應該係因為本身備好貨提供畀餐廳或酒樓，但喺疫情下好多食肆都停業，所以推出市面出售。

有人表示呢種「切碎蔬菜」平時多數係超市先有得賣Photo from TVB（劇照）

街市應該係因為本身備好貨提供畀餐廳或酒樓，但喺疫情下好多食肆都停業，所以先會推出市面出售。Photo from TVB（劇照）

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話超市疫情網民熱話新冠肺炎搶購即食麵全民檢測