英國成為穿越時空熱門地點？！事例大多出現於利物浦！用科學理論推測地鐵係主因？

By Stephanie on 07 Mar 2022

Digital Content Writer

近年，唔少電視劇或者電影都以「穿越時空」或者「平行時空」等作為題材，成功引起大眾嘅好奇心。唔少超自然現象研究人員都表示認為「穿越時空」係存在嘅，仲指英國利物浦經常都發生類似事件！

Photo from TVB

# 穿越時空是否真實存在？

大家又相唔相信呢個世界有「穿越時空」呢？！儘管呢啲橋段看似天馬行空，只會出現於科幻電影當中，但歷來唔少嘅超自然現象研究學家都嘗試向大家證明「穿越時空」嘅證據。根據YouTuber「EarthInn 」以及自然學家嘅詳細解說，以下係關於時空穿越嘅推論！

Photo from 《The King：永遠的君主》

# 研究學家嘗試證明「時空穿越」真實存在！

其中一位研究學家Rodney Davies （戴維斯）於著作《Time-Slips: Journeys into the Past and the Future》就認證咗穿越時空係的確存在，仲話英國係穿越時空嘅熱門地點！

Photo from Amazon

# 英國係穿越時空常見地點？！

戴維斯表示英國唔少地區都遍佈「時空裂縫」，包括：肯特郡及康瓦爾郡等，係令人們可以穿越時空嘅方法之一，但亦有唔少人因此而回到過去返唔到嚟！

Photo from Amazon

# 2件事例引證「穿越時空」？！

其中位於利物浦嘅波爾德街（Bold Street）發生最多短暫嘅「穿越時空」事件，而發生嘅時間大多係1950到1960年代！1996年，一位名叫Frank嘅警員同老婆於休假日到Bold Street逛街，後來二人分頭購物，再相約於該街道嘅書店會合。

Photo from 《W兩個世界》

# 書店變成懷舊時裝店，彷彿回到5、60年代！

當Frank抵達書店後，發現店鋪竟然變成懷舊女裝店「Cripps」，而街道上嘅行人都身穿5、60年代嘅服裝，彷彿突然抵達另一個時空。後來，佢跟隨一位同佢活於同一時代嘅女子進入另一間店鋪，先順利抵達回到書店，重新回到1996年搵返妻子！

Photo from 《屋塔房王世子》

# 發現書店前身係服裝店！

而Frank堅稱當日嘅遭遇並非幻覺，仲發現書店位置本身就係「Cripps」服裝店嘅地址，而當時所見到嘅懷舊卡車亦係該店嘅貨車。

Photo from EarthInn @YouTube

# 利物浦街道上偶然回到過去！

2005年，音樂系學生John Moonan （穆南）曾經表示喺利物浦嘅街道上見到馬匹同馬車經過，而車上嘅乘客仲身穿維多利亞時期嘅衣服。起初，佢以為係正在拍攝電視節目，但回過頭再望發現所以東西都已經回復原狀！

Photo from Netflix

# 當地警方曾嘗試展開調查

由以前開始已經有接近100位路人表示喺英國街頭體驗「時光倒流」嘅經驗，後來當地警方都選擇介入調查，懷疑有人從中散佈虛假謠言。可惜，警方一直都未能搵到其他證據，加上唔少報料者都擁有高學歷或者信譽，所以暫時就以「集體幻覺」作為總結！

Photo from TVB

# 網民推測同利物浦地鐵有關？！

唔少網民就推測真正原因可能同利物浦嘅地鐵有關，由於喺佢哋嘅地鐵係以同心圓嘅方式運行，導致形成「時空裂縫」！科學家愛恩斯坦曾指出時間同大家認知嘅唔同，並非一直流逝；喺《廣義相對論》中講述大質量嘅物體會令周圍嘅時空扭曲，令大家都不禁引申呢個推測～

Photo from EarthInn @YouTube

相關文章：女子接受「人體冷凍30年」！癡情老公4年後另結新歡：若真的復活很可怕

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

「世上首位冷凍人」近況曝光！美國富豪原預計於2017年甦醒！

3 Feb , 2022

至今有唔少科學家正在搜集有關「冷凍人」技術，但多年來都依然處於研究階段！早於1967年，美國富豪James Bedford（詹姆斯貝德福）就自願成為第一位冷凍人，並預計將於50年後（即2017年）解凍，而家就等我哋一齊睇下佢嘅近況！

Photo from ABC news

# 冷凍人技術已研究多年！

相信大家都經常喺科幻電影中聽過「冷凍人」技術，而科學家們嘅其中一個目的就係希望將患絕症嘅病人冷凍，希望將來嘅醫學能夠成功醫治佢哋！喺1964年「冷凍人技術之父」Robert Ettinger創立組織「Life Extension Society」，並公開徵求自願者，轟動一時！

Photo from Twitter

# 美國富豪曾自願成為實驗對象！

其中美國富豪James Bedford（詹姆斯貝德福）就因為飽受肺癌嘅困擾，需要長期躺臥病床，毅然決定成為世上首位冷凍人！而James就預備咗10萬美金用於之後嘅身體維護，並於1967年家喺家人陪同下進入只有-196度嘅冷凍艙內！

Photo from Twitter

# 冷凍術大概原理

根據外媒報導，進行冷凍術時會將冷凍人體內嘅水分及血液抽乾，並且注射二甲基亞碸（DMSO）以保護組織，最後再將佢放入液態氮設備當中！期間James被放置喺美國唔同省份嘅實驗研究所，最終1982年送到「阿爾科生命延續基金會」直到而家。

Photo from Alcor 網站

# 實驗進行50年，預計2017年醒來！

然而50年已經過去，2017年嘅時候年約80歲嘅Robert 就曾對外宣稱James即將「解凍」；但其後卻音訊全無，令唔少人都認為已經意味冷凍實驗嘅失敗！雖然實驗可能已經失敗告終，但網民都表示已經係醫學技術中邁進一大步，並視冷凍當日，即1月12日為「貝德福德日」以紀念佢！

Photo from NYnews

# 突然音訊全無，令網民想入非非！

對於富豪James，有網民就認為佢應該仲係冷凍狀態，只係因為冷凍50年所以變成深層昏迷，並未有離開人世；但亦有網民認為James好大機會一早就逝世，曾經有位醫學教授曾經話「一旦進入冷凍艙就不會活著回來」，至今坊間依然有唔同嘅講法！

Photo from 韓劇《請融化我吧》