余文樂被笑英文差晒字典力證無串錯字！「bra」仲有呢個意思？！

余文樂早前喺IG公開同吳建豪嘅合照並留言「Love you bra」，疑誤將「bro」串咗做「bra」，即被嘲英文差。佢之後喺IG Story晒出英文字典截圖，力證自己並無串錯字！

Photo from 余文樂 IG

余文樂疑誤將「Love you bro」串錯為「Love you bra」

現年40歲嘅余文樂同吳建豪向來係好兄弟，佢哋依家都喺台灣，日前余文樂於IG公開合照，兩人舉起V字手勢，表情十分chok，佢仲留言tag吳建豪：「Love you bra @vanesswu」

Photo from 余文樂 IG

但佢疑似將「bro」誤串為「bra」，掀起網民熱議，唔少網友笑佢英文差，連杜文澤都「抽水」大擺同一pose，又表示：「A字同個O字響keyboard上隔咁遠，好難打錯吖，估計係用語音。我懷疑佢一直以為bro係讀bra，因為brother讀bra打，咁簡稱咪bra囉！」

Photo from 杜文澤 Facebook

IG晒英文字典反擊證無串錯字

不過余文樂就喺IG Story大反擊，佢post出英文字典截圖，解釋咗「brah」係「A male friend（男性朋友）」嘅意思，例句有：「hey, brah!」，而且「brah」隔離仲有一行：「also bra」，余文樂更寫下「Thanks !!!」，證明「Love you bra」有根有據。

Photo from 余文樂 IG

Photo from 余文樂 IG

曾考兩次會考，稱太輕視考試以致成績差

余文樂就讀於天水圍一間中學，中五畢業後再重讀一年，兩間學校都有唔少名人校友。佢之後升至另一學校讀中六，但未完成預科課程就開展佢嘅演藝事業。

Photo from 余文樂 IG

網上曾流傳香港藝人會考分數列表，其中有指余文樂第一次會考7分，重考後獲10分，余文樂雖未有透露佢會考分數，但早年接受訪問時佢坦言自己考過兩次會考，第一次因為太輕視考試所以考得好差，收到成績單後心情沉重，佢決心發憤讀書，終於考到上中六。

Photo from 余文樂 IG

Photo from 余文樂 IG

早有前科？「Smell」串錯做「Smile」？！

余文樂曾就讀英文中學，但原來「串錯字」疑雲已唔係第一次發生！2017年佢喺IG Story公開一段香薰片段，更寫上「Smile good」，隨即被網民質疑打錯字，應該係「Smell good」先啱！當時余文樂急急刪除影片，未有好似今次咁公開字典為自己平反。

Photo from 余文樂 IG

Photo from 余文樂 IG

相關文章：余文樂NFT拍賣金額破亞洲紀錄！狂賺逾1億港幣！被林作反斥：只係靠炒

相關文章：香港人英文差惹人發笑！串錯字/唔識讀鬧笑話！港式英語令打工仔聽錯老闆指示

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

余文樂自爆22歲已想退出娛樂圈！「我不是要賺很多錢，發明星夢的人」

22 Dec 2021

與妻兒長居台灣嘅余文樂現年40歲，佢喺YouTube節目《Inside Out》中提到自己原來初出道就已經萌生解約、退出娛樂圈嘅想法，佢自言唔係發明星夢嘅人，幸好被當時老闆一番話點醒。

Photo from 余文樂 IG

余文樂與陳冠希因為爭阿嬌傳不和！

現年40歲嘅余文樂2000年拍香港電台青春偶像劇《青春@Y2K》正式出道，之後加入樂壇、又拍電影，成為歌影兩棲藝人。

Photo from 青春@Y2K

不過余文樂嘅星途亦非一帆風順，佢與Twins成員阿嬌鍾欣潼拍電影《一碌蔗》傳出緋聞，更有報道指佢阿嬌同另一緋聞男友陳冠希因此結冤！佢哋雖然一齊合作過《頭文字D》、《無間道》等多套電影，最終卻反目不和，令兩人形象都大受打擊。

Photo from 頭文字d

自爆出道第二年已想退出娛樂圈：「我不是發明星夢的人」

演藝事業發展咗超過20年，估唔到佢都曾經有放棄嘅念頭。余文樂回想起22歲嗰陣，佢出道僅第二年，已萌生退出娛樂圈嘅想法，更向佢當時老闆提出解約。

Photo from Inside Out

余文樂表示：「入行第二年，我已跟老闆說我不玩了，我想解約回去打工。」，佢指覺得自己唔適合呢份工，尤其係佢接受唔到做藝人成日都要面對傳媒，又要回應是非、負面問題。

Photo from Inside Out

佢稱：「我才22歲，我不是要賺很多錢，我不是發明星夢的人，我只是誤打誤撞進來。」，當年佢係全職模特兒，但後來得到導演同唱片公司嘅賞識，正式開始投入電影、歌唱演藝事業。

Photo from 余文樂 IG

兩度提出解約，余文樂被老闆鬧醒

余文樂曾兩度向老闆提出要解約離開，老闆一開始叫佢冷靜下先，到佢第二次提出真係想走：「可否讓我走，我真的不想做」，老闆一番話卻「鬧醒」佢。

Photo from 余文樂 IG

余文樂當時嘅老闆指佢隨時都可以走：「我不會為難你，可是我覺得作為男人，如果你今次碰到這個問題你投降，你就一輩子活在這陰影裏，你做任何事覺得困難你就投降，你認輸就一輩子會是這樣。」

Photo from Inside Out

老闆叫余文樂諗清楚係想成功之後再揀離開或留下，定係喺失敗嘅狀態下退出娛樂圈：「我們再繼續努力，到你克服一切，你還是覺得不想玩，你就走」，余文樂聽後就唔再鑽牛角尖。

Photo from Inside Out

創立服裝品牌非為賺錢

不過結婚後余文樂同妻兒都長駐台灣，佢亦甚少出演電影，主力經營佢創立嘅服裝品牌MADNESS。佢表示自己創立品牌係因為興趣，而非為賺錢。

Photo from 余文樂 IG

Photo from Inside Out

佢表示每一年都想放棄繼續經營呢個品牌，佢又提及早年品牌推出嘅一件服裝出過事，影響到佢身為藝人方面嘅工作：「差點就決定放棄，但公司是我的，我需要承擔及解決問題。」

Photo from 微博

Photo from 余文樂 微博

相關文章：余文樂大曬囝囝摸青蛙相 懶理其他小朋友樣貌曝光 遭網民大罵

相關文章：余文樂準備定居台灣？傳賣出香港多架名車賺奶粉錢 喺台灣投資做生意

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）