應屆DSE考生/打工仔盼望盡快確診？！背後原因超心酸！網民心痛考生壓力倍增！
香港正爆發第五波疫情，現時每日嘅確診人數都過萬人，令唔少人都加強自身嘅防疫裝備！然而，有部分人卻反而萌生另一種心態希望能夠盡快確診？！日前，網上就流傳有應屆DSE考生想染疫，唔希望考試期間不幸「中招」導致未能應考，令唔少父母都非常心痛！
Photo from TVB
# 大家都擔心染疫後感染身邊嘅人！
疫情嚴峻，唔少人都擔心突然染疫，並影響到身邊嘅家人。但有部分人卻「反其道而行」，網上正流傳應屆DSE考生想盡快確診，希望自己能如期出席DSE考試！
Photo from TVB
# 港媽表示應屆DSE考生為考試想確診？！
近日，有港媽於討論區表示囡囡係今年DSE考生，並且得知有考生希望盡快中招「宜家中都係辛苦7天咁上下，好返就有抗體」，希望能夠如期於4月考試！港媽明白女兒嘅憂慮，但亦會擔心佢會仿效做法，大呻應該為不幸確診嘅學生另設方法出席考試。
Photo from 親子王國
Photo from TVB
# 網民心痛考生心理壓力大！
唔少家長隨即留言，表示心疼子女要承受沈重嘅學業壓力，仲要擔心染疫，心理壓力好大！有同樣喺應屆考生嘅家長話「阿仔今日全日都補習，冇得考會癲」、「聽到都心酸」等；亦有網民認為政府應該安排確診學生嘅考試方案，避免考生因為不幸中招，導致一直以來嘅努力白白浪費！
Photo from 親子王國
Photo from TVB
# 奉勸考生千祈唔好模仿！
但網民就指染疫可能仲會有後遺症，例如：腦霧等，分分鐘影響應考狀態及表現。大家普遍都認為唔值得為考試而冒險，而且康復後亦唔代表完全杜絕再一次染疫嘅機會！
Photo from 親子王國
Photo from TVB
# 打工仔都大呻想染疫？！
另一方面，有打工仔亦大呻想盡快確診，眼見身邊嘅家人以及同事都因為染疫而獲得7日病假（Sick leave），而自己嘅工作量就因此而大增！心灰意冷嘅佢表示已經成日出街食早餐午餐，「但日日快速測試都仲係陰性？」
Photo from 連登討論區
Photo from TVB
# 竟然有網民和應？！
估唔到post下面都有唔少網民表示身同感受，因為身邊嘅同事都確診，導致所有工作都由佢負責；太忙嘅佢哋都大呻真係好想休息一下！
Photo from 連登討論區
Photo from TVB
# 有網民大呻確診都未必可以放假！
然而，不幸確診都唔一定可以名正言順咁放假！有打工仔就大呻自己快測陽性，同老闆講咗之後就變咗WFH「根本就冇得休息」，變相好似仲更加辛苦咁，病住都要返工！
Photo from 連登討論區
Photo from 《校對女王》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港女確診回家埋怨家人涼薄，呻遭冷嘲熱諷好心寒！反被網民斥自私
4 Mar , 2022
Photo from TVB
新冠肺炎確診數上升，港女突然染疫需搬離朋友住所
新冠肺炎確診者人數每日持續上升，但隔離床位有限，唔少初步確診嘅市民唯有留喺家中自我隔離。有網民喺連登討論區發文「中左肺炎 feel到曬人情冷暖」。
Photo from TVB
佢表示本身同朋友夾份租工廈一齊住，平時一層嘅住客都係用同一個廁所沖涼，但佢突然確診染疫，朋友就叫佢即刻搬走。
Photo from TVB
港女搬回家呻係「惡夢嘅開始」
網友自己亦坦言：「我都覺得惹到俾人唔係咁好」，於是決定搬返屋企，佢一心以為返到屋企，屋企人點都會關心下佢，但估唔到入咗間房之後「先係惡夢嘅開始」。
Photo from TVB
港女埋怨家人涼薄，冷嘲熱諷令佢心寒
樓主指屋企人居然叫佢唔好入廁所刷牙、沖涼，仲要係六日都唔好沖涼，即使係去廁所都被家人話傳播病毒，令樓主十分不滿：「本身已經唔舒服，仲要俾佢地精神攻擊」
Photo from TVB
Photo from TVB
佢又表示依家喺房度用膠袋裝住啲水刷牙，佢直言：「中咗肺炎之後，真係feel到晒人情冷暖，好心寒」，佢表示同家人關係唔好，但本身以為點都唔會畀難聽說話佢聽，呻家人涼薄。
Photo from TVB
Photo from TVB
網友斥自私：做你屋企人真係慘
不過網民並無同情佢，反而直斥佢好自私。有網民認為樓主自己都認為「惹到俾人唔係咁好」，但回家傳染畀家人就無所謂，言語同行為自相矛盾。
Photo from TVB
Photo from 連登討論區
網友又指樓主自己都知同家人關係唔好，平時就搬出去住無來往，中咗招卻諗住返屋企畀人照顧、有人關心，直言：「俾人趕走就要屋企人無條件接受確診者，你屋企叫聯合、博愛定明愛？」
Photo from TVB
Photo from 連登討論區
指家人想送佢去隔離中心，想搵酒店住再被網民鬧爆
樓主之後表示家人正商討送佢去隔離中心，佢覺得不如自己即刻走搵酒店隔離算，又自嘲：「係我唔好，我唔應該惹到肺炎，我唔應該同佢地關係唔好，好對唔住大家」，再惹網民批評：「無事嗰時就同朋友一齊，到一有事就想連累屋企人」，又表示樓主屋企人安排佢入住隔離中心都係正常，但佢打算住酒店又係另一個傳播病毒行為：「到底樓主嘅抗疫知識有幾差？」
Photo from TVB
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
