![家族榮耀︱馬家豪宅逾2萬呎有10間房!月租僅5萬,竟被爆租唔出?](https://image.presslogic.com/holiday.presslogic.com/wp-content/uploads/2022/03/4516f267.jpg?auto=format&w=718)
家族榮耀︱馬家豪宅逾2萬呎有10間房!月租僅5萬,竟被爆租唔出?
電視劇《家族榮耀》熱播,頗受中港兩地觀眾歡迎,劇情圍繞馬家兄弟、妯娌爭奪家產,眾人生活富貴逼人,尤其係一家人住嘅大宅勁有氣派,現實中呢間巨型豪宅佔地逾2萬呎,但租金只需5萬人民幣,不過就有爆料稱無人租!
Photo from 《家族榮耀》
《家族榮耀》劇情
《家族榮耀》由張智霖、楊茜堯、李彩華、羅子溢、黃浩然、熊黛林、郭政鴻、陳曼娜等主演,劇情講述選美姊妹花楊茜堯、李彩華同日嫁入馬家,之後與飾演大嫂嘅熊黛林妯娌不和,佢哋嘅丈夫馬家三兄弟亦掀權力之爭,豪門大戰一觸即發。
Photo from 《家族榮耀》
馬家巨型豪宅成焦點,樓高4層超豪華
豪門鬥爭喺劇情喺內地同香港都有唔錯嘅話題度,香港收視更每星期持續上升!劇中馬家所住嘅豪宅亦成為焦點,引起好多網民關注。
Photo from TVB
Photo from TVB
馬家嘅巨型豪宅樓高4層,淨係從外面睇已覺得十分豪華,更配備超大型私人泳池同花園,背山面海,景觀十分開揚。
Photo from TVB
Photo from TVB
Photo from 《家族榮耀》
Photo from TVB
Photo from TVB
佔地逾2萬呎、有10間房,曾連續兩年入選「中國10大豪宅」
除咗豪宅外型時尚有設計感外,內部裝修亦十分有氣派!客廳有超高樓底,落地大玻璃採光好,仲可以遠眺海景。飯廳空間闊落,超長餐枱足夠馬家十幾個人。馬家幾位兄弟嘅房間亦裝修奢華,仲有超大型露台。
Photo from TVB
Photo from TVB
Photo from TVB
Photo from TVB
Photo from TVB
Photo from TVB
呢間豪宅實際位於深圳鹽田區大梅沙嘅「東部華僑城天麓」别墅區。天麓連續兩年入選「中國10大豪宅」,馬家大宅佔地逾2萬呎,有10間房,更位於經濟高速發展嘅深圳,正常嚟講價格一定唔會平。
Photo from 《家族榮耀》
Photo from TVB
業主呻勁蝕2,000萬人民幣,月租僅5萬但無人問津?!
不過網上流傳有疑似業主喺微信降價1000萬出售天麓6層別墅,又稱自己買咗7年賣出,連同各項交易費用、多年嚟嘅貸款利息,估計要蝕2,000萬人民幣!
Photo from 微博
據知同馬家巨宅同類型嘅別墅月租僅5萬幾人民幣,叫價約2,600萬人民幣,但一直無人問津。賣唔出又無人租,原來係因為別墅區內基本配套設施不足,交通唔方便,購物需要揸車落山數公里。
Photo from 《家族榮耀》
Photo from 《家族榮耀》
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
熊黛林嫁入豪門6年自爆太得閒!過少奶奶生活:「閒到迷失自我」
24 Jan 2022
Photo from 熊黛林 IG
熊黛林與郭可頌結婚後淡出幕前
熊黛林2014年與郭可盈細佬郭可頌拍拖,2016年結婚,更誕下一對孖女Kaylor同Lyvia。郭可頌從小家境富裕,爸爸做塑膠廠起家,更坐擁5間公司。
Photo from 熊黛林 IG
結婚之後熊黛林減少咗大量工作,佢自2019年參演電影《葉問4》後就淡出幕前。直到最近佢出演網絡劇《家族榮耀》宣佈「復出」。
Photo from 《家族榮耀》
「復出」拍《家族榮耀》全因興趣
做咗幾年少奶奶嘅熊黛林指佢呢幾年過得一啲都唔易!佢接受訪問時透露喺劇中佢雖然飾演豪門少奶奶,但同佢實際生活都有出入。日日歎tea、參加party呢種名媛生活只會喺電視劇中體驗到,現實中佢就無體驗過。
Photo from 熊黛林 微博
另一方面佢稱婚後集中精力喺照顧家庭度,之所以決定回歸幕前都係因為佢熱愛演戲,好想再挑戰演唔同嘅角色。
Photo from 《家族榮耀》
熊黛林嫁入豪門做少奶奶嘆「閒到迷失自我」
熊黛林又表示長時間留喺屋企唔工作真係唔容易,更直言太得閒:「我閒著真的閒到,覺得好像迷失自我一樣」,佢稱日日都唔知做咩好,每日都淨係陪女兒玩、帶佢哋返學。
Photo from 熊黛林 IG
Photo from 熊黛林 IG
正正因為生活簡單,佢深深感受到佢真係要回歸社會,搵返自我、自己嘅事業。好彩老公郭露頌十分支持佢發展個人事業,更承諾會照顧好女兒,令佢可以放心拍戲。
Photo from 熊黛林 微博
熊黛林亦坦言喺屋企做全職媽媽辛苦過拍戲,所以佢視拍戲為一種放鬆嘅方式。
Photo from 熊黛林 IG
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)