在家都能沖出綿密泡沫，香醇好味嘅植物奶咖啡！「維他奶專業沖調用植物奶系列」，低糖、零膽固醇、全素健康好選擇！齊齊Chill住做升「植」Home Barista ！

By karen.ko on 08 Mar 2022

Digital Editor

宅家抗疫，最掛念就係同好友喺Café Chill嘅周末，嗰杯幼滑香濃嘅咖啡最令人回味呢！近年植物性健康飲食大熱，飲用植物奶咖啡已經係大家日常習慣。無論燕麥奶或豆奶，相信大家都好想喺屋企飲到平時喺Café Order到嘅植物奶咖啡。今次就等小編同大家一齊成就解鎖，喺屋企重現咖啡時光Chill Moment，沖番杯升「植」咖啡，令宅家時光更開心滿足健康！

Photo from Vitasoy Café for Baristas

只要準備啱用嘅工具同啱用嘅材料就So Easy！小編近期推薦由澳洲咖啡師團隊研發嘅「維他奶專業沖調用植物奶系列」，佢有燕麥奶及豆奶選擇，成個系列低糖＋零膽固醇，仲100%全素，係一個唔錯嘅環保健康選擇，佢嘅配方更同咖啡平衡得唔錯，最正係我喺屋企都打到綿滑泡沫。因為系列不含乳糖，更啱乳糖不耐症嘅朋友呢！

Photo from Vitasoy Café for Baristas

#Coffee in Fun！咖啡豆＋植物奶拼出不同風味！必備「維他奶專業沖調用系列」香濃滑燕麥奶＋低卡豆奶！

咖啡世界可以有千變萬化嘅風味，小編自己較愛「維他奶專業沖調用燕麥奶」，佢用澳洲優質原片燕麥製造，燕麥含豐富纖維，呵護返腸臟嘅健康！更獲ASCA澳洲精品咖啡協會認證，加上低糖，天然風味香濃，啱我平時用來沖Nutty味重嘅咖啡豆，兩者真係超夾！當然不同咖啡豆，出到嚟嘅風味都各有不同啦！

Photo from Vitasoy Café for Baristas

另一款「維他奶專業沖調用豆奶」，不但用非基因改造原粒大豆製成，豆味香濃，卡路里比用全脂奶低大約42%㗎！同中度至深度烘焙嘅咖啡豆就最夾。而豆奶含植物蛋白質，對於做Gym或減肥嘅你，用嚟沖啡係一個不錯嘅選擇，仲可以用嚟炮製Post-Workout Smoothie，補充營養又滋味！

維他奶專業沖調用植物奶系列仲可以用嚟整雪花冰、豆奶湯同甜品，大家快啲一齊Click去睇下更多食譜啦：https://bit.ly/3739wi7

Photo from Vitasoy Café for Baristas

#掌握竅門：植物奶含天然植物成份，打奶方式各有不同，多款方式選擇！

如果你飲咖啡有加奶嘅習慣，一杯好飲嘅咖啡除咗主角咖啡本體之外，用邊種奶（牛奶或植物奶）、奶嘅溫度同奶泡嘅質感都好重要！要打出綿密嘅奶泡，最緊要係掌握適當嘅溫度。平時只要將牛奶直接倒入家用咖啡機嘅奶壺，加熱至最理想嘅溫度即可，留意返牛奶大約係60-63°C。！不同植物奶嘅天然成份不同，正正因為有不同植物成份，Go Green得嚟又健康D。不過都因呢個原因有啲人會擔心用豆奶同燕麥奶比較難打奶泡，奶泡會快速浮喺表面；又擔心同咖啡嘅味道會唔夾！之前小編都有呢個錯覺，但小編用配方專為咖啡而設嘅「維他奶專業沖調用植物奶系列」時，簡單幾步就做綿滑奶泡，有Tips會更易打奶啲，我地用植物奶嚟沖咖啡，最好將雪凍嘅植物奶搖勻，再倒出加熱至大約55-60°C。除咗家用咖啡機，市面有好多電動奶泡機，倒入維他奶專業沖調用燕麥奶或豆奶，一鍵即搞掂，操作簡單又方便！如果用手動奶泡器，只要倒入植物奶上下擠壓約30下，豐盈奶泡就完成！當然不同咖啡同用法都會有不同效果，就算喺屋企都可以輕鬆做出Café級奶泡㗎！

Photo from Vitasoy Café for Baristas

#工具Get Ready！沖杯植物奶咖啡／飲品超Easy！

除了WFH時，每朝要杯提神咖啡，充充電，留喺屋企太耐都想飲啲不同款式嘅嘢飲歎下，清清悶氣！「維他奶專業沖調用植物奶系列」可以在家用嚟沖咖啡，不同奶嘅比例及沖調方式，可做出不同款式咖啡。

Photo from Vitasoy Café for Baristas

最快捷同直接嘅方法就係用熱水沖開即溶咖啡粉，再倒入植物奶，立即飲得！想飲熱咖啡，就記得將植物奶稍為加熱，微波爐呢個時候就幫到手啦！假如屋企有半自動咖啡機，只要控制好溫度，就可以試下整杯拉花咖啡俾屋企人開心下！無論係植物奶Cappuccino、Flat White，甚至係抹茶／焙茶植物奶Latte都得，飲咩由你話事！如果冇咖啡機，市面有好多家用手動或電動奶泡機都超好用㗎，操作容易，瞬間就打出綿密奶泡！不過講到最方便，梗係有部全自動咖啡機最開心啦，想飲啲咩，撳個掣就搞掂！

Photo from Vitasoy Café for Baristas

喺呢段日子，相信大家都領悟到健康比任何嘢都重要！想飲咖啡飲得健康啲，植物奶的確係一個唔錯嘅選擇！

#抽獎贏咖啡機返屋企，真正打造健康Home Café！

Photo from Vitasoy Café for Baristas

懂得珍惜健康嘅朋友係值得鼓勵嘅！即日起至3月29日，而家購買【維他奶專業沖調用植物奶系列】或者其他【澳洲Vitasoy植物奶系列】產品1件或以上，將有效電子收據參加者嘅英文姓氏同聯絡電話WhatsApp至98423832，成功登記即可參加抽獎，豐富獎品包括：
?De'Longhi全自動即磨咖啡機（價值$10,888｜1份）（顏色隨機派出）
?De'Longhi半自動咖啡機（價值$2,048｜10份）（顏色隨機派出）
?維他奶限量植物奶咖啡杯套裝（價值$335｜30份）（顏色隨機派出）

贏到獎品，加埋呢個植物奶系列，宅在家沖出美味又健康嘅植物奶咖啡簡直零難度！大家就可以好好享受Me Time，甚至同屋企人／摯愛慢慢歎！唔好猶豫啦，快啲試下維他奶專業沖調用植物奶系列，參加大抽獎嬴豐富獎品啦！