大S再婚，前奶奶張蘭直播發聲！曾暗示汪小菲偷食大S都有責任？！
Photo from 大S 微博
大S同汪小菲離婚後再嫁「酷龍」成員具俊曄
大S 2010年同汪小菲結婚，婚後育有1女1子，佢哋曾參加夫妻綜藝節目大晒恩愛，可惜呢段婚姻只維繫10年，於2021年正式結束。
Photo from 大S 微博
Photo from 微博
離婚後汪小菲同內地女星張穎穎屢傳緋聞，大S深居簡出，似乎仍然保持單身，但離婚僅106日，大S就宣佈再嫁韓流始祖「酷龍」成員具俊曄！
Photo from 張穎穎 小紅書
Photo from 具俊曄 IG
大S再婚前夕，「前奶奶」張蘭直播稱想念大S
雖然佢哋曾於20年前交往，但無人諗到大S同具俊曄可以再續前嫁，並修成正果。大S同汪小菲離婚後，「前奶奶」張蘭仲會喺直播提起大S，因此喺大S宣佈再婚後網友都好關注張蘭嘅反應。
Photo from nextmagazine
Photo from 微博
大S宣佈再婚前夕，張蘭仍有開直播，更表示自己只有大S一個新抱：「蘭姐只有一個兒媳，沒有新兒媳」，指好掛住大S。雖然係咁，但佢多次被發現點讚鬧大S嘅評論。
Photo from 張蘭 抖音
張蘭曾讚好鬧大S嘅留言
之前有網民留言指大S唔考慮老公嘅處境：「我也支持小菲，那麼好的教育，還得遷就她，多久都不回北京，不考慮奶奶想孩子嗎」，張蘭有讚好，但佢又同時讚好支持大S同汪小菲復合嘅評論，張蘭解釋佢認為留言嘅人都係支持者，所以都會讚好以示感謝。
Photo from 張蘭 抖音
張蘭直播首度發聲，暗指離婚唔關汪小菲事？
喺離婚初期張蘭指保姆稱汪小菲婚內曾被大S前男友「黑人」陳建州打，但之後就話唔會再提呢件事，汪小菲亦否認有咁嘅事。
Photo from 汪小菲 微博
大S宣佈再婚後，張蘭亦照常開直播，往日經常提起大S嘅張蘭直播帶貨並未直接回應，但就喺抖音標題意味深長咁寫下：「人生是一場不停輾轉的旅程，家是最好的依靠，祝各位女神，節日快樂，好好愛自己，愛家人」
Photo from 張蘭 抖音
而且佢更讚好網民「原來我們都誤會汪小菲了」嘅留言，網友猜測張蘭暗指大S離婚並非因汪小菲不忠，而係大S另有所愛。
Photo from 張蘭 抖音
汪小菲被爆婚內偷食，暗撻內地女星張穎穎
其實喺大S同舊愛破鏡重圓之前，汪小菲已被爆同女星張穎穎有情侶外套同頸鏈，又揭兩人直播背景都係一模一樣，疑早已同居。即使被指婚內偷食，汪小菲仍極力否認與張穎穎嘅戀情。
Photo from 微博
Photo from 微博
Photo from 微博
張蘭曾嘆兒子可憐，暗示汪小菲偷食大S有責任
張蘭當然亦係力撐兒子，汪小菲離婚後張蘭公開指心痛兒子一直於台北同北京之間奔波，做咗過次核酸檢測，有感兒子身體受咗好多苦：「可憐我兒子」。佢又曾於直播中表示婚姻需要雙方共同維繫同經營，女性應該要識得處理好與伴侶嘅關係，唔好令另一半過得太委屈。
Photo from 張蘭 抖音
Photo from 張蘭 抖音
張蘭又稱女性喺婚姻中「不能表現得太矯情太自私，要懂得如何換位思考」，直言有時候活生生的一個暖男，因為女方，最終被逼成為壞男人，疑暗示汪小菲另結新歡，大S要負上責任。
Photo from 張蘭 抖音
Photo from 張蘭 抖音
汪小菲未離婚，張穎穎已融入家中獲張蘭認可？
張蘭喺直播對大S念念不忘，不過有網友搵咗唔少蛛絲馬跡，指汪小菲未離婚就已經帶媽媽張蘭同新歡張穎穎一齊出遊，連張蘭都有同張穎穎戴同款頸鏈，網民直指張穎穎身份早已獲張蘭認可。
Photo from 微博
Photo from 微博
雖然汪小菲多次否認同張穎穎戀情，張蘭更表示兒子唔係咁嘅人，但隨後汪小菲同張穎穎被影到十指緊扣出行，之後汪小菲就一直沉默，唔再回應。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
具俊曄｜大S韓籍老公20年前係美男子，帥照曝光！光頭造型有原因
8 Mar 2022
大S（徐熙媛）與韓團「酷龍」成員具俊曄閃婚嘅消息震驚中港台三地網民，現年52歲嘅具俊曄曾同大S交往，惜戀情無疾而終，估唔到20年後竟再續前緣！其實具俊曄年輕時都係一位美男子，佢上韓國綜藝《玩甚麼好呢》時公開舊照，獲Haha讚歎似張國榮！
Photo from 大S 微博
大S徐熙媛同汪小菲離婚僅106日，宣佈再婚嫁「酷龍」成員具俊曄
大S同汪小菲結束10年婚姻，離婚後汪小菲同內地女星張穎穎屢傳緋聞，而大S就似乎一直單身，獨力撫養兒女。但同汪小菲離婚僅106日，大S就宣佈再嫁，老公更係韓流始祖「酷龍」成員具俊曄！
Photo from 大S 微博
Photo from 大S IG
Photo from 具俊曄 IG
具俊曄表示佢得知大S離婚所以鼓起勇氣主動聯絡對方，之所以咁快決定結婚係因為疫情導致二人無法見面，希望結婚後成為家人佢可以入境台灣與大S相見。而大S則指佢唔會搞婚禮亦唔會再生小朋友。
Photo from 具俊曄 IG
具俊曄IG晒時尚穿搭
現年52歲嘅具俊曄經常會喺IG大晒日常造型，穿搭十分型格時尚。對fashion十分關心嘅佢IG除咗穿搭照，多數都係去藝術展等日常照，今次佢喺IG以中文韓文兩種語言公佈結婚喜訊，獲好多韓星留言祝福。
Photo from 具俊曄 IG
Photo from 具俊曄 IG
Photo from 具俊曄 IG
大S曾與具俊曄交往，惜一年後分手
2人組合「酷龍（Clon）」1998年開始紅遍香港、台灣、內地及其他亞洲國家，大S都係fans之一。當年擔任《娛樂百分百》主持嘅大S去睇蘇慧倫演唱會後即對擔任演唱會嘉賓嘅酷龍大為著迷。
Photo from 《玩甚麼好呢》
之後具俊曄訪台，透過圈中好友介紹結識大S，兩人一見鍾情，好快就確定戀情。不過由於男方經紀公司規定未能認愛，而具俊曄曾公開否認戀情以及拒絕參加大S主持嘅《娛樂百分百》，令大S非常難過，最終分手。
Photo from 大S 微博
Photo from 具俊曄 IG
具俊曄年輕時長髮照曝光
酷龍曾風靡亞洲，具俊曄年輕時亦係一位美男！佢近日出演韓國綜藝《玩甚麼好呢》，節目公開佢年輕時舊照，連Haha都感歎佢後生係「美少年」，又大讚具俊曄長髮造型同張國榮嘅髮型好似。
Photo from 《玩甚麼好呢》
Photo from 《玩甚麼好呢》
Photo from 《玩甚麼好呢》
Photo from 《玩甚麼好呢》
其實具俊曄早於20幾年前已經以光頭造型示人，甚至成為佢嘅個人特色，佢坦言自己25歲時已有脫髮徵兆，試過增髮纖維。後來係因為入伍時加入咗樂隊，所以要留長髮表演。
Photo from 《玩甚麼好呢》
Photo from 《玩甚麼好呢》
Photo from 《玩甚麼好呢》
大S為愛紋身
具俊曄年輕帥照曝光亦令唔少網友稱明白大S點解會中意佢！雖然相戀短短一年，但兩人愛得轟烈，學習彼此中文/韓文以便同對方溝通、具俊曄亦會赴台與大S秘密約會、大S更為男友於腳踝上紋身。
Photo from next magazine
大S喺腳踝紋咗個「九」字，具俊曄曾經喺韓國綜藝《黃金漁場》中提及呢段情，又大爆：「『九』與我的姓氏『具』同音」，指大S唔識韓文所以先會搞錯。
Photo from 大S 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
