download HolidaySmart 假期日常 app
上海餐廳推出「中式Omakase」！人均$2,500+份量少被批離地？網民反應兩極！

上海餐廳推出「中式Omakase」！人均$2,500+份量少被批離地？網民反應兩極！

生活熱話
By Stephanie on 09 Mar 2022
Digital Content Writer

近年，香港開設咗唔少日式Omakase嘅餐廳，不過價錢就偏貴，所以唔少人都講笑咁形容佢為「有錢人飯堂」～最近，一間位於上海嘅餐廳就創新推出「中菜Omakase」，唔單止價錢離地，而且份量亦離奇地少，惹怒一眾網民！

上海餐廳亦推出中餐Omakase，卻被狠批價錢、食物份量離地！Photo from 日劇《深夜食堂》

# 日式Omakase意思

相信大家都一定聽過「Omakase」，而呢個字係源於日文「おまかせ」亦即係代表信任；言下之意就係客人將選擇食物嘅主導權交俾廚師，由對方發辦利用擁有嘅食材炮製美味料理！大部分嘅日本Omakase餐廳都會以時令嘅魚生為賣點，份量唔算多，但食材絕對夠矜貴，係日本料理中比較昂貴嘅一類。

Omakase源於日本，亦稱為「廚師發辦」！Photo from 日劇《黑心居酒屋》

# 上海餐廳推出昂貴「中餐版Omakase」！

近日，位於上海嘅餐廳「頭灶」就推出全新主打嘅「中餐日作」，將上海菜同日本嘅「廚師發辦」混合埋一齊。據悉，暫時餐廳只提供晚餐，每日都只會接待10位食客，而且仲需要提前至少3至4個月預訂套餐；價錢亦當然非常「可觀」：2,000人民幣一位（約港幣2,500），另有加一服務費，令唔少網民都表示十分期待！

上海餐廳「頭灶」就推「中餐Omakase」；圖為廚師分配麻婆豆腐嘅照片！Photo from 微博

# 遭大量食客狠批？！

然而，有唔少曾經到訪過嘅食客就喺網上大吐苦水，批評食物份量、菜色等，指菜單上雖然有足足16道菜式，但就一定食唔飽！根據內地食評網站嘅評論，廚師煮完一道菜後，會先繞場一周，跟住再將食物分配俾在場嘅10位食客，網民講笑咁話「10個人分一道菜」、「餵狗式上菜法」等。

有嘗試呢個套餐嘅食客批評餐廳份量少、環境差！Photo from 大眾點評網站

曾到訪嘅食客都表示廚師每一次上菜前都會繞場一周，圖為脆皮雞上菜前模樣！Photo from 微博

# 食物份量極少，10個人分一道菜！

網民們狠批每道菜嘅份量都極少：「脆皮雞」就得一塊肉、「糯米飯」兩啖就食晒、「蔥爆龍蝦球」只有兩細舊等，質疑餐廳只係以Omakase作為噱頭，將套餐嘅價錢推高「呃錢」！

成隻脆皮雞只係分到一舊肉？！Photo from 微博

糯米飯大概兩啖就食完Photo from 微博

蔥爆龍蝦球嘅份量都唔多Photo from 微博

# 餐廳規矩多！

有食客仲表示餐廳為咗營造「高級餐廳」嘅氛圍，規矩非常多，唔允許發問或者大聲說話等，令在場嘅客人就算好餓都唔敢出聲「場面氣氛超壓抑」！

食客仲話餐廳規矩多多，唔允許客人周圍摸、發問等！Photo from 韓劇《HUSH》

# 內地網民反應兩極！

食客嘅評論瞬間令餐廳嘅菜式成為熱話，部份網民都批評餐廳嘅行為過分，「剩下的食材去那兒了？」、「吃完也寂寞」等，而且提供嘅食物都係超普遍嘅菜色，包括：麻婆豆腐、韮菜炒豬肉等，確實唔符合如此昂貴嘅價錢！

網民批評餐廳份量超少，好奇剩餘咁多嘅食材去咗邊？！Photo from 微博

# 部份網民大撐餐廳有創意！

相反，有網民就表示支持餐廳嘅創意，仲反駁「日本料理可以這麼貴，為什麼中餐不可以」；一方面覺得願意光顧餐廳嘅客人本身就知道價錢貴份量少，選擇呢類型嘅餐廳都只係為環境以及品味！

部份網民大讚餐廳有創意，極力支持中餐！Photo from 微博

網民認為Omakase本身就係有錢人先去，加上佢哋自己選擇光顧餐廳，唔應該批評？！Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

食客不滿魚香茄子無魚！憤怒掟碟大鬧餐廳最終獲$240賠償

15 Jun , 2021

中菜菜色豐富，改名亦各有特色，不過日前就有食客因為菜名而引起誤會，甚至同餐廳員工互相動手。令網民哭笑不得，網友更盤點其他「名不符實」嘅食物。

日前就有食客因為菜名而引起誤會，甚至同餐廳員工互相動手。Photo from 三十而已

杭州一名女士（姓呂）日前去餐廳進餐，由於佢本人根隨傳統習俗唔食豬肉，喺再三考慮下決定嗌「魚香茄子飯」。

杭州一名女士（姓呂）日前去餐廳進餐Photo from TVB

點知當侍應將「魚香茄子飯」放上枱時，呂女士發現「魚香茄子飯」唔止無魚肉，更有佢唔食嘅豬肉肉碎，令佢勃然大怒！

呂女士發現「魚香茄子飯」唔止無魚肉，更有佢唔食嘅豬肉肉碎，令佢勃然大怒！Photo from TVB

呂女士大為不滿向餐廳投訴：「『魚香茄子』應該要有魚肉，唔應該有豬肉」，但餐廳負責人就表示開業以嚟「魚香茄子」都係咁樣煮，落豬肉亦係佢哋杭州嗰度嘅慣常煮法。

呂女士大為不滿向餐廳投訴：「『魚香茄子』應該要有魚肉，唔應該有豬肉」Photo from TVB

餐廳負責人就表示開業以嚟「魚香茄子」都係咁樣煮，落豬肉亦係佢哋杭州嗰度嘅慣常煮法。Photo from 微博

但呂女士不肯罷休，堅持指餐廳無事先提醒，要求再煮一份無豬肉嘅魚香茄子，而餐廳負責人周女士就認為對方無講明唔食豬肉，反而喺度無理取鬧。

呂女士不肯罷休，堅持指餐廳無事先提醒，要求再煮一份無豬肉嘅魚香茄子Photo from TVB

TVBPhoto from TVB

雙方爭持不下，呂女士憤而將裝住魚香茄子飯嘅碟一嘢掃落地上，周女士嘅推咗呂女士幾下，需要警方出動調停。

雙方爭持不下，呂女士憤而將裝住魚香茄子飯嘅碟一嘢掃落地上Photo from 微博

TVBPhoto from TVB

警方到場後認為雙方溝通不足出現誤會，食客呂女士同餐廳負責人周女士冷靜後達成共識，呂女士需賠償餐廳人民幣20元（約港幣$24），而餐廳則需賠人民幣200元（約港幣$240）。

食客呂女士同餐廳負責人周女士冷靜後達成共識Photo from 微博

「魚香茄子」其實係出自四川民間特色烹魚調味方法，傳統「魚香」係指一種烹調手法，實際上並無魚嘅成分。但香港嘅魚香茄子會加入切碎嘅鹹魚，同四川傳統煮法有所不同。

「魚香茄子」其實係出自四川民間特色烹魚調味方法Photo from TVB

網民大多都撐餐廳，指食客無理取鬧：「『魚香』，講到明係香，又唔係叫魚肉茄子」、「餐廳無做錯都要賠錢」。

lihkgPhoto from lihkg

網民大多都撐餐廳Photo from lihkg

亦有網友指唔少食物「名不符實」，例如「菠蘿包」無菠蘿，實際上係指烘焙後包上嘅酥皮似菠蘿表皮而得名。

亦有網友指唔少食物「名不符實」Photo from lihkg

「菠蘿包」無菠蘿Photo from TVB

「老婆餅」無老婆，起源相傳係古時一對夫婦，妻子將冬瓜打成蓉做餡整餅，由丈夫售賣，呢種餅大受歡迎，丈夫於是將餅取名為「老婆餅」。

「老婆餅」無老婆Photo from lihkg

老婆餅Photo from TVB

另外仲有台中名產「太陽餅」無太陽、「揚州炒飯」同揚州無關而係起源於廣州等。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

生活熱話Omakase上海