袁偉豪唔介意在太太面前做弱者曾自覺娛樂圈不再需要自己「啲人以為我嫁咗俾張寶兒就唔使做」！

電視電影娛樂新聞

By Cheryl on 10 Mar 2022

Digital Editor

林盛斌（Bob）主持嘅訪談節目《人夫放假約出去滾》在最新一集中請來袁偉豪做嘉賓，二人一邊打邊爐，一邊大談事業與感情世界。袁偉豪直言與太太張寶兒一直面對好多困難和閒言閒語，但兩人性格互補、能互相支持，佢更表示在太太面前做一個弱者都不尷尬！

Photo from 《人夫放假約出去滾》TVB

袁偉豪初入TVB不愛交際

袁偉豪奪得「2007年度香港先生選舉」冠軍後正式加入TVB，但因為不愛交際又安靜，所以甚少出席圈中人飯局，寧願享受me time，「其實啲人我唔熟，我都唔知有咩可以破冰，初到貴境嘅時間，冇嘢可以做，不如淨係做好自己，不如返屋企瞓。」

Photo from 袁偉豪 IG

袁偉豪被張寶兒讚似鬼佬冧爆？！

袁偉豪表示太太張寶兒性格較為活潑和外向，同自己一凹一凸。偉豪提及二人係由到非洲拍攝節目時開始了解對方，在一次轉機途中，袁偉豪如常在每天朝早喝咖啡，寶兒見到就話：「你都幾鬼佬喎！」偉豪直言呢句話令佢覺得對方欣賞自己，亦係由呢句說話開始，大家開始互相試探。

Photo from 《人夫放假約出去滾》TVB

袁偉豪一句話令場面尷尬？

自此，二人便開始進行了解，「傾吓人生，傾吓你鍾意聽咩歌，傾吓你會唔會想快手結婚，你點睇啊？」不過，偉豪說出一句話令氣氛瞬間變得尷尬，「講講吓，咁如果你做我背後嘅女人咁會點啊？佢冇答我。」

Photo from 《人夫放假約出去滾》TVB

袁偉豪大讚張寶兒好識照顧自己

二人回港後再認識對方，隨後開始交往，袁偉豪直言寶兒好照顧到自己，「佢好照顧到我，佢好take care到我屋企嘅嘢，咁我覺得呢個係幾好嘅女仔。」至於為何決定結婚，佢坦言係唔想再重複發生前一段關係嘅嘢，「上一段感情本身想低調，但係因為記者朋友，或者某啲人報咗料，你都唔知點對策，喺事業上升期嘅時候，只能夠話我哋係好朋友。」到事業穩定時認拍拖，其他人又會作出比較，「好喇我認拍拖，甚至介紹：『呢個係我太太』，啲人就會比較，話我嗰時唔係咁講，明明上一個就好低調，而家呢個就曬恩愛。」佢無奈表示：「大佬唔關我事架，係你哋想我點？」而偉豪所提嘅上一段戀情，大有機會係佢同岑杏賢嘅一段情。

Photo from 張寶兒 IG

曾有感演藝圈不再需要自己

袁偉豪又指，佢同寶兒宣佈結婚後聽到好多唔好嘅說話，「甚至乎我覺得呢一行好似唔係好需要我，因為啲人覺得係我已經同一個屋企幾好環境嘅女仔結咗婚，我就唔使做。」但二人都互相扶持，偉豪亦讚寶兒有邏輯、好理性，好慶幸自己能夠搵到一個在心靈上可依靠嘅人，「我可以喺佢面前做一個弱者。」佢又指同太太相處舒適，「其實做一個弱者，聽老婆話，有乜咁難啫？幾開心，幾舒服。」同時，佢認為女性做決定某程度上比男性高一籌。