楊明餐廳生意受影響停業裁員，莊思明呻每月租金蝕7位數字！
Photo from 楊明 IG
楊明與友人合資開燉湯店，分店越開越多
楊明2018年開始進軍飲食界，與友人合資百萬開燉湯店，當時佢指好幸運3個月已經回本，楊明落手落腳現身舖頭做樓面工作，之後更陸續開設分店。
Photo from 莊思明 IG
雖然一度因為位於工廈嘅食店招呼街客而違規，但無阻楊明餐廳嘅發展，分店越開越多，更一度開到7間分店，連楊明女友莊思明都喺IG發文慶祝：「屯門加盟店今日正式開張啦！祝生意興隆，大展鴻圖～下一間開係邊到好呢？」
Photo from 莊思明 IG
本港新冠疫情嚴重，楊明經營食店生意受影響
不過近月疫情越發嚴重，確診數字持續上升，飲食業首當其衝受到影響，早前有網友發現楊明經營嘅燉湯店佐敦分店疑結業，其他分店生意亦大受打擊。
Photo from 楊明 IG
莊思明受訪時透露現時除咗一間分店仍維持有限度嘅外賣服務，其餘分店全部都要停業，佢表示生意難做，收入都唔夠出糧。
Photo from 莊思明 IG
莊思明呻每月蝕7位數字，莊鍶敏珍珠奶茶舖亦要停業
莊思明稱政府甚少補貼小商戶，加上業主亦無減租意願，坦言每月淨係租金都蝕咗7位數字！佢又指無奈下唯有裁員。莊思明家姐莊鍶敏老公係台灣珍珠奶茶店東主，莊鍶敏喺香港都有開珍珠奶茶舖，佢指因為店舖有員工確診所以要暫時停業，希望7日後可以重開。
Photo from 楊明 IG
Photo from 莊思明 IG
楊明低調行事，食店交由莊思明打理？
雖然燉湯店一開始係由楊明同朋友合資開設，但幾年嚟女友莊思明都陪伴身邊，現身店舖幫手又出力宣傳，加上開分店時楊明亦十分低調，僅由莊思明於IG作宣傳。
Photo from 楊明 IG
Photo from 楊明 IG
Photo from 莊思明 IG
今次佢間餐廳停業，楊明無任何回應，反而係女友出面令唔少網友錯重點：「租金係莊思明交？」、「屋企咁有錢蝕少少唔怕啦！」
Photo from LIHKG
Photo from LIHKG
Photo from LIHKG
Photo from 莊思明 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
楊明「潛水」10幾日現身IG！留下金句為自己打氣！女友莊思明力撐
24 Aug 2020
TVB藝人楊明8月8日凌晨撞車，撞毀路邊石牆，及後上《東張西望》表示對當時情況毫無記憶。之後「隱世」多日，佢琴日終於現身社交網站，大晒近照，更留下金句為自己打氣。
藝人楊明8月8日凌晨撞車，事後上TVB節目《東張西望》接受訪問，佢表示對事發一刻無印象，當日太攰，撞車一刻「斷咗片」。
Photo from 莊思明IG
而楊明嘅IG自8月1日後亦再無更新過。
「潛水」多日嘅楊明，琴日日終於現身社交網站，佢post出近照，相中佢一身運動裝，似乎正在行山。
Photo from 楊明IG
佢留下金句為自己打氣：「前路雖難行，但至少也是一條路！可以選擇停下來，但我選擇努力地慢慢走過去！我會加油！多謝大家！???」
Photo from 楊明IG
楊明女友莊思明亦有post出同背景嘅照片，並留言：「Two are better than one, for if they fall, one will lift up the other ?」
Photo from 莊思明IG
Photo from 莊思明IG
佢表示兩個人比一個人好，有人倒下，另一人會幫手，似乎表明會同男友一齊走呢條「難行嘅前路」。
Photo from 莊思明IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
