學是疫學非｜講解家居抗疫貼士！不可用熱水稀釋漂白水、揭最佳菜肉保鮮法

By Cheryl on 14 Mar 2022

Digital Editor

新冠肺炎第五波疫情仍然嚴重，好多市民都花更多時間在家工作和烹飪，當中都要用到不少食材、藥物和消毒物品。TVB節目《學是疫學非》就為大家實測了保存蔬菜肉類嘅最佳方法，又提醒市民用漂白水時要注意事項，亦介紹了適合居家常備嘅藥物。

Photo from 《學是疫學非》TVB

蔬菜保鮮方法

疫情唔少人都比平時購買更多食材以備不時之需，但保鮮都係一門學問。主持張寶兒、陳詩欣、何沛珈示範將西蘭花和白菜分別以3種方法保存一星期後查看效果，分別為：室溫存放、雪櫃存放、煮+冰格存放。實驗發現，用滾水煮一分鐘後，用廚房紙印乾水分，再放入雪櫃冰格嘅方法最能保鮮，更可保存一星期，而存放室溫效果則最差。

Photo from 《學是疫學非》TVB

保存期較耐蔬菜

節目亦提到，如果真係要居家一星期不出門，又想買可以存放較耐嘅蔬菜，推介款式就有：娃娃菜、椰菜呢啲菜葉較厚，存水量較多所以可保存較久嘅蔬菜；除此，亦可購買番茄、青瓜、翠玉瓜，再將佢哋放入雪櫃，並可以保存一星期以上。

Photo from 《學是疫學非》TVB

肉類保存法

另外，節目亦透露，將魚類去鱗、去內臟後放入雪櫃冰格，都可以保存近一個月時間，但此方法會較適合肉質較結實嘅魚類，而新鮮肉亦可參考同樣做法來獲得較長保存時間。而進食罐頭午餐肉時，就要記得唔好連罐頭一起蒸，而開罐後亦建議在一星期內吃完。

Photo from 《學是疫學非》TVB

家居消毒注意事項

漂白水係家居消毒必備物品，節目建議用一公升水配10cc漂白水，製成1:99漂白水，而稀釋漂白水過程應戴上手套和護目鏡。亦要切記，不要用熱水稀釋，因為熱水會分解漂白水成分，從而減低殺菌消毒效能，大家用室溫水稀釋漂白水就得。

Photo from 《學是疫學非》TVB

另外，肥皂能有效殺菌，病毒亦唔會停留在肥皂表面，所以無需擔心共用同一塊肥皂會增加傳染風險。

Photo from 《學是疫學非》TVB

不少市民會透過網購買物資，但病毒能夠在包裹表面停留數天，所以節目建議大家待速遞員離去後才開門收包裹，如果包裹來自高風險地區，咁大家拆包裹時就應佩戴口罩和手套，事後記得洗手。

Photo from 《學是疫學非》TVB

在家舒緩症狀

Omicron常見症狀包括發燒、頭痛、流鼻水、咳嗽、喉嚨痛等，不少輕症患者都會先在家休養。節目亦推介了一些藥物去舒緩症狀，例如發燒嘅話，服用適量撲熱息痛可止痛退燒，另外，布洛芬亦可消炎、止痛及退燒，不過布洛芬需要藥劑師監督下才能售賣。節目亦推介了一些不用藥物嘅舒緩退燒方法，例如沖暖水浴、多飲水，大家亦可買電解質飲品補充水分。