download HolidaySmart 假期日常 app
內地外賣員接Starbucks訂單被揭造假，「屋企沖咖啡」代替賺到笑

內地外賣員接Starbucks訂單被揭造假，「屋企沖咖啡」代替賺到笑

時事熱話
By Jennifer on 16 Mar 2022
Digital Editor
今晚食乜餸：小二，嚟一碟花生！

新冠疫情嚴重，依家唔少人會選擇外賣。日前內地揭發一宗騙案，有外賣員接Starbucks（星巴克）訂單，啲咖啡卻並非於星巴克購買，而係佢喺屋企自行沖泡！佢生意唔錯，憑接單賺4萬人民幣！

（劇照）新冠疫情嚴重，依家唔少人會選擇外賣Photo from TVB

內地外賣APP騙案，出售假「星巴克咖啡」

近年外賣APP十分流行，唔想出門只要透過外賣平台落單，就有「步兵」幫手送外賣到公司或家中，十分方便。內地嘅外賣產業亦非常發達，幾乎每個人都有外賣APP。

（劇照）唔想出門只要透過外賣平台落單，就有「步兵」幫手送外賣到公司或家中，十分方便。Photo from TVB

日前四川有一宗離奇騙案，有市民向市場監管局稱有人出售假嘅「星巴克」咖啡。消費者喺外賣APP透過代購買入咖啡，對方聲稱幫顧客去Starbucks買咖啡，飲品嘅價格亦同Starbucks標明嘅一致。

日前四川有一宗離奇騙案，有市民向市場監管局稱有人出售假嘅「星巴克」咖啡Photo from 微博

對方聲稱幫顧客去Starbucks買咖啡，飲品嘅價格亦同Starbucks標明嘅係相同。Photo from 「星巴克中國」微博

有齊用具、材料、外賣袋，自行沖咖啡扮Starbucks

雖然對方稱係「代購」，但實際上所有咖啡都係佢自己喺租用嘅房間中自行沖泡，警方接報後到有關嘅房屋調查，正好撞見一名孔姓男子落樓準備送外賣，而孔姓男子正係騙徒本人。

雖然對方稱係「代購」，但實際上所有咖啡都係佢自己喺租用嘅房間中自行沖泡Photo from 微博

警方接報後到有關嘅房屋調查，正好撞見一名孔姓男子落樓準備送外賣，而孔姓男子正係騙徒本人。Photo from 微博

孔男嘅房屋有齊各種沖咖啡嘅用具、材料，包括咖啡機、牛奶、攪拌機等，連Starbucks嘅外賣袋、紙杯都一應俱全，騙徒準備充足，難怪咁長時間都無顧客發現有問題，不過衛生環境就唔係好好，廚房牆壁有唔少污跡。

孔男嘅房屋有齊各種沖咖啡嘅用具、材料，包括咖啡機Photo from 微博

牛奶、攪拌機都有Photo from 微博

Starbucks嘅外賣袋、杯都一應俱全Photo from 微博

衛生環境就唔係好好，廚房牆壁有唔少污跡Photo from 微博

狂接逾700張訂單，賺4萬人仔！

孔姓男子承認佢係喺廚房自己沖咖啡扮係Starbucks買嘅再送到顧客手上，佢亦未能提供食品經營許可證同營業執照等證明，現場嘅咖啡製作工具及材料都被帶走。

孔姓男子承認佢係喺呢度自行沖咖啡扮係Starbucks買嘅再送到顧客手上Photo from 微博

孔男至今接過729張訂單，每次都係自己沖完扮喺Starbucks買再送外賣畀顧客，密密接單勁賺4萬元人民幣（約$4.9萬港元）！

（示意圖）孔男至今接過729張訂單，勁賺4萬元人民幣Photo from TVB

網友嘲：證明真貨質素與假貨差不多

「星巴克中國」喺微博發文指事件損害公司品牌聲譽，更影響消費者嘅健康安全，表示會配合政府，同時呼籲市民通過門店等正規渠道購買產品。不過有唔少內地網民冷嘲熱諷指700幾張單都無人發現係假貨，證明內地Starbucks啲咖啡都唔係幾好飲，又叫佢盡快退出中國市場。

「星巴克中國」喺微博發文指事件損害公司品牌聲譽Photo from 「星巴克中國」微博

有唔少內地網民冷嘲熱諷指700幾張單都無人發現係假貨，證明內地Starbucks啲咖啡都唔係幾好飲Photo from 微博

微博網民叫星巴克盡快退出中國市場Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

內地男與港女結婚！狂讚內地經濟好，聲稱絕不申請來港

21 Feb 2022

唔少人結婚後都唔會想同另一半分隔兩地，近日有網友喺討論區發文稱有朋友於內地結識一名男子，更同佢結婚。婚前該男子曾狂踩香港不足之處，更明言唔會申請來港，點知最後竟有反轉！

唔少人結婚後都唔會想同另一半分隔兩地Photo from TVB

好友與內地男結婚，對方狂讚內地好

網友開post稱朋友4年前去四川成都識咗一個男生，雙方互加微信，網友形容「個男人日日花言巧語氹佢（朋友）」，最終成功追求樓主朋友，更修成正果結埋婚。

網友開post稱朋友4年前去四川成都識咗一個男生，雙方互加微信，網友形容「個男人日日花言巧語氹佢（朋友）」，最終成功追求樓主朋友Photo from TVB

兩人更修成正果結埋婚。Photo from TVB

婚前樓主曾多次同好友及內地男食飯，佢表示男方喺內地做水泥工，成日都大讚內地經濟好，又認為香港有好多地方都做得唔好：「日日開口埋口就大陸點有錢點勁，香港點差點差。」

婚前樓主曾多次同好友及內地男食飯Photo from TVB

樓主表示內地男喺內地做水泥工Photo from TVB

樓主：「日日開口埋口就大陸點有錢點勁，香港點差點差。」Photo from TVB

內地男不屑申請來港，因一個原因竟反口

樓主指內地男不屑喺香港居住：「實牙實齒話唔會申請來香港。」但近日樓主朋友竟主動問佢要點先可以申請到佢老公嚟香港，令樓主大為驚訝。

樓主指內地男不屑喺香港居住：「實牙實齒話唔會申請來香港。」Photo from TVB

樓主問朋友：「佢唔係唔嚟香港㗎咩？」對方竟表示改變主意全因「嚟香港搵錢多啲、福利好」。樓主又坦言好友比老公大9歲，喺香港做OL，男方曾聲稱自己喺家鄉有田有地。

內地男表示嚟香港搵錢多啲、福利好。Photo from TVB

樓主坦言好友比老公大9歲，喺香港做OL，男方曾聲稱自己喺家鄉有田有地。Photo from TVB

網民：拎住香港啲福利又咁多不滿

有網民認為除非係大富大貴之人，如果唔係其實好多內地人都想來港定居。有人指唔少內地人來港後對香港多多不滿，成日話內地更好，樓主認同並直言：「拎住啲福利成日都咁不滿」

有網民認為除非係大富大貴之人，如果唔係其實好多內地人都想來港工作。Photo from 香港討論區

有人指唔少內地人來港後對香港多多不滿，成日話內地更好Photo from TVB

樓主直言：「拎住啲福利成日都咁不滿」Photo from 香港討論區

港女申請內地男來港無好結果？

亦有網友表示曾見過女同事為老公申請來港，男方成日問佢攞錢搞生意，然後喺香港搵到更有錢嘅女士，跟住就同老婆離婚，仲可以分到老婆一半身家。

有網友表示曾見過女同事為老公申請來港，男方成日問佢攞錢搞生意，然後喺香港搵到更有錢嘅女士，跟住就同老婆離婚Photo from TVB

又有網民分享類似經歷，佢稱女同事申請老公來港後對方原形畢露，好食懶飛唔工作，離婚後更搵到女方住址，仲去埋前妻公司令女方唔敢返工，網友嘆：「仲要照顧個小朋友真係慘」

女同事申請老公來港後對方原形畢露，好食懶飛唔工作Photo from TVB

有內地男離婚後更搵到女方住址，仲去埋前妻公司令女方唔敢返工Photo from TVB

網友嘆：「仲要照顧個小朋友真係慘」Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話咖啡星巴克內地外賣速遞員騙案網絡熱話