江華獻唱《我和春天有個約會》引起熱議！網民重提當年與鄧萃雯婚外情！獲得妻子麥潔文原諒情牽30載
Photo from 江華微博
# 江華上年12月宣佈復出！
資深演員江華2005年拍攝TVB劇集《鳳舞香羅》後就離巢，隨後慢慢淡出娛樂圈。直到上年12月佢宣佈復出幕前，專心發展於內地市場發展，加入直播帶貨嘅行列！
Photo from 《九五至尊》劇照
# 開始直播帶貨，但銷情一般！
可惜江華正式直播帶貨嘅第一日就出師不利！有指當日佢主要推銷黃金鑽飾，成個直播足足做咗5個鐘，但卻只係得接近100單，銷量慘淡，仲一度被網民封為「最慘帶貨明星」。
Photo from 微博
Photo from 微博
# 獻唱《我和春天有個約會》同名主題曲！
日前，江華開Live同各位粉絲互動，只見佢悉心打扮，身穿直紋西裝外套加紳士帽亮相。而佢選擇獻唱有份主演嘅亞視經典劇集《我和春天有個約會》主題曲，反而令網民覺得反感？！
Photo from 江華微博
# 網民重憶江華與鄧萃雯當年情！
有網民重提江華1996年拍攝《我和春天有個約會》同鄧萃雯發展超乎友誼關係，劇中二人本身有唔少感情戲，但佢哋戲假情真擦出愛火。有傳媒拍到江華連續6日去女方屋企，令佢哋嘅關係曝光！然而，江華當時同太太麥潔文已經結婚4年，當時仲懷有身孕，事件轟動一時！
Photo from 《我和春天有個約會》劇照
Photo from 麥潔文微博
# 鄧萃雯與江華太太展開隔空罵戰！
同年，鄧萃雯指自己受電話騷擾，疑似指男方太太暗中作祟，麥潔文反擊指鄧萃雯於電視劇記者會中主動搵江華等，二人多次隔空罵戰！隨後，鄧萃雯因此形象插水，仲被公司雪藏多時；江華獲得太太原諒，重新回到太太身邊。
Photo from 鄧萃雯微博
Photo from 江華微博
# 江華承認當時出軌：年少輕狂！
雖然呢段風波當時暫時告一段落，但江華受輿論影響淡出幕前，後來轉投TVB成功迎來事業巔峰！而佢亦毫不避忌咁重提往日情，承認當年愛鄧萃雯「少年輕狂！人生總有失控嘅時候，做錯就改，最重要係一齊面對。」
Photo from 江華微博
# 鄧萃雯否認想介入江華婚姻！
多年後，鄧萃雯表示雖然知道江華已婚，但從來都冇諗過要介入他人嘅婚姻，只係單純愛對方！喺接受《魯豫有約》訪問時，佢表示從來冇後悔曾經愛過江華，「我也有不對的地方，成年人就要承擔自己的錯誤，只是情緒上會不開心」直到宜家佢依然尋覓到另一半，享受單身生活～
Photo from 《志雲飯局》
Photo from 《魯豫有約》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
江華曾患抑鬱轉做保險預告復出 網民讚凍齡 將加入直播帶貨行列掘金？！
7 Jan , 2022
59歲江華息影多年，曾成為保險經紀及渡過情緒低潮，直至上月透露復出意向，在抖音密密拍片與粉絲交流，佢近日到內地隔離完畢後更開直播與粉絲互動，有指佢將加入帶貨行列，不少網民都讚佢保養好，仲吸過百萬Like！
Photo from 《九五至尊》 TVB
曾是TVB當紅男演員，被封「翻版劉德華」
江華曾是TVB當紅小生，參演劇集《西遊記》、《尋秦記》、《九五至尊》等，外表帥氣之餘更被指酷似劉德華， 故有「翻版劉德華」之稱。
Photo from 《九五至尊》 TVB
Photo from 微博
太投入角色，壓力太大息影多年
江華在2004年離開TVB後轉到大陸發展，更一度患上抑鬱症，後來漸漸淡出娛樂圈，再轉行做保險。佢曾指因對自己要求太高，太投入角色而搞到好大壓力，故不考慮重返演藝圈，更曾經講過指「寧願街邊做小販」。
Photo from 《西遊記》
佢在2018年一則微博帖文亦表示過，有人勸佢「把你尊貴的身段放下，去拍戲賺生活費吧」，江華話佢自己只回覆一句「謝謝教導！」
Photo from 江華 微博
前年曾亮相 TVB
直至2019年，江華亮相TVB《流行經典50年》，上台翻唱陳奕迅嘅《明年今日》，之後甚少出席公開活動。
Photo from 《流行經典50年》TVB
近日到內地開直播人氣強勁，粉絲大讚依然帥氣
到了上個月，江華更新了社交帖文，之後亦keep住上載近照，及上載抖音短片，當中可見佢狀態不錯，打扮頗有型。佢亦曾在帖文寫道：「知道我在等您嗎？因有您們的愛戴，我願意再來一次」字裡行間散發著復出意味。
Photo from 江華 微博
Photo from 江華 微博
Photo from 江華 微博
佢早前同太太麥潔文一起到內地隔離，隔離結束後佢隨即約定粉絲開直播，日前佢開Live即獲不少粉絲捧場，更狂吸過百萬Like，睇嚟不少內地網民都對佢復出好有期待。
Photo from 微博
Photo from 微博
將加入帶貨行列？！
截圖中可見，江華穿著紅白色羽絨外套，臉型頗瘦，毫無發福跡象，不少人留言大讚：「還是那麼帥」、「這麼年輕？能分享以下青春永駐嘅秘訣嗎？」、「十年劉德華，百年我江華。」
Photo from 抖音
Photo from 抖音
Photo from 抖音
江華在直播中打開金口唱《西遊記2》插曲《只愛西經》，還回應不少網民希望佢復出演戲嘅留言，據指佢稱自己需要多啲時間，似乎已有回歸準備，亦有指佢目前正跟一內地公司商談，將會加入直播帶貨行列。
Photo from 微博
拒絕再演同一角色，缺席電影版《尋秦記》
2019年古天樂開拍《尋秦記》電影版，更找來原版人馬林峯、宣萱、郭羨妮等亮相，但江華卻不在參演名單上，佢飾演嘅壞人角色連晉/嫪毐深受歡迎，所以佢無參與其中令不少觀眾感到可惜。江華之後曾在訪問表示，佢認為一部電視劇可以成為觀眾心目中經典已經好勁，覺得無需再重新拍攝，亦堅拒再演同一角色。
Photo from 《尋秦記》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
