利穎怡老公獲封「人生贏家」！IG晒合照放閃老公指似宅男即出言護夫
《東張西望》「東張女神」利穎怡喺節目擔任外景主持，因為豐滿身材而受到關注。不過佢早於2019年已「封盤」成為人妻。近日佢喺IG晒出與老公合照，唔少網民「葡萄」稱利穎怡老公係「人生贏家」，利穎怡亦回覆網友留言，盡顯愛夫之情。
Photo from TVB
利穎怡打扮性感成「東張女神」
利穎怡於2012年客串出演TVB《愛·回家》後報名參加藝員訓練班，之後正式簽約成旗下藝人。初時佢主要係做主角嘅武術替身，到2015年佢加入《東張西望》做外景主持開始為人熟悉。
Photo from 利穎怡 IG
利穎怡喺節目中曾多次報道野豬於市區出沒，佢更因為衣著輕便大展玲瓏身材成為網民焦點，更獲封為「東張女神」！不過女神於2019年就同圈外男友結婚，正式封盤。
Photo from TVB
IG晒老公合照慶祝結婚3週年
升呢成為人妻嘅利穎怡繼續工作，早前佢喺IG晒出同老公嘅合照，慶祝結婚3週年：「週年快樂，最近世界發生太多事情都讓我差點忘記。希望我們能一如既往地珍惜彼此、愛情像燈火般燦爛浪漫、生活就像童話般咁happily ever after」，佢更hashtag「#每天愛你多一些」，勁sweet。
Photo from 利穎怡 IG
Photo from 利穎怡 IG
網友指利穎怡老公係「人生贏家」
唔少網友關注到利穎怡老公，佢幫老公對眼打咗格仔，仲話老公唔會介意，有網民表示利穎怡老公絕對係「人生贏家」。喺利穎怡IG亦有網友留言：「你擺到好似同宅男影咁」，利穎怡即表示：「佢真係宅男黎！i like 居家男」向老公表白。有人指利穎怡老公似佢爸爸多啲，利穎怡亦回覆：「咁我做女都幾好」，盡顯護夫之情。
Photo from 利穎怡 IG
Photo from 利穎怡 IG
Photo from 利穎怡 IG
唔介意圈外人老公住屋邨
2019年利穎怡與姓關嘅男友結婚，其擬結婚通知書曝光，老公大佢3歲，家住青衣屋邨，曾一度引起熱議。利穎怡曾表示自己戀愛經驗極少，男友係佢回流香港時認識，對方陪佢經歷咗好多嘢，佢亦喺IG回應：「無錯我男友不是有錢人，所以我會更努力工作，謝謝大家關心！」
Photo from LIHKG
Photo from TVB
有網民大讚利穎怡唔愛慕虛榮，性格勁好。一向低調處理感情事嘅利穎怡曾經喺IG放閃，表示多謝老公一直以嚟嘅陪伴，又話決定要每日對老公講「我愛你」同埋獻吻！
Photo from LIHKG
Photo from 利穎怡 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《東張西望》前任主持大起底！隱形富婆、有人離巢後擲1億買豪宅
9 Mar 2022
林泳淘轉型做KOL
「東張女神」林泳淘2019年被TVB提早解約，佢表示會轉做KOL、活動司儀等，喺呢兩年佢亦有為ViuTV拍劇。2021年佢與初戀男友林卓立結束14年愛情長跑，正式升呢做人妻！
原來做《東張西望》主持前，林泳淘曾以香港樂壇組合「Lacee Lacey」成員身份出道，當時佢以藝名「林熙」活動，之後參選2012年度香港小姐競選簽約TVB。
黃愷怡老公係飛機師
黃愷怡畢業於香港中文大學新聞及傳播系，佢曾與林希靈、黃碧蓮、余德丞一齊主持TVB兒童節目《Think Big 天地》，之後加入《東張西望》成為其中一位外景主持。
佢2019年與任職飛機師嘅男友Billy Chau結婚，佢哋喺中文大學讀書時認識，拍拖7年終於拉埋天窗。2021年12月31日佢同另一主持林希靈同日離職，佢表示計劃同林希靈一齊做YouTuber。
林希靈離巢後到香港開電視做主持
與黃愷怡同日離巢嘅林希靈偕同好姊妹主持香港開電視節目《全城抗疫講呢啲》，佢哋更同前主播李臻合作。林希靈男友係ViuTV藝人陳安立，更情侶檔拍住上齊齊投資發展飲食生意。
黃穎君轉做政府工，月薪近$7萬
《東張西望》外景主持黃穎君無懼衛生環境嚴峻，仍淡定採訪居民獲網友讚賞。但佢應徵民政事務局做一年合約制媒體主任，最終獲聘而選擇離巢。新工月薪為$67,595，有指任職期間表現良好嘅話將會獲發放約滿酬金，黃穎君一年或可賺逾92萬！
佢本身就擁有香港大學教育學士、中文大學社會學文學碩士學位，老公係TVB節目《後生仔傾吓偈》監製丘一峯，兩人結婚7年育有一子。
郭嘉文豪擲1億買九龍塘豪宅
郭嘉文係2015年港姐季軍，佢喺離巢TVB之前曾任《東張西望》外景主持，《東張西望》係佢TVB告別作，佢2016年被爆與李澤楷同遊東京，疑戀情曝光，2017年更榮升業主，以$1.068億買入九龍塘逸瓏天池屋。
不過有指佢同李澤楷5年情斷，郭嘉文亦準備復出，同好姊妹林凱恩開YouTube Channel做KOL。
以上介紹唔少離咗巢嘅主持，仲有一啲未離開TVB嘅前任《東張西望》主持，佢哋家底都十分豐厚！
隱形富婆宋芝齡
宋芝齡除咗係《都市閒情》主持外，原來佢都有做過《東張西望》外景主持，係中韓混血兒嘅佢有唔少副業，佢開辦嘅韓文學校計劃繼續開分校。宋芝齡仲有開韓國移民公司，賺到盤滿缽滿。
宋芝齡家住海景豪宅，出入以百萬名車代步、養名種狗，仲有3個工人服侍，佢受訪時表示3位各司其職，其中一位係專門照顧愛犬，另外兩位則主力打理家務，分工明確，亦反映宋芝齡財力雄厚！
傳爸爸身家過億，彭慧中住3,000呎獨立屋
《都市閒情》女神彭慧中同樣有主持過《東張西望》！佢參選《2010年度香港小姐競選》後入行，有指佢家族經營時裝貿易公司，喺香港同內地均設有多間廠房。
傳佢爸爸喺2008年以$2,100萬買入3,000呎康樂園獨立屋畀家人自住，而彭慧中IG亦經常大晒周遊列國嘅相片。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
