余文樂NFT勁賺過億屢破紀錄！接仔仔放學晒$800萬勞斯萊斯

婚後移居台灣嘅余文樂近日推出自家NFT後反應熱烈，一開賣便火速售罄。除咗NFT，佢亦愛收藏車與名錶，仲不時大曬珍藏。雖然佢忙於打理潮流事業，但都不忘爭取親子時光，近日更開著名貴靚車接愛子放學！

Photo from 《Inside Out》

余文樂NFT屢破紀錄

40歲余文樂去年同國際知名拍賣行「佳士得 Christie's」合作，最後以1.2億港元賣出NFT藝術品，創下亞洲史上最高金額網上拍賣紀錄。而余文樂都再接再厲，近日推出了首個自家NFT項目「ZombieClub Token」，預售一開就即衝上「OpenSea」（全球最大NFT交易平台）第一位，更創下只花2小時42分鐘便奪冠嘅世界紀錄。有傳佢同團隊會乘勢推出「ZombieClubToken包」，當中包含更多元嘅角色設計與屬性，讓粉絲非常期待。

Photo from ZombieClub Token

不忘享受親子時光

余文樂NFT生意搞得有聲有色，但作為廿四孝爸爸嘅佢都好珍惜同子女相處時間。日前佢上載了和女兒一起玩滑梯嘅溫馨照，並寫道「工作前陪他們玩一下玩一下，Family comes first」。

Photo from 余文樂 微博

揸天價名車接仔仔放學

早前佢亦分享了駕車接兒子Cody放學嘅照片，表示：「今天終於可以接他下課，其實我很喜歡跟他單獨相處的時間。」相中嘅余文樂有不少白髮，略顯老態，但佢駕駛嘅靚車更為搶眼。

Photo from 余文樂 微博

Photo from 余文樂 微博

有熟車網友發現其座駕後排活動式手枕上有「∞」，此無限符號代表余文樂駕駛著勞斯萊斯嘅Cullinan Black Badge系列，呢個型號在台灣嘅新車售價高達3,100萬新台幣（約800多萬港元）。有網民認為佢揸天價名車接放學太高調，但亦有人覺得佢有自由炫富。

Photo from 余文樂 微博

超愛收藏名錶

余文樂一向毫不手軟，買入不少名車，其收藏包括林寶堅尼超級跑車、保時捷911 GT3RT跑車、Mercedes-Benz G55 AMG等，更有一架McLaren 675LT在全球僅限量發行500架，香港區配額更只有10架。

Photo from 余文樂 IG

Photo from 余文樂 IG

除了靚車，余文樂同時係愛錶之人，佢曾在自家紀錄片《Inside Out》中大曬珍藏，當中有唔少古董Rolex，價錢從十幾萬至數百萬港元不等。

Photo from 《Inside Out》

Photo from 《Inside Out》

Photo from 余文樂 IG

當中一隻人稱「錶王」嘅Patek Philippe 18K Nautilus 3700, Oman Khanjar dial全球只有3隻，屬80年代出品，至去年炒價已超過一千萬，呢隻「錶王」係余文樂與友人交換禮物時收到，所以佢相當高興，更表示佢收到後整晚都在摸隻錶！

Photo from 《Inside Out》

相關文章：余文樂NFT拍賣金額破亞洲紀錄！狂賺逾1億港幣！被林作反斥：只係靠炒

相關文章：余文樂被笑英文差晒字典力證無串錯字！「bra」仲有呢個意思？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）