方力申發文慶《獨家試愛》上映周年網民懷疑有暗示，起哄：追佢返嚟！

By Cheryl on 24 Mar 2022

Digital Editor

藝人方力申（小方）與鄧麗欣（Stephy）憑拍攝一系列葉念琛愛情電影成為經典熒幕情侶，二人亦曾在現實中交往，惟未能開花結果。而日前（23日）正是二人主演嘅《獨家試愛》上映16周年，小方就喺社交網發文，慶祝電影上映紀念日，帖文一出即帶起不少回憶，有網民更留言叫小方「追返佢啦！」

Photo from TVB

方力申（小方）和鄧麗欣（Stephy）曾由熒幕情侶發展成真實情侶，但交往10年後分手收場。之後佢哋都有各自嘅生活，Stephy曾和台灣男星邱勝翊（王子）談姐弟戀，惟交往3年後結束戀情；而小方則不時傳出緋聞，但一直未有著落。

Photo from 鄧麗欣IG

方力申Po《獨家試愛》片段慶上映周年

日前，小方在社交網上載一段影片與帖文，以慶祝《獨家試愛》上映16周年，呢套電影算係佢同Stephy定情之作，當年亦非常收得。小方在文中寫道：「雖然我喊到成個小朋友咁，有啲醜怪，但係咁就過咗16年，都係絕對值得出post賀一賀佢。」佢亦感謝葉念琛導演和Stephy等人，一起製作了多套改變佢演藝事業嘅作品。

Photo from 方力申IG

Photo from 《獨家試愛》劇照

網民：對白有暗示？

小方同時貼出《獨家試愛》嘅其中一幕，而片中對白就包括：「我同你有好多過去，我真係唔想就咁無咗」、「我唔知我同你嘅將來會係點，我只知道我呢家要做嘅一步，就係要追返你返嚟。」

Photo from 《獨家試愛》劇照

雖然帖文令一眾網民大呼回憶歸來，但當中對白都令唔少人懷疑小方有暗示，並紛紛留言：「有暗示？」、「追返佢啦！加油！」、「我諗唔係淨係追，直情要求婚。」始乎有不少人都期待二人有復合嘅一天。

Photo from 方力申IG

Photo from 電影截圖

方力申大呻抗疫疲勞

小方經常更新社交網和粉絲交流，除了出文紀念電影上映外，佢早前就罕有放負，發文大呻抗疫疲勞嘅心情，「泳池又停，工作又停，目標又冇，連屋企個健身架都拆咗三分二，不過其實我都冇練成年㗎喇，所以阿媽先話拆咗佢，要黎做儲物櫃。」

Photo from 方力申IG

佢又稱，社交媒體嘅嘢未必係真，所以唔好以為佢成日上載正能量內容，就等於佢心態時刻都咁正面。不過，佢表示自己開始搵返興趣，開始做返gym，又言「開心一定搵得返嘅」，所以粉絲都無需太過擔心。

Photo from 方力申IG

開游泳學校蝕到入肉

小方早前接受TVB《財經透視》採訪，以退役運動員及藝人身份大談疫情下經營游泳學校嘅困境。當中，佢透露連自己都估唔到會蝕到入肉！小方於2018年同朋友合資開設游泳學校，惟開校不久便遇到疫情，故現時做唔到收支平衡之餘，每月更虧損多達20萬元。佢更指，停課期間仍需作營運支出，所以已向政府申請資助，「向政府借幾十萬周轉，吊住命先！」