私人屋苑張貼非官方字眼告示超搞笑！指出小朋友噪音問題！網民大讚簡單又直接
相信居住於大廈嘅你哋經常會見到大堂內張貼管理處嘅通告，目的係與住戶溝通。日前，位於太古城嘅匯豪峰管理處就張貼有關「小孩噪音」嘅告示，不過有眼利嘅網民就發現中英對照嘅通告用詞偏向口語，同一般正式嘅通告有啲唔同！
Photo from TVB
# 私人屋苑出告示指出噪音問題！
太古私人屋苑有住戶指有小朋友經常於屋企跑跑跳跳，導致樓下嘅住戶飽受噪音困擾。因此管理處接獲投訴後，就張貼告示提醒各位住戶要好好管教屋企嘅小朋友，希望為大家締造和諧又安靜嘅環境！
Photo from TVB
# 中英對照告示超級搞怪！
本來屋苑出告示乃係非常正常嘅事，但佢哋嘅中英對照通告用字非常搞笑直接，瞬間成為焦點！中文版本嘅告示中，管理處語重心長咁向住戶講「有了小朋友就要好好教育，教導小朋友懂得什麼叫顧已（己）及人」，仲非常搞怪咁形容噪音「真係會人都癲！」只係睇份通告都已經幻想到有幾困擾！
Photo from FB
# 使用字眼超直接！
至於英文版本方面，成篇都利用大家熟悉嘅港式英語寫，「which is really crazy！（真係會人都癲！）」、「As home is not a playground（屋企並非遊樂場）」等非官方嘅英文字句及語氣，令人不禁懷疑寫嘅莫非係投訴人本人？！
Photo from FB
Photo from TVB
# 部份網民覺得內容夠生動！
唔少網民睇之後，忍唔住爆笑咁話「可能管理處都俾小朋友嘈親」、「成篇文都好生動」等，又或者管理處都只係想喺疫情期間為大家帶來歡樂呢～
Photo from ViuTV
# 亦有網民認為管理公司唔專業？！
另一邊廂，有部份網民卻覺得管理公司處理今次事件時顯得唔夠專業，認為告示嘅語氣有啲嚴苛，好似責備緊住戶咁！無論點都好，要提醒小朋友唔可以長期於屋企大跳或者大叫都係必要嘅，將心比己，就能夠令鄰里關係更進一步喇～
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
公屋住戶半夜煮咖哩慘遭鄰居投訴！ 眼利網民發現通告錯漏百出！ 慨嘆：連食宵夜都唔得！
29 Nov , 2021
香港地少人多，相信唔少人都曾經嘗試被鄰居嘅行為騷擾到！最近，有網民就於「公務員Secret」中上載一張張貼於公屋村內嘅通告，內容大致係講述有住戶因為半夜煮咖哩而被鄰居投訴，管理處因此發出通告提醒住戶注重自身行為，引起網民熱議！
Photo from TVB
# 網民於FB Group上載投訴通告！
天氣變得越來越凍，相信大家都因此而變得更加容易肚餓，半夜時分煮嘢食都係人之常情。日前，有網民就於FB group「公務員Secret」上載咗一張公屋大廈嘅投訴通知「深夜煮咖哩都比人投訴」，隨即引起網民熱議！
Photo from TVB
# 因為凌晨住咖哩而被鄰居投訴？！
通告上嘅內容大致上係講有住戶因為半夜煮咖哩，而導致被鄰居投訴擾人清夢。管理處發出通告呼籲住戶必須注重公德，避免深夜煮濃味食物，影響其他住戶入睡！
Photo from 「公務員Secret」FB
# 網民：咁小事都投訴......
唔少網民睇完都認為投訴嘅住戶太過大驚小怪，只不過係半夜煮嘢食都要投訴人，未免太難應付；有網民就猜測呢位住戶好有可能經常都投訴人，搞到管理處被迫出通告，而且上面亦寫明「此通告張貼至另行通知」，令網民忍唔住講笑話「睇下一次有咩菜色」！
Photo from 「公務員Secret」FB
# 眼利網民發現英文多錯處！
另外，網民仲講重點擺咗攞英文版嘅通告上面，發現裡面錯漏百出！例如：利用「Twilight」代表深夜、「compliant」=「complain」等，令網民忍唔住講笑咁話「睇嚟份通告真係出得好急咁」！
Photo from 「公務員Secret」FB
Photo from TVB
# 網民分享鄰居騷擾行為！
有網民亦分享自己嘅經歷，話鄰居曾經試過清晨剁豬肉、切蒜頭等，表示半夜煮咖哩簡直就係「小巫見大巫」！大家又覺得呢個投訴理由係咪好荒謬呢？！
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
