71歲薛家燕自爆去菲律賓登台險失身！眼濕濕憶述被狂迷逼見面
曾志偉主持《講你都唔信》邀肥媽、薛家燕做嘉賓
TVB綜藝節目《講你都唔信》每集會邀請嘉賓周繞當日主題講故仔，獲得較高分數嘅組別將會晉級第二輪，呢個節目之所以受到關注主要係因為已榮升高層嘅曾志偉「重出江湖」擔任主持。
新一集阮兆祥、鄧兆尊、何遠東，同肥媽、薛家燕、陸浩明（6號）分為兩組，講述佢哋「人生中嘅第一次」。其中家燕姐嘅個人經歷更掀起熱議。
薛家燕大爆初次險失身經歷
家燕姐同鄧兆尊對決，佢講起自己第一次差啲失身嘅經歷，佢指當年應該係1973、1974年左右，佢去菲律賓宿霧登台，家燕姐更附上一張舊照力證所言非虛。
家燕姐指自己當年好受歡迎，登台時萬人空巷，本來有兩場登台表演，第一次全場爆滿，完騷後就搭車返酒店，途中遇到一位20幾歲嘅年輕男士喺街頭小便，對方一見到家燕姐即大叫：「Nancy Sit！」，嚇到家燕姐即刻要司機揸返酒店。
菲律賓登台遇狂迷逼見面
好彩登台嘅地方同酒店距離唔遠，一返到酒店家燕姐經理人留喺家燕姐間房，期間收到街邊見到嘅年輕男電話，對方一直要求同家燕姐見面，最後酒店職員更表示佢帶埋武器上緊房，叫家燕姐快啲鎖門。
雖然家燕姐鎖咗門，但年輕男喺門口狂拍門，甚至搵埋住喺家燕姐隔離房嘅同行男歌手，要求人哋陪佢飲酒，家燕姐嚇到喊，唯有打電話要職員報警，但原來年輕男喺當地甚有勢力，即使警察到場後亦好快就離場。
家燕姐憶述事件眼有淚光
最終年輕男爸爸到場解決事件，佢向家燕姐等人道歉，又承諾賠償一切損失，但家燕姐被此事嚇親，取消剩返一場嘅登台騷，搭第二朝飛機回港。家燕姐憶述呢件「險失身」事件仍心有餘悸，講到激動時更差啲落淚！幾位主持即刻安慰返佢。
節目尾後亦證實呢件事係真，不過家燕姐一組仍不敵阮兆祥，無緣晉級下一輪。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
「TVB人前人後最nice藝員」投票！陳豪第1/馬國明包尾！岑麗香、鍾嘉欣榜上無名
17 Sep 2021
TVB節目《思家大戰》每集都有有獎問答遊戲《思家觀眾大戰》，家庭觀眾今次要競猜「TVB人前人後都咁Nice嘅藝員」，搵咗100位TVB台前幕後投票，得出最多人投嘅前6名。日前TVB喺官方Facebook、Instagram公佈完整名單，陳豪毫無疑問登頂第一位！有唔少觀眾都留言話佢真人超nice！
Photo from 陳茵媺IG
陳豪高票得「TVB人前人後最nice藝員」第一位
「TVB人前人後都咁Nice嘅藝員」搵咗台前幕後100位員工，投出前6位（淨返9票各投出唔同嘅人）。第一位陳豪出咗名無架子，100票中佢有23票，獲大批網民力讚佢實至名歸！
Photo from TVB
Photo from TVB
其實當時競猜已有唔少網民估係陳豪，佢顧家好男人形象深入民心，熱愛咖啡嘅佢更開設咖啡店，不時會親身落舖招呼客人，真人的確好nice，佢獲投票第一位，可見佢人前人後始終如一。
Photo from TVB
Photo from 陳茵媺IG
Photo from TVB
陸浩明留言指陳豪毫無架子幫手截巴士
喺留言區有網友表示見接觸過陳豪真人真係好好人，其中陸浩明亦留言稱自己都投陳豪一票，6號回憶稱當年收工跑去巴士站，架巴士準備開車，陳豪好好人咁幫佢截住架巴士，等佢上到車。
Photo from TVB
呢件事6號喺2018年嘅《後生仔傾下偈》就曾經提過，佢當時表示自己啱啱加入TVB，拍完戲一抽二褦拎住啲衫同鞋好輪盡咁嘆趕唔到巴士，而陳豪就做出Iron Man手勢：「得！6號我幫你截住佢！」，6號仲話自己中意咗佢啊！
Photo from TVB
「神之馬壯」黎諾懿獲「最nice藝員」第二位
第二位係黎諾懿！佢同陳豪票數只差3票，以20票位列第二。佢出道近20年，最為人熟悉嘅係喺《愛回家》飾演「馬壯」，近年佢主持烹飪節目《今晚請客》。黎諾懿喺圈中人緣唔錯，睇嚟同佢嘅親切有所關係。
Photo from 黎諾懿IG
3屆視帝黎耀祥排第三位
共獲16票，黎耀祥入行36年，由跑龍套做起，之後2008年憑《秀才愛上兵》出色演技奪得「最佳男配角」，隨後2009年播出嘅《巾幗梟雄》「柴九」一角大受歡迎，黎耀祥首奪「最佳男主角」，晉身視帝。
Photo from 黎耀祥IG
Photo from TVB
從低做起嘅黎耀祥同唔少工作人員嘅關係都好好，但有網友留言指：「黎生一定唔nice，當年係街差少少就撞到佢，我對佢笑，佢雙眼即時閃開扮睇唔到，未有呢個反應前我都好喜歡佢的，之後就冇好感了，覺得佢好串」
Photo from TVB
陸浩明第四位最出乎意料？！
留言投陳豪嘅陸浩明獲第四，佢喺IG感謝大家支持：「你地真係太Nice！多謝晒台前幕後嘅同事， 大家太客氣啦！」，有網民直言：「陸浩估佢唔到」，6號獲第四都係唔少人意料之外。
Photo from 陸浩明IG
Photo from TVB
薛家燕第五位，排名中唯一女士
前四名都係男士，到第五位終於有女士啦！就係薛家燕！家燕姐僅比6號少一票，以11票排第五。家燕姐經常笑面迎人，原來佢人前人後都咁nice～估唔到前六除咗家燕姐竟然無其他女士上榜，可能係因為投票員工比較多係綜藝節目工作人員，女星都係拍劇多。
Photo from 薛家燕IG
第六位馬國明，排名比預料低
第六位係馬國明，佢獲9票排第六，呢個排名比唔少網友想像更低，馬明向來勁有觀眾緣，呆萌個性非常討好，喺圈中亦有好多朋友，相信佢真人亦係非常nice。
Photo from 馬國明IG
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
