洪永城黃翠如感情太好，令前女友「心中有條刺」！唐詩詠IG隔空反駁？
Photo from 黃翠如IG
# 洪永城自爆曾與日本女生拍拖！
洪永城上年同梁諾妍（Inez）結婚，並育有一名女兒，一家三口幸福滿載～過往佢曾被外借冠上「花心男」嘅稱號，而佢於節目中自爆15歲於紐西蘭留學時，曾與一名日本女生拍拖一星期，但就連拖手都冇拖到；直到19歲先經歷初戀！
Photo from 洪永城IG
Photo from 洪永城IG
# 過往同黃翠如主持旅遊節目上位
以往，洪永城同黃翠如因為合作主持旅遊節目而為人熟悉，憑著輕鬆搞笑嘅主持風格成功突圍而出，成為唔少網民心目中最佳主持拍檔！而佢同黃翠如本身感情亦十分好，令大家不禁猜測佢哋係「友達以上，戀人未滿」嘅關係，一度傳出緋聞。
Photo from 《出走澳洲》
Photo from 黃翠如IG
# 坦承從來冇鍾意過黃翠如！
洪永城自爆過往嘅女友曾因此有所顧慮「嗰時嘅女朋友都有少少擔心，話我同佢咁合拍，喺螢光幕面前咁夾嘅，你哋有冇嘢㗎？」而Bob隨即抓緊機會再問「有冇曾經有一刻係鍾意黃翠如呢？」，洪永城回答「好肯定真係冇！係工作夥伴」！
Photo from 《人夫約出去滾》
Photo from 《人夫約出去滾》
# 二人曾互相扶持渡過難關
「能成為密友大概總帶著愛～」雖然洪永城同黃翠如並非情侶關係，但佢哋卻擁有深厚嘅友誼，互相扶持「連續幾晚講電話，你有啲咩事，有我喺度。一個女仔喺娛樂圈生存唔容易」曾經一齊經歷事業瓶頸期！
Photo from 黃翠如IG
Photo from 黃翠如IG
# 回應與唐詩詠過往感情
洪永城近年飽受輿論壓力困擾，Bob詢問當時「最好嘅女朋友」有冇給予支持鼓勵，在此該女友應該就係曾有「絕世好女友」之稱嘅唐詩詠，二人曾交往約4年。而洪永城回答「都有嘅，好緊要嘅，一齊去經歷啊嘛！不過好可惜始終好多嘢都有條刺，好難再修補創傷繼續行落去，都冇辦法嘅！緣份囉！冇緣份都冇辦法！」
Photo from 《載得有情人》
# 唐詩詠隔空回應，力證與黃翠如感情超好！
節目播出後，唔少網民開始猜測唐詩詠係咪曾因黃翠如而同洪永城有爭吵，引起熱議。當事人唐詩詠於IG隔空回應「多年前我遇上了一段純真友情，不帶刺的」，並張貼與黃翠如嘅合照，力證好姐妹感情～其實二人可以話係透過洪永城而變得熟悉，後來仲變成圈中公認嘅一對好閨蜜！
Photo from 唐詩詠IG
Photo from 唐詩詠IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【洪永城結婚】黃翠如祝賀長文曖昧句句有骨？ Inez 咁樣回應！蕭正楠霸氣護妻
11 Jun , 2021
藝人洪永城（Tony）與梁諾妍（Inez）尋日就喺社交網上同步宣布婚訊，而身為 Tony 超級好友嘅黃翠如除咗喺 Tony 嘅 post 中留言恭喜外「老懷安慰?」外，黃翠如仲喺自己嘅 Facebook 中發長文祝賀，但就反被網友指做多咗。
Photo from 洪永城/Facebook
洪永城同黃翠如由有線就開始一齊拍檔做旅遊節目，更因為佢哋太 close 而不時傳出緋聞，不過二人依家都已各自找到幸福。
Photo from 黃翠如/Facebook
尋日洪永城公布婚訊，黃翠如感觸發長文祝福，訴說二人一起成長嘅經歷，不過之後又突然狂數洪永城缺點，包括污糟、大男人、脾氣差等缺點，最後仲感激梁諾妍肯接收洪永城﹗
Photo from 黃翠如/Facebook
Photo from 黃翠如/Facebook
Photo from 黃翠如/Facebook
不過唔少網民就對黃翠如依個高調嘅舉動就唔太接受，仲過看完佢寫畀洪永城嘅長文後感覺佢嘅說話中好似酸溜溜句句有骨，簡單一一句祝福就足夠，根本唔需要再咁樣發一篇長文。
Photo from 黃翠如/Facebook
Photo from 黃翠如/Facebook
Photo from 黃翠如/Facebook
但黃翠如面對網民指責佢唔應該用依種方式公開祝賀洪永城，同咁做只會令 Inez 同蕭正楠更加尷尬時亦冇坐視不理，翠如堅持自己咁做冇問題，更幾乎係逐一反駁網民，自黃翠如出 POST 後，佢都不停親身留言回應，仲話大家「諗多咗」。
Photo from 黃翠如/Facebook
Photo from 黃翠如/Facebook
而另外兩位被網民提到嘅當事人蕭正楠同洪永城亦有留言，洪永城更留言讚翠如今次嘅文字幾好睇「有感覺，實在」。
Photo from 黃翠如/Facebook
Photo from 黃翠如/Facebook
Photo from 黃翠如/Facebook
就連 Inez 都有留言回應指 Tony 啲壞習慣已經改咗好多。
Photo from 黃翠如/IG
不過點都好喇，都係因為翠如同 Tony 太 friend，之前一直畀人一樣「友情以上，戀人未滿」嘅感覺，但其實喺之前翠如就曾喺一次訪問中指佢同 Tony 以及兩位朋友結拜成 4 兄弟姊妹，所以今次當有網民指佢做多咗時先會想作出回應。
Photo from 黃翠如/Facebook
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
