內地女買樓後驚覺窗外一片墳墓！稱經紀無事先提醒 因1個原因無法換樓？

買樓後才發現新樓「驚喜處處」真係好頭痕。近日，內地一名孝順女為父母購入過百萬新樓，豈料事後參觀時才發現窗外對正一片公墓！事主一家非常介意並想換單位，但開發商竟因為呢個原因，而表示無法做到？

Photo from 微博

新樓對正墳墓點算好？！

據內媒報導，來自湖北省武漢一名劉姓女子置入了價值過百萬嘅新物業送畀父母。當一家到新樓參觀時，才驚覺環境相當唔吉利！當中客廳及2個睡房嘅窗戶都對正一片有幾十年歷史嘅公墓。

Photo from 微博

Photo from 微博

事主聲稱睇樓時未被告知「有伏」

劉女嘅年長父母深感介意，都明言不想入住該單位。而劉女則表示，買樓時未被銷售顧問告知單位對正墳景，又指如果顧問有提醒一聲，自己就會選購其他樓層或樓棟。佢續稱收樓時並無注意到「有伏」，並向開發商要求調換同區另一單位。

Photo from 微博

單位售罄無得換？！

不過，開發商表示難以滿足劉女要求，又指當初在銷售現場已表明西南方向係一處公墓，而且因為全部單位都已在2018至2019年賣完，亦已交樓，所以想換都換不了。佢哋故此好難調換新樓，並只能請劉女向相關客戶部門聯繫。

Photo from 微博

對此，有律師認為開發商有權選擇是否告知項目周邊嘅環境因素，而賣家落訂前亦有責任自行考察物業周邊環境。但佢同時建議劉女可嘗試跟開發商進行協商，以爭取適當補償，或減免物業管理費之類嘅方式來彌補損失。

Photo from 微博

唔知換著係大家又會點做？相信唔少人都不想居所面向公墓，不過，早前YouTuber大J移居日本後，拍片分享在當地物色屋租經歷，而其中一間屋就對正一個墳場，然而佢同太太都表示唔介意！所以，真係每個人都有不同嘅接受程度~

Photo from 大J YouTube頻道

Photo from 大J YouTube頻道

Photo from 大J YouTube頻道

相關文章：大J移居日本搵屋租 拍片對比2間千呎2層獨立屋 因為呢樣嘢月租超平？！

相關文章：夫婦花$39萬港元購百年教堂改成住宅 超多間睡房浴室 遊戲室大到可踩滑板車！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）