台灣「最美偽娘」曬新男友合照網民讚男友超靚仔身邊友人卻冷嘲熱諷？

By Cheryl on 07 Apr 2022

Digital Editor

曾是台灣綜藝《大學生了沒》班底嘅Kiwebaby（張承喜）擁男兒身卻有著少女心，佢於2015年完成隆胸手術，更被網民封為「最美偽娘」。近日，Kiwebaby在社交網分享自己交了男友嘅消息，當網民見到甜蜜照時，都被佢伴侶嘅帥氣臉孔驚艷，仲大讚佢可以做明星！

Photo from Kiwebaby IG

Kiwebaby當網紅及綜藝班底走紅

Kiwebaby（張承喜）起初以網紅身份為人熟悉，後來透過擔任《大學生了沒》固定班底走紅。為了讓自己更漂亮，佢在2015年接受隆胸手術，但因不想犧牲健康而至今未進行變性手術，佢直言自己性別係流動，又認為變性並非尋找真愛嘅唯一途徑。

Photo from 中天電視 YouTube

Photo from Kiwebaby IG

演技被李安肯定

到2020年，Kiwebaby有份參演新加坡喜劇電影《男兒王》，當中佢飾演變裝皇后「珍珠」，佢為片中歌舞情節苦練舞蹈。而電影在當年入圍了金馬獎後奪得最佳造型獎，連睇過電影嘅名導演李安，都在餐會上稱讚Kiwebaby表現出色、很有神采。

Photo from 《男兒王》劇照

仍未有太多演出機會

雖然得到名導肯定，但Kiwebaby仍無法單靠演藝事業過活，其收入大多都來自網路拍賣事業，佢認為原因同自己嘅跨性別身份有關，演角色會有較多限制。所以佢曾表示有計劃考入電影研究院進修，同時保持寫書和寫劇本習慣，希望能寫下自己故事，拍出台版《丹麥女孩》。

Photo from Kiwebaby IG

Kiwebaby早年有上載過自己無咁女性化嘅素顏照，相中可見短髮造型嘅佢青澀非常，氣質斯文，粉絲都稱讚咁樣嘅佢散發著另一種文青氣質。

Photo from Kiwebaby IG

甜蜜公開新戀情

最近，Kiwebaby在社交網上載多張與一位男生嘅親密合照，並寫下：「她生日的那天，他開心得哭了出來，因為他說如果她沒有出生，他也不知道要活著幹嘛。」相信文中嘅「他」就係指佢嘅新男友，佢續寫：「他說，他不知道為什麼會愛她，他比較想知道如何不愛。」正在熱戀嘅兩人真係閃盲一班網民！

Photo from Kiwebaby IG

網民大讚男友帥氣

網友都紛紛留言祝福，相中可見Kiwebaby男友眼大鼻高、輪廓分明，所以有人留言表示「男友超帥的」，仲讚佢可以出道做藝人。

Photo from Kiwebaby IG

戀情受到男友兄弟歧視？

不過，新戀情都有令Kiwebaby沮喪嘅時候，佢在另一帖文指，男友嘅朋友不太喜歡佢哋嘅關係，「自從我們公開了以後，有十幾個他老鄉的朋友私訊他，但說的都是『蛤！原來你是 gay 喔？』，原來直男和跨性別在一起，還是會讓直男兄弟朋友，覺得是非常丟臉的事情。」粉絲聽到都感到心酸，但非常欣賞Kiwebaby嘅勇氣，佢哋都認為佢無需太在意外界目光，繼續做自己便可，同時支持佢同男友繼續走下去。