永順食店｜關注組推介! 元朗永順沙嗲牛麵必食蟹王麵＋流心蛋鮮牛治

Reporter/ Anchor

元朗永順食店被評為全港最好的沙嗲牛肉麵，備受網上關注組討論；小店創於1986年，以極濃沙嗲醬闖出名堂，更食到坊間少有的蟹王麵；除此以外流心蛋鮮牛治亦深受街坊歡迎，認真巴閉！

永順食店

近40年的老字號永順食店位於元朗橫巷內，要數到全港最好食的沙嗲牛肉麵永順一定榜上有名，吸引不少區外沙嗲牛迷慕名而來朝聖，門外經常大排長龍！

Photo from PressLogic

永順食店遠近馳名的沙嗲牛肉麵備受沙嗲牛肉麵關注組推介，以特濃香口見稱；每一份都是即叫即炒，先在鍋裏爆香新鮮牛肉，放沙茶醬、紅葱、蒜蓉等，再快手爆炒，沙嗲牛煮到7分熟，確保客人食到新鮮熱辣炒製的沙嗲牛肉，同時又可以保持牛肉的鮮嫩口感。

Photo from PressLogic

普遍沙嗲牛都會配上出前一丁，而永順另設源自日本的蟹王麵，早於50年前這款麵已於香港流行，與出前一丁同樣是香港第一代的進口即食麵；其實蟹王麵並無蟹肉成份、外觀與出前一丁無異，分別在於其口感更為爽滑彈牙，又無油膱味，更可掛滿濃稠且充滿花生香的醬汁！

Photo from PressLogic

不少食客亦推介流心蛋鮮牛治，半熟流心蛋賣相吸引，夾雜鮮牛肉肉汁，啖啖Juicy，如果芝士達半溶拉絲狀會更佳；沙嗲牛麵名店價錢貼地，$32即可歎到名物，CP值極高！

Photo from PressLogic

永順食店
地址：元朗安寧路2號冠煌樓地下
電話：24747074
營業時間：星期一至日 06:00 - 17:00

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel