上海封城物資短缺，網紅一條青瓜食兩日！2星期瘦4公斤肚腩即消失
Photo from 微博
上海爆發新冠疫情宣佈封城
上海疫情爆發後宣佈封城，每日持續進行核酸檢測，但連續多日確診人數破萬，要延長封城嘅時間。多個住宅小區需實施封閉管理，人同車只進不出，居民足不出戶、居家辦公。
Photo from 微博
物資不足網民要「捱餓」極速變瘦？
封城後市民無法出門購物，近分網友反映連外賣都叫唔到，隨時面臨物資不足嘅問題。有內地網紅居家隔離兩星期間極速變瘦，佢將對比照公開，引起內地網民嘅討論。
Photo from 可子微博
內地網紅「可子」喺微博坐擁250萬粉絲，平時會拍一啲搞笑片段，佢於上海居住，自封城後已多日未曾出街。佢喺微博發文：「我算是體驗了一把『飢荒』瘦法，牛啊！上海。」
Photo from 可子微博
Photo from 可子微博
內地網紅晒對比照稱一條青瓜食兩日，兩星期減近4公斤
有網民問：「這麼有效嗎？？」可子回：「一根黃瓜分兩天吃，咋能不有效」，公開佢「減肥」成功嘅「秘訣」，從對比照嚟睇，喺3月底時佢仲有兩節肚，到4月5日明顯收緊不少，過多5日肚腩近乎消失，效果相當顯著。
Photo from 可子微博
佢又公開磅重照，透露自己由57.3公斤輕到變53.8公斤，有網友留言問：「現在能吃上飯菜嗎」，佢亦表示：「現在可以了，我和阿姨能吃到兩個菜了」，反映物資供應情況好咗好多。
Photo from 可子微博
Photo from 可子微博
有網民表示羨慕被斥膚淺
有部分網民羨慕佢可以咁快減到重，但即被斥：「荒唐！沒有力氣，好看有什麼用？」亦有人指呢種情況好普遍：「不瞞你說，我周圍朋友和我家人都是這樣餓瘦的，天天封在家裡不能動，街道天天就發點胡蘿蔔洋蔥沒辦法吃的東西」，可子本人亦指：「網友們這種瘦是不健康的哈，餓瘦反彈很快而且姨媽也推遲了15天還沒來呢！」
Photo from 可子微博
Photo from 可子微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
上海封城老公隔離1個月大走樣驚變麻甩阿伯！人妻無奈嘆日日躺平
8 Apr 2022
Photo from 微博
上海疫情嚴重宣佈封城
上海疫情爆發後封城，雖然每日都進行核酸檢測，但連續多日確診人數破萬，封城管理日間一再延長。多個住宅小區實施封閉管理，所有人都要足不出戶，市民需居家辦公。
Photo from 微博
網友大晒老公隔離對比照
有網民喺抖音拍片記錄老公居家隔離嘅日常，指老公留喺屋企已近一個月，外型竟大有不同！人妻感嘆老公多日足不出戶，兩夫妻日日無事可做，生活相當無聊。
Photo from 抖音
人妻表示老公在家已有26日，雖然有時會出門拎防疫物資，但為免將新冠病毒帶入屋，佢每次都要全身消毒、做足清潔先可以入門。但亦正因為咁，老公唔會特別打扮，日日都唔梳頭、著睡衣就算。
Photo from 抖音
Photo from 抖音
隔離近一個月身型暴脹大走樣
人妻指老公未隔離前都仲係精神奕奕，乾淨企理，但隔離後佢每日都只係攤喺窗前曬太陽玩手機，身型脹幾個碼不特止，更連鬍鬚都唔剃，慘變不修邊幅嘅「糟老頭」。
Photo from 抖音
Photo from 抖音
Photo from 抖音
不過佢亦十分樂觀，指雖然老公大走樣但都有好處：因為基本上都唔會出門，無打扮嘅必要。加上日日都留喺屋企，使費亦比以往少咗，減少一筆開支。
Photo from 抖音
掀網民熱議：「真正躺平」
老公走樣掀起內地網民熱議，更上埋微博熱搜！網友指佢哋仲可以出門拎物資已經算好，好多地方都面臨物資不足嘅情況，又笑言丈夫每日都瞓喺窗邊先係真正嘅「躺平」。
Photo from 抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
