日本偶像花700萬整容逆轉人生動刀12部位手術後粉絲數+人工暴漲？

Digital Editor

現代科技發達，不少人為了改善外貌都會進行整形手術。日本一名偶像花費700萬日圓整容，動刀部位多達12處。之後，佢嘅人生出現大逆轉，連粉絲人數同月薪金額都大大提升！

Photo from 《気になる1位サンの日常》

曾因顏值低埋怨家人

日本節目《気になる1位サンの日常》採訪了一位名叫尾上七海嘅23歲女子，佢兒時曾患上白血病，而且天生擁有厚單眼皮和寬鼻子，所以佢自小感到自卑。高中時更被意中人問道：「你在瞪著哪裡？」令尾上大受打擊，生活不順下，佢曾多次埋怨媽媽和婆婆：「點解將我生得咁唔好睇？」因此，佢很早便萌生了整形念頭。

Photo from 《気になる1位サンの日常》

尾上在臉上大部分位置都動過刀，從一開始進行割雙眼皮、臥蠶填充、開眼頭等手術，之後再改動鼻子、額頭、下巴等部位，連牙齒也進行過修正，多項手術共花了約700萬日圓（約45萬港元）。雖然花費很多，但外貌改變相當大。

Photo from 《気になる1位サンの日常》

除此，尾上以往要用3-4小時化妝，但整形後不再需要貼雙眼皮等修飾工具，省卻了很多時間超方便，現在只需30分鐘便能完妝。

Photo from 《気になる1位サンの日常》

尾上在整形前已成為了一名地下偶像組合成員，當中要靠粉絲投票，獲選嘅人氣成員才可推出專輯出道，連月薪都係按照人氣而定。尾上坦言，整形前，佢嘅粉絲人數一隻手便能數完，可想而知，其薪金都極之微薄。整形後，其粉絲人數隨即暴漲，薪金更由每月10萬升至15萬日圓（約6500升至9500港元）！

Photo from 《気になる1位サンの日常》

改頭換面後，尾上更有自信，亦無需再為外表煩惱，因此獲得更多時間練習歌舞，佢之後也被選為選拔成員，有份進行CD錄音，令事業漸入佳境。

Photo from 《気になる1位サンの日常》

除此，佢更勇奪整容選美比賽冠軍，令人氣更上一層樓。尾上也很高興自己唔使再被人用奇怪眼光看待，佢直言整形後人生簡直有了大逆轉！當然，整形與否需經過詳細考慮，而尾上嘅決定令佢重拾信心，生活質素也有改善，所以對佢嚟講絕對係件好事~

Photo from 《気になる1位サンの日常》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel