波波黃婧靈生日當天偶遇梁朝偉，化身小粉絲興奮合照！工作量大增備受力捧！直率言論超出位
Photo from krysellawong @ IG
# 波波生日當天偶遇梁朝偉！
波波（黃婧靈）迎來24歲生日，唔少圈中嘅藝人都送上祝福，但相信令佢最高興嘅一定係影帝梁朝偉同佢親口講嘅「生日快樂」喇～佢透露昨日（12日）偶遇梁朝偉，立刻化身小粉絲請求合照，而對方亦欣然答應「我昏迷咗兩個幾鐘，好正呀！真係好正呀！！！！好多謝你肯同我影相???」
Photo from krysellawong @ IG
Photo from krysellawong @ IG
# 超興奮變身小粉絲！
從IG post可見，波波真係非常興奮，大讚梁朝偉真人都一樣咁靚仔「佢一笑傾城，對眼好似梅杜莎咁」，雙眼超迷人；而佢仲講笑咁話「#佢掂住我手臂#我唔沖涼啦」，完全體現到粉絲成功追星嘅心情～
Photo from krysellawong @ IG
# 受曾志偉親自點名讚賞，曝光率即升！
而波波近日嘅工作量亦大大增加，可以話係備受力捧嘅女藝人。過往，佢係節目《後生仔傾吓偈》嘅「後生仔」之一，因為獲高層曾志偉讚賞而曝光率大增，上年4月正式簽約榮升「親生女」！加上佢身材凹凸有致，出席台慶時嘅破格服裝，令佢知名度提升不少！
Photo from 《後生仔傾吓偈》
Photo from krysellawong @ IG
# 擔任2個節目嘅主持！
現時波波分別擔任綜藝節目《周末集結》以及《冇人性教育》嘅其中一位主持人，極速上位！當中佢喺《冇人性教育》大談兩性關係，大膽言論超出位，令旁人都大嚇一跳。
Photo from 《冇人性教育》
Photo from 《冇人性教育》
# 直率言論夠出位！
身為曾志偉嘅新寵兒波波當然獲邀出演對方嘅全新節目《講你都唔信》。而佢就自爆中學時期嘅尷尬事，曾於電梯不慎跌倒導致裙子掀起，仲因此而被稱為「銅鑼灣粉紅色」！
Photo from 《講你都唔信》
Photo from 《講你都唔信》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
「波波」黃凱儀成為曾志偉新寵密密接job 首場內衣show超搶鏡！
26 Apr , 2021
曾志偉成為咗TVB副總經理之後，專門負責綜藝節目同埋音樂節目。早前，佢就親身以嘉賓身份去《#後生仔傾下偈》度探班，仲點名主持班底「波波」黃凱儀，令佢最近頻頻接job，人氣急升！
Photo from 波波IG
早前，曾志偉就曾經上《#後生仔傾下偈》做嘉賓，雖然佢自己就話「你點介紹我都唔會記得你個名。」，但佢就似乎特別鍾意其中一位「後生仔」女主持黃凱儀（波波）！當時仲專登俾波波坐佢隔離，仲喺節目公開點佢名，榮升做曾志偉愛將！
Photo from 《後生仔傾吓偈》
Photo from 《後生仔傾吓偈》
據悉，波波已經喺4月正式同TVB簽咗約，仲即時有份出演電視劇《青春不要臉》同埋接咗唔少嘅活動，令佢知名度大大提升。
Photo from 波波IG
Photo from 波波IG
日前，擁有豐滿上圍嘅波波就有份獲邀參加內衣品牌嘅行show，身材驕人獲得網民讚賞，果然係人如其名！而佢自己就話其實佢身形比較肥，所以有節食同做運動去減肥。佢表示自己平時著衫比較保守，都係第一次著得咁性感，但就不停強調今次活動係健康嘅性感！
Photo from 一田百貨YouTube
Photo from 一田百貨YouTube
當被問到以後係咪走性感路線嘅時候，波波就話工作都係公司安排，尊重公司嘅決定。佢亦話「唔希望大家從心口上嘅脂肪認識我」，希望大家可以見到佢嘅另一面。
Photo from 波波IG
Photo from 波波IG
喺入TVB之前，波波曾經為YouTube channel「熊仔頭」拍短片，而開始拍攝影片。喺2017年，就正式加入節目《#後生仔傾吓偈》做主持班底，令更加多人認識佢。相信而家俾曾志偉「欽點」之後，佢應該都會經常出現喺幕前㗎喇！
Photo from 熊仔頭YouTube
Photo from 《#後生仔傾吓偈》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
馮盈盈恨同姜濤/林德信拍戀愛真人騷 波波被曾志偉多次點名讚！網民：有機會同馮盈盈看齊！
31 Mar , 2021
早前 TVB 為新登場嘅綜藝節目舉行記者會時，因鄧智堅模仿姜濤一事引來網民嘅批評。雖然事後佢哋都有向粉絲道歉，馮盈盈更上傳合照自稱係「姜糖」，但一眾粉絲都拒絕接受道歉。今次佢仲話想同姜濤拍戀愛真人騷添！
而喺上一集《#後生仔傾吓偈》中佢哋就搵嚟曾志偉做嘉賓，其中後生女「波波」黃凱儀（Krysella）更多次獲曾志偉點名，又坐喺志偉身旁正中位置，成了全晚最得寵一位。
除咗一班後生仔喺節目中把握機會介紹自己外，馮盈盈同林穎彤作為主持人都十分踴躍表現自己，不過當陸浩明和馮盈盈打算開口時就獲志偉回應：「唔使啦！」
之後又直指自己喺馮盈盈參選華姐時讚錯對方，令唔少網民都覺得三位主持失寵，而波波正係上位之時，有機會同馮盈盈佢哋看齊！
而喺今集佢哋就繼續同曾志偉傾偈，席間曾志偉問眾人想搞咩綜藝節目時，馮盈盈即提議拍攝戀愛真人騷，類似韓國真人騷《我們結婚了》。
至於嘉賓方面，馮盈盈亦已有心目中人選，話：「娛樂圈應該共享，唔可以咁狹窄，可以搵公司以外嘅人，我已經有候選男藝人，你睇吓會唔會請到佢哋。我……想要林德信。」
之後又問曾志偉可唔可以係 Viutv 嘅藝人，喺得到曾志偉一聲話「得」後，盈盈即好似中頭獎咁，興奮表示：「我想要姜濤呀，可唔可以幫幫手？唔該。」志偉考慮後表示只能幫幫口。
雖然上次事件後佢自認係「姜糖」，但今次公開喺節目中咁講，隨即引嚟唔少粉絲注意，指佢唔好要再消費姜濤。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
