唐詩詠自爆曾拜神挽回偷食男友，踢走第三者！入行19年有3段戀情
Photo from 唐詩詠 IG
《絲打圍爐》唐詩詠坦言自己愛撒嬌
蝦頭（楊詩敏）同連詩雅（Shiga）主持嘅節目《絲打圍爐》邀請咗視后唐詩詠做嘉賓。佢哋齊齊討論如個達至「完美女人」嘅境界。
Photo from 《絲打圍爐》
蝦頭同Shiga都覺得男性會中意唐詩詠呢個類型，唐詩詠坦言熱戀中自己會對男朋友撒嬌，例如會攬住對方話：「我哋去邊度食嘢呀？」兩位主持即時表示佢嘅語氣「好嗲」。
Photo from 《絲打圍爐》
認為第三者避無可避，曾拜神求偷食男友回心轉意？
不過佢唔認為女生識得撒嬌就可以得到男人心，因為第三者總有可能會出現：「你做得幾好佢（男友）都會有小三㗎啦！要有就有㗎喇！」唐詩詠仲自爆佢為咗踢走第三者咩都做過！
Photo from 《絲打圍爐》
Photo from 《絲打圍爐》
唐詩詠指佢試過帶男友拜神，隨即引起蝦頭同Shiga熱議，不過唐詩詠表示佢唔係求趕走小三：「我求佢（男友）要好愛我咁囉。」唐詩詠指當出現第三者，女生好易會陷入怪圈：「淨係諗小三快啲走啦，或者你返嚟我度啦！」
Photo from 《絲打圍爐》
Photo from 《絲打圍爐》
Photo from 唐詩詠 IG
佢認為即使有第三者，女生都要好好生活，因為無可能避免到有第三者出現：「男人要選擇佢（第三者）都係會選擇佢」，所以最緊要唔好被呢樣嘢影響到自己。
Photo from 《絲打圍爐》
入行以嚟有過3段戀情，余文樂係初戀？
唐詩詠自2003年參演首部電視劇《當四葉草碰上劍尖時》出道至今已有19年，曾有3段戀情，喺2017年余文樂宣佈結婚時唐詩詠公開送上祝福，對方係佢嘅初戀男友，兩人於2002年合作拍香港電台劇集《青春@Y2K》後拍拖一年，有傳余文樂因拍戲戀上盧巧音，與唐詩詠分手。
Photo from 唐詩詠 IG
Photo from 余文樂 IG
與崔建邦9年情，對方多次被爆偷食
2005年唐詩詠同崔建邦傳出緋聞，多年後兩人公開戀情，不過呢段戀情經歷離離合合，期間崔建邦多次被爆負面新聞但唐詩詠都不離不棄，獲封「絕世好女友」，但男方屢屢被指偷食，最終2014年兩人正式分手。
Photo from 唐詩詠 IG
Photo from 崔建邦 IG
因劇生情戀上洪永城
2013年唐詩詠與洪永城合作拍劇《載得有情人》萌生愛火，男方經常同其他女星傳緋聞，雖然唐詩詠多次公開表示十分信任對方，但戀情維持5年，佢哋於2017年宣佈分手，唐詩詠曾指分手有好多原因，而洪永城早前上節目時自爆前女友曾因為佢同黃翠如感情太好而「心中有條刺」，令唔少網民估佢講緊前女友唐詩詠！不過唐詩詠喺IG post出同黃翠如嘅合照隔空回應：「多年前我遇上了一段純真友情，不帶刺的」
Photo from 《載得有情人》
Photo from 唐詩詠 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
唐詩詠玩抖音現頸紋暴露真實年齡！網友直言：係咪淨係保養塊面唔記得條頸？！
21 Jul 2021
視后唐詩詠最近無劇集出街，但係就勤力更新社交網站同fans交流。佢喺抖音公開新影片，示範生氣樣，但就被網友指佢頸紋好深：「老咗好多！」
Photo from 唐詩詠IG
唐詩詠入行超過20年，憑《不懂撒嬌的女人》成功奪得視后，佢近年愛上玩抖音，之前就拍抖音大派心心向觀眾撒嬌。
Photo from 唐詩詠抖音
不過當時比起佢喺鏡頭前大晒可愛一面，網民更關注佢嘅眼睛，因為影片中佢雙眼皮極深，非常唔自然，更惹嚟微調疑雲。
Photo from 唐詩詠抖音
近日唐詩詠再更新抖音，今次佢示範「生氣」嘅表情，更分為「普通人生氣」、「港劇女主角生氣」。飾演「普通人」時，唐詩詠將頭髮紮起，打扮隨性，但眼神同表情卻十分唔耐煩；相反當佢做返「女主角」時就悉心打扮，盡顯溫柔一面。
Photo from 唐詩詠抖音
Photo from 唐詩詠抖音
Photo from 唐詩詠抖音
Photo from 唐詩詠抖音
但網友都無留意佢嘅演技，反而將重點放喺唐詩詠嘅外貌。網民指佢「頸紋好犀利」，而且唔知係咪角度問題，唐詩詠似有水腫，雙下巴明顯。
Photo from 唐詩詠抖音
Photo from 唐詩詠抖音
唔少網民留言指：「原來明星也有那麼深的頸紋」、「老咗好多」、「人老先老頸 頸紋好犀利」、「成個師奶咁」、「點解老了咁多」，又呼籲佢要做好保養。
Photo from 唐詩詠抖音
Photo from 唐詩詠抖音
Photo from 唐詩詠抖音
Photo from 唐詩詠抖音
Photo from 唐詩詠抖音
Photo from 唐詩詠抖音
Photo from 唐詩詠抖音
唐詩詠之前曾喺IG公開同陳山聰仔仔Jaco玩嘅相片，佢當時零filter下展現自然眼尾笑紋，卻被網民直言：「皺紋都出来了」，其實今年已40歲嘅唐詩詠仍唔用濾鏡，無懼歲月痕跡展現自己真實一面都獲唔少網友力撐。
Photo from 唐詩詠IG
事業上唐詩詠已奪視后，但喺愛情路上雖然有「最佳女友」嘅稱號，佢嘅真命天子尚未出現。唐詩詠入行後公開承認嘅男友有3位：余文樂、崔建邦、洪永城。
Photo from 唐詩詠IG
與余文樂拍香港電台劇集《青春@Y2K》時互生情愫，佢曾言余文樂係佢嘅初戀；而同崔建邦離離合合多次終未能結果；2013年佢同洪永城拍《載得有情人》擦出爱火花，不過喺2017年兩人宣佈分手。
Photo from 《載得有情人》
佢嘅前男友都已有另一半，其中洪永城同梁諾妍日前結婚，更雙喜臨門即將升呢做埋爸爸，仍然單身嘅唐詩詠喺IG晒歎咖啡相，睇落心情大靚！
Photo from 洪永城IG
Photo from 唐詩詠IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
