![「大小姐」林淑敏成功對抗癌魔,化療期間曾休克需要急救!康復後彷彿重生一樣,坦承有腦霧後遺症?](https://image.presslogic.com/holiday.presslogic.com/wp-content/uploads/2022/04/7808b134.jpg?auto=format&w=718)
「大小姐」林淑敏成功對抗癌魔,化療期間曾休克需要急救!康復後彷彿重生一樣,坦承有腦霧後遺症?
現年45歲嘅「大小姐」林淑敏10年前被發現患上乳癌,最近佢接受電台訪問向大家分享過往對抗病魔嘅經歷,坦承飽受後遺症影響,所幸嘅係丈夫及身邊嘅同事都對佢非常包容!佢表示宜家好似被賦予第二生命一樣,樂觀面對嘅態度非常值得大家學習~
Photo from 林淑敏IG
「大小姐」林淑敏2000年選美入行!
日前,林淑敏成為港台節目《舊日的足跡》嘅嘉賓,大談入行以及對抗病魔嘅親身經歷。佢喺2000年參加香港小姐競選,並獲得「網上最奪目小姐」而入行。佢坦承剛入行時,大多數都係做「茄哩啡」,對自己冇咩自信「當時覺得演戲係工作,有糧出就有生命力!」
Photo from 林淑敏IG
Photo from 《真相》
2010年發現患乳癌!
直到2010年,林淑敏被發現患上乳癌,令佢對於事業嘅睇法亦有所改變,希望能夠活出精彩嘅人生「既然電視台收留我,決定有生之年都要令自己嘅人生更精彩,去盡啲,起碼對得住自己!」
Photo from 林淑敏微博
親述化療期間經歷
而林淑敏憶述治療期間所遇到嘅辛酸,化療期間打4針都出現休克情況,仲曾經打完針後面部變黑,需要醫生搶救。醫生表示佢依然需要時間慢慢復原,但佢就話過咗6、7年仲係有腦霧嘅情況出現「試過揸車返屋企喺馬路兜咗2、3個小時。」
Photo from 林淑敏微博
後遺症腦霧導致突然「斷片」?!
林淑敏提及過往拍攝電視劇《On Call36小時II》與蘇玉華對戲卻突然忘記對白,「她望住我,一句對白都講唔出好尷尬。她好好人,是好好嘅演員,佢一定覺得點解呢個人唔做功課」,表示當時因為完成化療針而突然腦霧發作。但之後都冇同對方解釋,所以喺受訪時直呼「我愛你,蘇玉華!」大讚佢脾氣好~
Photo from 《On Call36小時II》
2017年飾演「大小姐」而為人熟悉~
直到2017年,林淑敏加入處境喜劇《愛回家開心速遞》飾演「大小姐」龍力蓮一角,知名度飆升!而佢亦大讚拍檔「送水輝」許家傑非常玩得,二人私底下係非常有默契嘅朋友,直言認識到對方十分幸運。
Photo from 《愛回家之開心速遞》
Photo from 林淑敏IG
早前,佢仲為咗劇情需要而大膽素顏出鏡,獲網民大讚皮膚好,而且演技夠放~
Photo from 林淑敏IG
Photo from 林淑敏IG
感謝丈夫悉心照顧及陪伴
其實林淑敏於2013年嘅時候,與拍拖13年嘅圈外人陳中原(Tommy)結婚,而丈夫亦不離不棄地喺佢身邊陪伴佢對抗病魔。當被問到丈夫會否呷醋時,佢就話「緊係冇」,仲話Tommy會扮演「送水輝」同佢背對白,非常恩愛~
Photo from 林淑敏IG
曾擔心未來要做返「茄哩啡」!
而佢過往曾擔心「大小姐」角色面臨終結嘅一日,害怕到時候又要再重回飾演「路人甲」嘅生活;但佢諗通咗「重病的經歷令我明白『本來無一物』嘅道理,將宜家嘅工作做好先。如果劇集真係有變動,我可以選擇退休或者繼續演下去。」感恩獲安排扮演大小姐~
Photo from 林淑敏IG
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
林淑敏老公唔容許佢佗B 怕佢癌症復發 每日讚佢好可愛 渡過「癌」關!
19 Feb , 2019
喺《愛回家之開心速遞》飾演大小姐龍力蓮嘅林淑敏,憑呢個角色,惡死、霸氣嘅形象入晒屋,更喺今年《萬千星輝頒獎典禮》榮獲最佳女配角嘅殊榮,成為網民心中無可取締嘅「大小姐」。但如此風光嘅背後,總有心酸、波折嘅經歷,就係佢嘅抗癌之路。「大小姐」日前接受電台訪問時,憶起以往種種點滴,更提起佢老公對佢嘅細心照顧。
Photo from IG@ sukman_lam
林淑敏喺2010年確診患上第2期乳癌,令佢嘅人生頓時陷入低谷。當時只有30歲左右嘅她要面對咁沉重嘅消息,情緒一度崩潰,甚至覺得冇咗人生希望。林淑敏公開感謝老公嘅陪伴同支持,先能夠令佢堅持落去。
Photo from IG@ sukman_lam
佢憶述當時要接受抗癌治療,過程非常辛苦,唔單止要接受化療同電療,更要打標靶藥。嗰時因為藥物副作用影響,甩晒啲頭髮,嚴重時更一度用上成人紙尿片。
Photo from 微博@林淑敏
當一個女仔冇咗美麗嘅外表同健康嘅身體,對於任何人嚟講簡直喺冇咗尊嚴。呢段抗癌之路令佢身心俱疲,佢覺得自己連累咗身邊嘅人,所以當時曾經一度向當時嘅男朋友,即係現任老公提出分手。
Photo from IG@ sukman_lam
雖然呢個癌症令林淑敏失去健康、失去自信,但佢賺到嘅卻係佢老公對佢嘅珍惜同更深厚嘅愛!林淑敏甜笑話當時甩晒啲頭髮,但男友唔想佢傷心,就經常大讚佢可愛。
Photo from IG@ sukman_lam
同時為咗令佢努力撐落去,男友更係突登學煮飯,每晚都煮五餸一湯,為她補充營養;一人揹起屋企所有嘅雜務,等佢可以專心接受治療,咁樣無微不至嘅照顧令林淑敏極之感動:「好好彩遇到佢」!林淑敏經過咗長時間嘅抗癌治療後終於好番,男友更即刻向她求婚,最後有情人終成眷屬!
結婚之後,林淑敏本來想生BB,希望同老公組織幸福家庭,但係本身家族遺傳賀爾蒙過高嘅佢,要有BB就需要先停服抑制劑。冇諗過老公因為擔心佢停藥之後會令荷爾蒙再次產生變化,增加癌症復發機會,而堅拒佢冒險生BB。
Photo from IG@ sukman_lam
「你若不離,我定不棄!」呢8個字足以概括「大小姐」同老公嘅愛情故事!無論作為男方定女方,知道另一半咁樣為你,咁樣愛惜你,真係千奇千奇要把握住,唔好放手啦~
Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)