Asok Thai Garden｜挑戰巨型珍寶船麵！阿叔泰麵變泰式Fusion菜尖沙咀新分店

By Suki on 20 Apr 2022

Deputy Managing Editor

只想有個餵唔飽嘅肚，有杯飲唔完嘅酒，一個不完美的飲食記者。

阿叔泰麵在元朗及大圍非常有名氣，其船麵有別於其他店舖，湯頭用上牛骨及不同藥材熬煮超過10小時，湯頭濃厚不油膩，帶有陣陣藥材香。早前更疫市擴充，新分店進駐尖沙咀，不走傳統泰菜風格，改以Fusion菜為賣點，就連裝潢門面亦走異國風情。

阿叔泰麵新分店「Asok Thai Garden」主打泰式Fusion菜，將傳統泰菜元素融入西餐，製作不一樣的泰式料理。甫進店內，裝修風格及餐牌有別Asok泰麵，全木裝修、榻榻米、太陽傘、藤織吊燈、實木傢俬、乾花等搶眼擺設，份外有生氣，像一間充滿度假風的Cafe。

Photo from PressLogic

店舖供應超過60款食物，有齊泰式頭盤沙律、意粉、薄餅、咖哩等任君選擇，食材大部分來自泰國，吃得夠地道；其中提供的船麵沿用阿叔泰麵的湯底，以牛骨及藥材熬足超過10小時，絕無味道，飲落牛味重；加入泰國直送的牛丸、豬肉丸、牛腩每日街市新鮮入貨、爽彈豬肉片等，再配上爽湯吸汁的金邊粉。今次有別於細細碗的傳統泰國船麵，以巨型珍寶版船麵登場，非常有噱頭，份量供四至六人用，人多不妨一試。