ADD+｜西九M+過萬呎海景新餐廳！煲仔沙嗲牛炒腸粉＋限量50份鵝油叉燒意粉

By Suki on 22 Apr 2022

Deputy Managing Editor

只想有個餵唔飽嘅肚，有杯飲唔完嘅酒，一個不完美的飲食記者。

西九博物館M+有間以全日餐飲為賣點的ADD+，店內供應食物款式多樣化，有齊港式經典小吃、中式點心、西式三文治、多國菜等，其中主菜食物如海南雞飯、鵝油意粉，兩者做法講究，盡顯大廚功架。餐廳內設有兩間獨立房，分別可容納8位至10位客人，相當高私隱度，而且佔地10,000呎，備有落地大玻璃，望住無敵海景慢慢歎。

政府宣布開放晚市堂食後，不少餐廳已陸續開業，而西九博物館M+則新開兩間餐廳，分別是Add+及韓國過江龍Mosu Hong Kong。前者以全日餐飲為主打，佔地超過一萬呎，劃分成休閑餐飲區、吧台；後者為Mosu Seoul贏得米芝蓮二星的餐飲團隊主理，主打韓國傳統菜式。兩大餐廳內每個角落都能眺望西九藝術公園廣闊景觀以及迷人夜景。

Photo from PressLogic

Add+供應食物款式多樣化，大至多國菜如西式三文治、海南雞飯，小至經典小吃如雞蛋仔、中式點心拼盤等都有，其中海南雞飯為店內名物，因主廚入廚逾30年，出身灣仔某間以海南雞飯聞名的酒店。今次將海南雞飯升級並加以改良，用上金華火腿、大地魚、花菇、八角、瑤柱等材料製成雞湯底，先將2斤重的原隻冰鮮三黃雞浸熟慢煮40分鐘，然後放入冰水再浸10至15分鐘，令外皮夠爽脆，去骨雞肉夠嫩滑。

Photo from PressLogic

而油飯做法亦講究，爆香南薑、香茅及乾蔥等配料，再撈起瀝乾油份，放入乾米炒香，最後盛起放入飯煲加入雞湯水及班蘭葉煲煮，令飯粒保留清香，食落粒粒分別。至於醬料用上ABC印尼甜豉油、自製薑蓉及辣椒醬，順帶一提辣椒醬用上泰國及四川辣椒，大廚特意加入椰糖同煮，怕辣者大可一試。

Photo from PressLogic

另一招牌香炒鵝油叉燒意大利粉，為餐廳老闆林建岳博士與廚師團隊共同研發的菜式，做法繁複不簡單。鵝油則每日新鮮以太空爐提煉而成，再加入髀皮位及叉燒炒製意粉，叉燒同樣用上本地靚脢頭肉，食落鑊氣十足，每日限量50份，相當矜貴。

Photo from PressLogic

而店內亦有供應中式菜式，如以九宮格形式呈現的粵點盛盒，滿載九款精緻點心，包括杞子醉雞餃、京葱牛肉香芋角、頭抽牛頰肉春卷、鮮蝦鰻魚紫菜春卷、鮑汁海參滑雞扎、蜂蜜柚子蟹肉蝦餃、櫻花蝦蟹籽燒賣、胡椒蘿蔔酥餅及麻香叉燒酥。煲仔沙嗲牛肉炒腸粉，其自家沙嗲醬有別傳統做法，師傅將蒜粒、乾葱、沙茶醬炒香後，加入新鮮栗子蓉慢炒來取代沙嗲醬。