30歲男上司4大招式主動追求！港女婉拒好意不果：唔想冇咗份工！
茫茫人海中能夠遇到情投意合嘅人十分難得，但如果被一位唔合適嘅對象落力追求就可能會變成煩惱。最近，一位港女喺討論區大呻被大約30歲出頭嘅男上司力追，而且仲多次公然喺同事面前對佢暗示有好感，令佢非常尷尬！然而，港女卻對上司冇興趣，詢問網民解決嘅方法。
Photo from 《前輩那支口紅不要塗》劇照
港女被男上司公然力追，感到尷尬！
唔知道大家有冇試過俾其他人追求嘅經驗呢？日前，有位單身港女於討論區表示剛剛入職大約一個月，但就感覺到男上司似乎對佢有好感，仲好似超有自信能夠成功「追女」。而佢感受到男方嘅「好意」後，已經試過暗示對上司冇興趣，不過對方就似乎並冇接收到，仲三番四次主動向佢示好，令佢感到擔心！
Photo from 香港討論區
Photo from 日劇《大叔的愛》
1. 用私人電話致電港女
港女表示曾經收到一個不明來歷嘅電話號碼，但佢一向都唔會接聽呢類型電話，所以當時無視來電。然而，男上司後來同佢講「做咩唔聽我電話」，令佢立刻嚇咗一跳，因為同事之間一向都用公司電話聯絡！
Photo from 香港討論區
Photo from 《原本以為只是手機掉了》劇照
2. 成日經過港女工作位置
男上司會經常於港女工作嘅座位附近出現，而且會主動同撩佢傾計；而港女亦只能同佢交談，但就擔心會令對方會錯意！其中一位同男方相熟嘅同事仲專登詢問事主有冇男朋友，令佢更加不知所措。
Photo from 香港討論區
Photo from 《前輩那支口紅不要塗 》劇照
3. 公然於同事面前撩港女？！
隨住時日變遷，男上司嘅行為亦似乎變得越來越高調，曾經喺一班同事面前突然向港女大聲講「我要請你食飯」，而港女亦驚同事誤會二人真係有曖昧！
Photo from 香港討論區
Photo from 《社內相親》劇照
4. 扮霸氣總裁？！
港女話男方經常都會主動關心佢，害怕佢會因為工作量多而未能適應，每次事主都會以「冇事啊！」、「唔會有事」等回應；但對方就好霸氣咁話「你都唔聽我講」等，並且好似有少少嬲咁，令港女有少少卻步！
Photo from 香港討論區
Photo from 《大力女子都奉順》劇照
詢問網民應對方法！
港女坦承唔希望因為呢件事而導致失去工作，加上現時嘅工作都算係幾順利。另一方面，佢擔心將來要面臨到當面拒絕上司嘅地步，導致二人間嘅關係好尷尬，希望集思廣益詢問網民建議～
Photo from 《未生》劇照
網民建議扮有男友最有效？！
大部分嘅網民都認為港女要盡可能地對男方冷淡啲，減少同佢有公事以外嘅接觸；而部份網民都覺得最有效嘅方法一定係假扮有男友，「如果佢（上司）再問就話有男友」、「搵個異性朋友接你收工」等！
Photo from 香港討論區
Photo from 《大力女子都奉順》劇照
經驗者分享自身經驗！
有位遭遇相似經歷嘅網民就勸喻港女盡快尋找新工作，表示呢類型嘅個案最終都會連累工作！部份上司可能會因為追求唔到下屬而惱羞成怒，令工作變得困難重重。
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
00後女新人入職，中年上司為扮young學講潮語：係咪好MM7呀？！
19 Apr , 2022
Photo from 《柔美的細胞小將》
00後女同事入職
曾經係「年輕一代」象徵嘅90後開始步入30歲，而00後都就嚟大學畢業。工作上遇到00後嘅可能性增加，「代溝」亦漸漸出現。
Photo from 《大叔的愛》
有網民於香港討論區發文，佢指公司今個月嚟咗一個00後嘅女新人，新同事嘅直屬上司係一位40幾、50歲嘅大叔，平時為人都幾nice，同其他下屬都好friend。
Photo from 《大叔的愛》
中年上司欲與下屬打成一片
樓主估計中年上司為咗同00後女下屬打成一片，盡量以年輕人嘅口吻同對方交流，樓主：「特登打造到自己仲好後生，好明白依家後生諗咩嘢」，不過似乎適得其反。
Photo from 《大叔的愛》
狂講「潮語」勁尷尬
樓主指自從00後女同事加入，成日聽到中年上司講埋晒啲「潮語」：「get唔get呀？」、「我覺得咁樣太大癲啦！」令樓主覺得十分尷尬。
Photo from 《我要準時下班》
中年上司更試過講：「係咪好MM7呀！我覺得係MM8添呀！比MM7更MM7！」本身「MM7」係「正」嘅速成碼，多數都會係留言時用，甚少見人會講「MM7」，而中年上司更自創「MM8」，令樓主十分無言。
Photo from 《大叔的愛》
掀網民熱議
樓主認為其實大家都係返工，正正常常咁講嘢咪算，指00後唔會聽唔明，直言中年上司：「為咗要take care妹豬同事，可以去到幾盡？」
Photo from 《無法成為野獸的我們》
唔少網友都表示呢種情況真係好尷尬，又指00後女同事聽到40幾歲嘅上司咁同佢講嘢都會唔知點應好；亦有網民認為上司同下屬有年齡差好正常，大讚中年上司有心同下屬打成一片，係一種關懷嘅行為。
Photo from 香港討論區
Photo from 《金秘書為何那樣》
Photo from 香港討論區
Photo from 《大叔的愛》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
