鍾麗緹在家健身曝光豪宅內部 3層獨立屋時尚奢華空間大到搵唔到囡囡？

By Cheryl on 25 Apr 2022

Digital Editor

內地疫情嚴重，上海封城令民眾都足不出戶，明星間更興起一股「劉畊宏健身風」，而鍾麗緹（Christy）一家都有響應，在家裡齊齊跳健身舞，間接曝光其豪宅環境，單係Gym Room已目測達500呎！

Photo from 鐘麗緹微博

鍾麗緹一家健身曝光豪宅內部

51歲鍾麗緹與小12歲張倫碩結婚6年，一直恩愛。近日，不少留家抗疫嘅明星們都大跳劉畊宏帶起嘅健身舞，Christy都唔例外，佢同老公與兩名愛女在家拍攝多條熱舞片，連劉畊宏本尊都按讚，讓夫婦倆開心不已。片中可見，佢哋屋內裝修時尚奢華，大客廳以淡雅水泥灰為主調，空間闊落，擺有紫色長梳化及兩個圓形茶几，電視掛在牆面，下方放有一系列BE@RBRICK公仔，相信價值不菲。

Photo from 鐘麗緹微博

Photo from 鐘麗緹抖音

屋內設有500呎健身房

另一片段可見，Christy和兩位囡囡加老公在家中嘅健身房裡跳舞，佢哋身後有好多設備，面積亦非常大，估計超過500呎，相信不少健身迷都會好羨慕。Christy話過佢哋成家人都熱愛運動，所以特意在家中設立一間專屬健身房，等一家隨時都可以進行鍛煉、保持身形。

Photo from 鐘麗緹抖音

Photo from 鐘麗緹微博

三層獨立屋裝潢時尚奢華

Christy多年前在北京購入一間三層獨立屋，以往曾在節目裡公開當中環境。單係大門已充滿古典氣派，屋內環境則走中西合璧風格，大廳內有西式壁爐，天花掛着一盞巨型水晶燈，而廳嘅另一邊牆身就掛有一幅毛筆字，下方亦放置了中式陶瓷。而近樓梯嘅一個空間更空曠到可以畀小孩們打翻斗，屋外亦有大草地，一家在草地上野餐跳舞都得，真係邊度都有活動空間。