55歲劉玉翠移居廣州後「唔捨得走」，近況被讚保養得宜！入行32年不受重用！為健康而改名？

女藝人劉玉翠現時已經將事業重心轉移返內地，早前佢為咗健康宣佈改名為劉喬方，希望藉此轉運。宜家長居廣州嘅佢成日都同大家分享佢嘅日常生活，而佢亦非常滿足於現狀，大讚廣州嘅好處「完全唔捨得走」！

Photo from 劉玉翠微博

劉玉翠一入行就獲獎！

劉玉翠於1990年出道，一入行就出演電影《廟街皇后》「阿Yan」一角，仲因此而獲得《第10屆香港電影金像獎》「最佳新人獎」以及「最佳女配角」殊榮，同時獲提名《第37屆金馬獎》「最佳女配角」，一下子就聲命大噪！

Photo from 有線電視

Photo from 劉玉翠微博

卻不受電視台重用？！

其後劉玉翠簽約成為大台旗下嘅藝人，有份參與唔少電視劇拍攝，包括：《天龍八部》、《包青天》、《鹿鼎記》等。然而，佢並冇因為演技獲得肯定而備受重用，反而經常被安排出演配角角色，變成大家都熟悉嘅綠葉演員！

Photo from 《非常靜距離》

Photo from 《鹿鼎記》

曾插足樂壇，但最終放棄成為歌手

另一邊廂，劉玉翠亦嘗試向歌手之路發展，於1992年與新藝寶唱片簽約，先後推出過3張個人專輯。佢本身沙啞嘅聲線亦成為佢嘅個人特色，1993年佢香港電台頒發「最有前途新人獎(女)」銅獎，前途似乎無可限量，但佢次年就宣佈同唱片公司滿約，並決定專心演戲。

Photo from 《流行經典50年》

拍攝《皆大歡喜》時患上抑鬱症！

劉玉翠曾於內地節目中自爆2003年患上抑鬱症，當時成年都只係拍攝一部電視劇《皆大歡喜》，但過程就並唔愉快「我演的角色讓我覺得是可有可無的，但其實公司是很看重我的」，仲坦承薪水算高；但就覺得角色冇挑戰性，而令佢開始懷疑自己嘅價值，陷入低潮之中！

Photo from 劉玉翠微博

身體頻頻出現問題

直到2011年，劉玉翠約離巢並轉投HKTV，可惜HKTV最終不獲發牌，於2013年離開；而佢亦堅拒重返TVB！情緒壓力大嘅佢仲患上咗濕疹「皮膚問題蔓延到氣管，愈嚟愈嚴重。」即使多次向中醫或者西醫尋求幫助都未能解決問題，仲搞到內分泌失調，身體狀況不如以前，而佢為咗改運將名字改為劉喬方。

Photo from 《我是演說家》第2季

Photo from 有線電視

近年移居廣州長住

幸好，劉玉翠暫時停止演藝工作，並經過多番嘅醫學治療及身心靈課程後獲得改善。近年佢仲搬往廣州居住，仲出演內地節目分享自己嘅心路歷程，現時佢生活寫意，經常同朋友聚會，並上載至社交平台同網民分享。唔少網民都大讚佢保養得非常好，狀態大勇！睇嚟保持心境開朗真係好重要～

Photo from 有線電視

Photo from 劉玉翠微博

大讚廣州2大優點！

日前，劉玉翠接受內地媒體訪問，大談移居內地後嘅各種好處「我親戚都喺廣州，廣州係我屋企嘅根嚟嘅！」，仲大讚廣州科技發展繁榮，只係天氣方面變化較大，直呼「我唔捨得走喇」！

Photo from 微博

Photo from 微博

相關文章：陳思齊離巢後榮升按摩店老闆！曾被發現整形？大多飾演配角，獲封「御用丫鬟」！

相關文章：「御用惡人」林敬剛北上發展超成功 開設200畝柑園 成為「陳皮大王」!

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

47歲劉綽琪憔悴近照曝光！丈夫父親相繼離世！自細身世坎坷但依然積極面對！

9 Mar , 2022

港姐出身嘅藝人劉綽琪已經淡出幕前多年，但經常喺社交平台上分享自己嘅日常生活。然而，呢幾年嘅經歷令佢一度陷入低潮，身邊嘅親人都不幸離世，仲因此而患上人格障礙症。最近佢上載嘅自拍近照，就顯得非常憔悴，令網民都非常擔心！

Photo from TVB

# 劉綽琪參選港姐出身

47歲嘅劉綽琪1997年以本名參選港姐而入行，隨後簽約成為TVB藝人，主要出演電視劇以及主持清談節目，知名度尚算唔錯。2006年，佢曾經轉投亞洲電視，並以主持健康節目《康健DNA》而為人熟悉。直到2008年佢因為照顧病重嘅爸爸而去美國，有份參與好萊塢製作，拍攝短片以及廣告！

Photo from TVB

Photo from 養和堂廣告

# 丈夫及父親接連病逝！

2015年，劉綽琪於FB公開與外籍男友結婚消息，事實上丈夫當時已經發現患有淋巴癌，但佢選擇陪伴對方走過人生最後一段路，而丈夫亦於婚後2年不幸逝世！2018年佢回流返港，曾接受傳媒採訪嘅時候提及父親剛離世消息，但依然積極面對人生，表示自己已欣然接受事實，習慣一個人嘅生活。

Photo from TVB

# 自拍近照公開，面容瘦削！

日前，劉綽琪於IG罕有地上載自拍照。只見相片中嘅佢身穿吊帶背心，長髮披散，但面容瘦削，神情憔悴，狀態似乎大不如前！唔少網民都紛紛留言表示擔心，而佢就回覆仲想減多幾磅，並解釋喺用咗萬聖節filter先顯得面色蒼白，感謝網民關心。

Photo from 劉綽琪IG

Photo from 劉綽琪IG

# 曾患人格障礙症

2019年，劉綽琪因知識產權問題與律師發生紛爭鬧上法庭，當時佢喺庭外接受訪問時自爆患上人格障礙症，每日都要食藥，精神狀況不佳。之後，佢就甚少再公開露面，十分低調，又難怪網民會擔心佢！

Photo from 劉綽琪IG

# 童年經歷坎坷！

自小就經歷父母離異嘅劉綽琪，小時候大部分時間都同母親相依為命。喺佢14歲嗰年，母親卻因為陷入人生低潮而選擇離開人世，令當時目擊情況嘅佢大受打擊！後來，佢曾於節目中提及事件，但就坦承「的確影響咗我嘅性格，但我唔想再喺過時過節覺得唔開心。」

Photo from TVB

相關文章：郭羨妮9歲囡近照曝光獲網民大讚！過往緋聞多！與內地老公結婚 卻不被看好？

相關文章：張敏演新《倚天屠龍記》近照曝光 網民：唔認得！王晶大讚文詠珊戲路廣

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）