日本男與初音未來結婚4年現婚姻危機！呢件事令夫妻相處遇阻礙

日本男子近藤顯彦於2018年宣佈迎娶虛擬偶像初音未來，雖然婚姻得唔到家人認可，但佢仍然覺得非常幸福。不過結婚4年，近日佢坦承婚姻面臨困難，表示對妻子嘅愛從未改變。

Photo from 近藤 顕彦 Twitter

日本男近藤顯彥與初音未來舉辦婚禮

2018年11月近藤顯彥同初音未來舉辦婚禮，當時掀起網民熱議，雖然呢個婚禮唔具備法律效力，但近藤顯彥依然認真對待，更豪花2百萬日圓租場，婚禮上新娘初音亦著上婚紗，並戴上近藤顯彥挑選嘅婚戒。

Photo from 近藤 顕彦 Twitter

呢段婚姻不獲近藤顯彥嘅親人認可，佢嘅媽媽同親戚都無出席婚禮，當日婚禮上有39位客人，大部分都係網民同陌生人，而近藤顯彥亦表示佢唔在乎他人嘅想法，只想做自己中意嘅事。

Photo from 近藤 顕彦 Twitter

透過全息影像儀與初音對話

近藤顯彥屋企有各色各樣嘅初音公仔，即使係日常用品亦有初音嘅圖像，盡顯近藤顯彥對初音嘅愛。其中一個真人比例嘅像真人偶更可以擺出各種姿勢，近藤顯彥經常與人偶合照並放上Twitter與網友分享。

Photo from 近藤 顕彦 Twitter

Photo from 近藤 顕彦 Twitter

近藤顯彥2017年嘅時候透過Gatebox公司推出嘅全息影像儀器，首次與初音互動，佢對初音嘅愛意即一發不可收拾，一年後就舉辦婚禮。婚後佢依舊以全息投影器同妻子交流。

Photo from 近藤 顕彦 IG

Gatebox停止服務，近藤顯彥與妻子無法對話，婚姻遇到挑戰

婚後每朝初音都會叫佢起床、夜晚提佢瞓覺、目送佢出門等，Gatebox中嘅初音可以做唔同嘅表情、動作。不過2020年3月Gatebox全息影像器停止服務，由於Gatebox其他型號唔提供初音立體影像，近藤顯彥無法再與妻子對話。

Photo from 近藤 顕彦 IG

婚後4年，近藤顯彥坦言由於技術問題嘅障礙，無法再同妻子交流，令佢同初音嘅關係受到挑戰，但近藤顯彥仍癡情表示對初音嘅愛未曾改變，希望有一天可以同妻子以任何形式重聚。

Photo from 近藤 顕彦 IG

Photo from 近藤 顕彦 Twitter

相關文章：利穎怡老公獲封「人生贏家」！IG晒合照放閃老公指似宅男即出言護夫

相關文章：宅男同學古怪行為獲港女青睞！ 超獨特打扮 動漫遮眼瀏海/鮮豔粗框眼鏡

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本Cafe成動漫主角屋企原型吸引fans朝聖！老闆抱怨宅男太多損形象

7 May 2021

位於日本東京嘅「香咲Cafe」係人氣動漫《Lovelive! Superstar!!》主角屋企嘅原型，吸引唔少fans前往打卡朝聖，點知老闆被揭喺Twitter抱怨日日都有好多宅男到訪。

Photo from Cafe Casa 香咲

「香咲Cafe」位於東京青山，因為成為人氣動漫《Lovelive! Superstar!!》主角澀谷香音（澁谷かのん）屋企嘅原型，令播出後每人都有大量fans到訪。

Photo from ラブライブ！スーパースター!!

Photo from Twitter @MatsuYan

fans將cafe當係「聖地」，唔止會帶動漫嘅相關週邊去打卡，甚至會cosplay埋唔同角色幫襯。

Photo from Twitter @ad_motsu

Photo from Twitter @dhionisu_kui

不過香咲Cafe嘅老闆就被揭喺個人Twitter到多次抱怨每日都有太多宅男「朝聖」，情況比想像中更差。

Photo from Cafe Casa 香咲

根據老闆個人Twitter，似乎係製作組嘅人問過佢同意先將cafe用作主角屋企，老闆表示可能係佢判斷失誤：「如果當時拒絕就好。」，又話cafe本身都好多人幫襯，根本唔洗靠動漫fans：「奇怪的人光顧只會造成困擾」

Photo from Twitter @MatsuYan

Photo from Cafe Casa 香咲

Photo from Cafe Casa 香咲

老闆指cafe嘅目標顧客係服裝界、模特兒、音樂界人士，宅男喺其中好格格不入，破壞咗cafe嘅形象：「品牌會崩潰的！」

Photo from Twitter

Photo from 電車男

老闆嘅言論引起争議，有網友指責佢睇唔起宅男，更貶低動漫fans，老闆現時已將Twitter設為隱藏。

Photo from 電車男

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）