劉小慧飛鵝山半億獨立屋曝光！擁大露台長走廊 裝修豪華

前藝人劉小慧與草蜢成員蘇志威結婚後已淡出娛圈，佢近年轉型做KOL兼開設生活百貨購物平台，不時在社交網分享與老公在飛鵝山豪宅嘅生活點滴，可見佢哋一家同幾隻寵物都生活都非常幸福！

Photo from 劉小慧 FB

劉小慧與蘇志威一家住飛鵝山千萬獨立屋

50歲劉小慧有「得閒修女」之稱，活躍於九十年代樂壇，並和黎瑞恩、湯寶如有「寶麗金三小花」稱號。到1997年，佢同草蜢成員蘇志威註冊結婚，二人現時育有兩名女兒，有傳夫婦倆身家過億，佢哋一家人現同兩隻愛貓和一隻愛犬同住一間價值千萬嘅飛鵝山獨立屋。

Photo from 劉小慧 FB

裝潢簡約時尚，活動空間充裕

最近，小慧在個人IG分享了在家和愛犬玩耍嘅短片，可見屋內有長型走廊，唔洗到戶外都一樣可以同狗狗玩掟波！可見環境採用淺色木系地板，牆身掛有布畫，感覺令人舒適。

Photo from 劉小慧 IG

小慧亦有在社交網上載其他生活照，同時曝光屋企內部，其客廳走全白裝潢，非常光猛，茶几與電視之間有好大空間，而電視旁邊亦有樓梯。

Photo from 劉小慧 FB

其他照片可見，小慧家裡裝修簡約，採光度十足，風格低調奢華。屋內有落地玻璃門，另一空間牆身挑通了多個凹位置物，外觀時尚。

Photo from 劉小慧 FB

Photo from 劉小慧 FB

除此，小慧亦擁有一個超過十層嘅鞋櫃，佢站在旁邊合照都顯得櫃子特別龐大。

Photo from 劉小慧 FB

擁超闊露台

老公蘇志威經常於寵物一起合照，一時與狗狗舒適攤在床上，一時對著家中大露台健身，兩隻愛貓同睡在露台上曬日光浴，非常惬意。而屋企附近環境清幽，佢同老婆都不時帶狗狗到後山散步享受「親子」樂趣。

Photo from 劉小慧 FB

Photo from 劉小慧 FB

Photo from 劉小慧 FB

可在天台種植

小慧亦會在自家天台種菠蘿，享受種植樂趣之餘又有得食，真係開心。另外，小慧養貴婦犬每月已花費約6千元，而藏獒主食嘅肉更要每月花過萬元購買，有指佢每月養貓狗已經要花起碼3萬元。

Photo from 劉小慧 FB

除了養貓狗，仲有養馬

除此，其實小慧仲有飼養兩匹馬，其中一隻退役冠軍馬隻「駿王」，小慧曾透露佢本來從新西蘭送到澳門，再到內地，只係機票和澳門嘅住宿費已起碼花了百萬港元，仲未計養老費，真係少啲儲備都應付唔到。

Photo from 劉小慧 FB

Photo from 劉小慧 FB

相關文章：鍾麗緹在家健身曝光豪宅內部 3層獨立屋時尚奢華 空間大到搵唔到囡囡？

相關文章：楊卓娜田園風豪宅曝光！設自家庭院+農場 隨時露營超惬意 曾和妹妹楊茜堯慳錢上車

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）