母親節送禮提案！3大入廚好幫手～慳時間、更健康～幫媽咪分擔煮餸煩惱！

就到母親節，係咪煩惱緊送咩好呢？其實送俾媽咪嘅嘢，最緊要係有心意得嚟又夠實際！即係最好每日都用到之餘，又切合到佢嘅真正所需～例如：廚電！

無論媽咪係一直努力增進廚藝嘅新手、已經係廚神嘅家庭主婦，定係返工忙到無停手，收工仲要煮飯無得唞嘅職業女性都好，以下介紹嘅三款廚電及產品都一定啱晒佢！

提案1/ 媽咪搖身變廚神！Philips All-in-One 智能萬用鍋～多種烹飪方式解鎖各項美味菜式 ！

平時母親大人用咁多時間煮到成枱都係餸，目的都係想我哋食餐好，但其實過程中需要好多時間同心機去處理～想幫媽咪分擔下？呢部 Philips All-in-One 智能萬用鍋 HD2151/80 絕對可以成為媽咪好幫手，有預設35款煮食模式，無論煲湯、煲飯、煲粥、燜、燉、煮醬汁，甚至高、低溫慢煮、整牛、雞、魚、豬等等，都完全無問題，會自動調節時間及壓力！中途想加入材料都唔使擔心，因為只需要按下「加入材料」，就可以輕鬆添加，節省大量時間！

慳！30分鐘煮出震攝味蕾好滋味！

平日收工再煮晚餐，想早啲開飯，就要同時間競賽！All-in-One 智能萬用鍋只需30分鐘就可以極速完成一般菜式～而且佢嘅降壓速度比起一般煮食爐具快 50%，只需 7 分鐘即可完成自動降壓，例如煮牛肉嘅話，由加熱到完全降壓只需 30 分鐘，而一般傳統煮食爐則需要 60 分鐘，除咗慳返唔少時間，想同時間煮多幾味都得啦～

再者，大家都知道，尤其係煲老火湯，真係可以用上你大半日時間，仲會一直佔用一個爐頭位置，想同時煮多幾樣餸都唔得。用佢煲湯就可以慳返一個爐頭，仲唔使睇火，唔使擔心煲乾水，而且煲湯流失嘅水份相對會較用火煲湯少，咁就人人都有湯飲！另外，煲完仲會自動保溫（長達12小時），以後媽咪唔使大嗌「仲唔出嚟，啲餸凍晒啦！」～

簡單方便易上手～廚藝成就解鎖！

放心，Philips All-in-One 智能萬用鍋 HD2151/80，使用者界面簡單易明，操作亦方便易用，容易上手，廚藝成就解鎖，輕鬆炮製九大簋～

Philips All-in-One智能萬用鍋 HD2151/80 產品資料
型號：HD2151/80
顏色：黑色
建議零售價：HK$1,998
零售點：各大百貨公司及電器店有售

提案2/ 居家必備！Premium XXL 健康空氣炸鍋 低脂健康再升級～

氣炸鍋方便之處人人都知，咁Philips Premium XXL健康空氣炸鍋又有咩特別之處呢？氣炸鍋除咗唔使預熱慳時間，又有烤、焗、煮、炸、煎，甚至翻熱多種功能之外，仲可以令媽咪由唔識煮飯變成大廚。因為Philips專利智能烹調模式會自動根據食物種類、大小同重量，設定合適嘅時間同溫度，烹調美食，例如新鮮自製薯條或急凍薯類小食、雞槌或全雞，甚至成條魚都可以，簡單按幾個掣就得，真係幫到媽咪慳返唔少時間同精神呀！

媽咪煮飯除咗注重好味，健康都係重點之一！Philips有獨家脂肪脫離技術，可以去除食物中高達50%嘅多餘油脂，自然食得更健康！

另外，高顏值一定係加分位，媽咪都係女人，面對住珍珠白配上香檳金色，襯到大部份廚房同屋企，點會Say No呀？

Philips Premium XXL 健康空氣炸鍋 產品資料
型號：HD9870/20
顏色：珍珠白配香檳金
建議零售價： HK$2,998
隨機附送：家庭焗盤及9個鬆餅杯
零售點：各大百貨公司及電器店有售

提案3/ 今晚食乜餸？NutriU App為你送上無限食物靈感！

要再加以減輕媽咪嘅負擔，「今晚食乜餸？」都係另一個煩惱～Philips Premium XXL 健康空氣炸鍋配合新推出嘅NutriU應用程式，入面有過150款食譜，煎、烤、焗飯、炸等等煮食模式通通都有，教你煮食步驟、用咩模式、有幾多營養價值等，全部有齊。仲可以記低購買清單，輕鬆幫媽咪解決煩惱！

今個母親節，一於入手Avent Philips All-in-One 智能萬用鍋同Philips Premium XXL 健康空氣炸鍋，幫媽咪減輕煮食負擔，俾個驚喜佢啦！

產品詳情傳送門： https://da.philips/3OEIVcx 
NutriU Android 下載連結：https://da.philips/3KiKWry 
NutriU iOS 下載連結： https://da.philips/3MBLzhw 

Text: HolidaySmart Editorial
Photo from: Philips
Featured for: Philips