任職保險業好友瘋狂來電，背後原因超窩心？港男誤會對方想「追數」而感到懊悔！

隨住年齡嘅增長，過往親近嘅朋友都可能因為環境改變或者心態唔同而漸行漸遠，真心朋友可能會變得越來越少～港男於討論區表示中學嘅朋友出社會後，選擇投身保險界，而佢多年前就搵呢位朋友幫手。然而，最近朋友卻突然不停打電話俾佢，佢以為對方要「跑數」，加上去工作忙碌就冇即時回覆，最終卻發現朋友原意只係為咗幫佢？！

Photo from 《未生》

港男分享「好友做保險」經歷

現時唔少人都擔心遇到窮追猛打嘅sales，網上仲曾經盛行一句「好怕朋友做保險」，擔心友誼可能會因各種原因而「變質」！日前，有位港男於討論區分享中學朋友做保險嘅經歷，仲因為自己誤解咗對方而感到懊悔。

Photo from 香港討論區

畢業後就搵朋友購買保險+基金

港男坦承同朋友由中學認識至今，畢業後朋友投身保險行業。而佢出社會後嘅第一份保險就係搵朋友買，一方面自己需要購買保險，又可以順便支持朋友。由於對朋友性格十分熟悉，知道對方唔會欺騙佢，隨後佢又再購買基金等，不過二人依然維持好兄弟關係～

Photo from 《大債時代》

朋友最近突然瘋狂來電？！

然而最近基金大幅下跌，港男因工作忙碌，加上自己並冇投資太多金錢落基金上，所以就並冇理會。而朋友從星期一開始就不停打電話俾佢，而佢都因為太忙而忘記回覆對方，以為朋友係「唔夠數想我幫佢買多份填數」！

Photo from 《鬼怪》

發現對方只係想幫佢？

直到近日，朋友send email加錄語音訊息俾港男，細心教導佢改基金嘅事宜，佢先發現朋友咁焦急搵佢「原來係想幫我止蝕…」！對此港男感到有啲唔好意思，後悔曾經以為朋友係想「追數」而搵佢，仲藉此詢問網民「識朋友做保險，究竟係好事定壞事？」

Photo from 《如果30歲還是處男 似乎就能成為魔法師》

大部分網民認為港男只係「水魚」？！

網民對呢個問題嘅睇法都十分兩極！部份網民就認為「講錢傷感情」，對方可能會因為工作業績等問題而令二人友誼出現問題，認為港男現時只係「朋友其中一位水魚」；亦有網民懊惱咁表示曾經被做保險嘅朋友「收多咗佣」等嘅經驗！

Photo from 香港討論區

Photo from 韓劇《奶酪陷阱》

從事保險業的朋友心態最重要！

相反，有網民覺得最重要嘅係視乎從事保險界朋友嘅工作心態！有網民就大讚佢朋友有良心，而且網民表示最好就係「唔會瘋狂煩住就得」，能夠尊重朋友，仲一致地認為絕對唔hard sell就冇問題～

Photo from 香港討論區

相關文章：藝人陳彥行被騙簽3千萬保險！爆喊指3年內過千萬積蓄蒸發！

相關文章：打工仔拍搭訕片變身人氣網紅 靠廣告月賺8萬5「唔靚仔都無問題」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

30歲打工仔遇公司巨變想裸辭+轉行 壓力爆煲向媽媽呻 終被回應感動到喊！

28 Dec , 2021

不少人到了30歲，都會審視自己嘅事業發展。最近，一名30歲打工仔上網大呻公司轉系統後壓力大增，想轉行又有困難，終於不禁在媽媽面前大喊，表示想裸辭，而媽媽答覆都令佢非常感動！

Photo from 《男人唔可以窮》劇照

打工仔面對工作巨變倍感壓力

近日，一名打工仔（下稱樓主）到連登討論區發文，表示自己任職文書行業，公司最近轉換系統，令佢彷如一張白紙要重新學習，即使自己唔清楚新系統如何運作，但已經要教導其他同事，「唔係話做唔到，但要行多好多個STEP，仲要好似我有經驗先識做，新嗰批人聽完睇完都唔會知做緊咩」。

Photo from TVB

責任感強更感無助

有網民認為樓主太上心，而佢都認同，佢表示自己教人就要教到最好，又怕同事做錯會令其他人要執手尾，導致佢心力交瘁。而新系統亦比舊嘅差，部分功能無法支援，但老闆卻不斷推卸責任，所以樓主頓感迷惘。

Photo from 《男人唔可以窮》劇照

30歲面對事業交叉點

樓主又言，工作情況令佢倍感壓力，原本佢想搵到新工才辭職，但同時想轉行，而自己剛踏入30歲，所以並非咁容易。佢亦引述中介所指，由於佢在想轉嘅範疇上無經驗，所以可能要先試合約工，否則難以用現時薪金入行。

Photo from 《男人唔可以窮》劇照

有網民問佢現時月薪多少，樓主回應有2萬3千港元。有部分網民認為人工不算高，確實有需要轉行，但亦有人認為以「白紙」狀態轉行的話，人工只會有跌無升。

Photo from 連登討論區 評論

Photo from TVB

幸好得到媽媽體諒

每天面對工作上嘅困難，令樓主最近用膳和睡覺都不禁想著公事，「我自己都控制唔到，我覺得咁返工法真係好唔開心。」終於，佢向媽媽盡訴心聲，仲忍唔住喊。佢媽媽聽罷，就表示家裡無需靠樓主開飯，「做得辛苦咪唔好做，休息下。」樓主聽後非常感動，但礙於現實因素仍未有最終決定。

Photo from 《我的全像情人》Netflix

網民留言安慰與鼓勵

帖文引嚟不少網民安慰樓主，有人自稱同樣30歲才轉行，所以唔洗驚，「有心唔怕遲」，有人認為若日常生活被工作影響就需要辭職，「錢搵唔完，抖一排再重新出發啦」、「有時頂唔住都要停左份工先既，照顧自己心情同搵錢都重要」；亦有網民建議樓主找尋合適新工同時，都要令自己變得更強大。

Photo from 連登討論區 評論

Photo from 連登討論區 評論

睇完網民們嘅分享，樓主表示自己裸辭嘅心加強咗，又指會再多作思考，並有可能於一星期內遞交辭職信。

Photo from 《受夠了！我要炒老細》劇照

相關文章：打工仔呻中年新同事教極唔聽+超多甩漏 更多次問事主借錢 搞到自己好似扶貧咁！

相關文章：打工仔回巢被舊同事笑「無出息」一個原因難引網民同情：梗係俾人笑啦！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）